Kuuguudo Sugudo akav Makolluro sakwollokakwono Mak 11:20 - Gooti Toolluro Yogalokwono

²⁰ Toro tooro iruko aikomguda'ai lomwo tollugwoji plavo'mno Jisasolluro iko fik kuudoka toollu uuwoleyo'mo tomgu'aro avlavoporogano. Toro plaino sumaveyokwe iko su toollu aiko te kwonoporogano. Iko su tool yiuno puluko tovida'ai i'muu pilo tovino me'no aluuropingiko toollu kwonoporogano.

Kuuguudo Sugudo akav Makolluro sakwollokakwono Mak 11:20 ပူးပေါင်းရင်းမြစ်များ

Matyuu 13:6

Yere bilarowiyo'mno kun kuruv puluko nonaguto tovino tov kuujo aboka toga yere abuukuropiyopogano.

Matyuu 15:13

Toro abuudopo tovi Jisasol yovekurajo aro kuudokaikono. “Mi Nyunumiyago muunyu kai'muuda'ai toolluro yiuwi'nokai maburaujajuko tonyu gavnokwe tool kadomdo nomolo'mowopiyonorogano.

Matyuu 21:18

Aikomguda'ai lomwo iru'mago toga Jisasol wagwolago Jeruusalem'no aki aiko te avlavokaikono. Toro plaino sumaiyokwe puuto tomuu mujuko kwinokaikono.

Kuuguudo Sugudo akav Makolluro sakwollokakwono Mak 11:12

Betani toru ki'mo'mno sumaveyokwe iruko aikomguda'ai tollugwoji wagwolago su toruda'ai bolokwino sumaveyokwe puuto tovi plavo'mno Jisasol mujuko kwinokaikono.

Kuuguudo Sugudo akav Makolluro sakwollokakwono Mak 11:14

Jisasol toro tovi wonyuno sumaiyokwe iko toollu yogalo aro amojurugolokaikono. “Agada'ai sulo mai'nugovla'mwalbinekugono. Toro tookujuda'ai yiunokuudo mamuudogungovla'mwalanekugono.” Amojurugolokaikono. Toro wuudoduke toga Jisasolluro uumjunyokwe tooro au'nallajuporogano.

Joon 15:6

A'mwo pwol numi manuguro'mwonyugovlawo'ji tool ipilo modovodukwopiyodupudo to'busuko imo'nonekono. Ipilo buukuropiyodupudo su tooro yiuno duko tovi iroudapiyo'moneyokwerogano.

Hibruu 6:8

Toro kuvi kuruv buuruko awo'ji tovida'ai kwako tovi lodokwe togai'aro gwo'gwopto togai'aro to'no abilapi to'gwowi kwako su tov womdo nonaguto imo'nonokwono. Kwako su tovi Gooti tool wobo toga jul'nyogalo nodubweyonekono. Aki kwako su tovida'ai yiuwi'nokai kaiya'nodo su tonyu duko tovi yere mobwokullurowonekono. Yovekurajo tov torokwono.

Juut 1:12

Aki kevu Aguto toolluro kalo buuropino pasudo tovino aki aiko te yaullo'moneyokwe lubullu doto i'bwo'nonomwalodopure toga a'mwo kuunano ibwasokwe su tooro kevuge kuullu'bwo'nomwalodupudorogano. Toro tooro Gooti toolluro sumdo tovi kaiya'no pasudo aro kuullodupudorogano. Toro tooro kevnokweraino to'no kuudo yauropi wosamujuko bwotonyago kuuloluvonopiyokwerogano. Aki kemoro pasudo su tovino wogulo mibwosunyokwerogano. Aki a'mwo Gooti toolluno kuudo maiyokwe su tooro sulu'wo puruv buuruko mavodowodo to'busuko imo'nodupudorogano. Dolo tov sulu'wo su tonyu molobeyomokwodowodo kuvi kuruv buuruko ku'nono mavodupudogano. Aki a'mwo su tooro iko pwol ikulsulo mai'nodowodo to'busuko imo'nodupudorogano. Iko su tool ikulsulo ki'nyo'moneyokwe abai'mowo'ji kuga kuruv ikulsulo ku'nono mai'nodowodekono. Aki a'mwo su tooro iko ajowopingiko toorobusuko imo'nodupudorogano. Toro tooro pugasal me'no abollungopo toorobusuko imo'nodupudorogano.