Kuuguudo Sugudo akav Makolluro sakwollokakwono Mak 10:46 - Gooti Toolluro Yogalokwono

⁴⁶ Toruda'ai Jisaseke'aro gamoro uumjunyokwe toorogai'aro tooro wagwolago Jerikoo toru abai'movoporogano. Toro bai'mo'mno sumaveyokwe lukomgu Jisasol wagwolago tovida'ai bolokwoduke toga gamoro uumjunyokwe toorogai'aro a'mwo bwotonyago pworogai'aro tooro kuumjunoporogano. Toro bolokwodopure toga a'mwo sumnowojokwe pwol puuto tovi wobo toru domdo ajugonyajukekono. Toro tool Timeyosolluro kwolaiyo Batimeyasolekono.

Kuuguudo Sugudo akav Makolluro sakwollokakwono Mak 10:46 ပူးပေါင်းရင်းမြစ်များ

Matyuu 13:4

Toro plaino sumaiyokwe novlollosoduke pun puuto tovi muunyu toru abwolorapogano. Toro abwolorapo tonyu dokato tooro bo'mno abomonopiyopogano.

Luuk 16:20

Aki a'mwo kuto ivito maiyo kuunodo pwekwojuno yovo tov Lasarosolekono. A'mwo su tekwo nogrojo kuumwiyo to'no yo'mowopiyodowodo tekwoji a'mwo nuugwiyo bwotonyokwe toolluro noullo wobo toru kuumwallajupekono.

Luuk 16:22

Su toro yomjomwekovla'mno sumaiyokwe lukomgu Lasarosol abolokaikono. Toro aboloka tekwoji ensel tooro momwora'no sumaveyokwe Eburaiyamollomno amokavlavopekono. Lukomgu a'mwo kuto ivito bwotonyagokwe kwol kuruv abolokaikono. Toro toollu amolsosopekono.

Luuk 18:35

Toruda'ai Jisaseke'aro gamoro uumjunyokwe toorogai'aro tooro wagwolago Jerikoo tovi wobo toru ai'movopo toga a'mwo abolo kwolallo bwotonyago ton kuumjunopogano. Toro uumjunodopure toga a'mwo sumnowojokwe pwol puuto tovi wobo toru mwalodowo domdo ajugonyajukekono.

Luuk 19:1

Aki Jisasol wagwolago Jerikoo tovi ki'mo'mno sumaiyokwe wagwolago su tovi akuuto toru'aro aulokaikono.

Joon 9:8

Toruda'ai a'mwo su toolluro ajumiyo avalo tomuuda'ai togai'aro aki a'mwo abolo sumnowojokwe domdo jugonoduke toollu kwonyajupo togai'aro ton i'bwo'no'mno aro sajunopogano. “A'mwo pwol sumdomgu mwalodowo domdo ajajuko su tool akal kwoldukono?” Sajunopogano.