Kuuguudo Sugudo akav Makolluro sakwollokakwono Mak 1:2 - Gooti Toolluro Yogalokwono

² Aiyoga proofet Aisaiyal Gooti toolluro yogalo puruv aro sakwollokaikono. “Duu'nono. Nuvu moro a'mwo modomollokwe pwollu morapiyo'mi gumi sumdomgu wanonekono. Toro tool wanowo'ji guvu a'mwo abolo tonyu wuuru'mallo'moneyokwe puuto tovi yovo'dogalagubweyonekono.

Kuuguudo Sugudo akav Makolluro sakwollokakwono Mak 1:2 ပူးပေါင်းရင်းမြစ်များ

Matyuu 11:10

Toro te proofet su toolluno aiyoga Gooti toolluro yogalo puruv aro sakwollungikokwono. “Duu'nono. Nuvu moro a'mwo modomollokwe pwollu morapiyo'mi gumi sumdomgu wanonekono. Toro tool wanowo'ji guvu a'mwo abolo tonyu wuuru'mallo'moneyokwe puuto tovi yovo'dogalagubweyonekono.” Toro sakwollungikokwono.

Matyuu 2:5

Su toro kuudoganoka toollu a'mwo su tooro aro kuudoporogano. “Kwako Juudiya tomuuda'ai wagwolago Betelem toru yomapinekono. Su toro tovino aiyoga proofet pworo Gooti toolluro yogalo puruv aro me'no ajakwolloporogano.

Matyuu 26:24

Gooti toolluro yogalo tovi aro me'no sakwollungiko tov kuvinono imo'nonokwono. “A'mwo Kwolaiyo Kuunodo tool neya bolonekono.” Sakwollungikokwono. Toro kuvi kuruv a'mwo amoranubweyo'ji su tekwoji sumdomgu miyawosunopujuko'mno'juki tabunyu bwotonyo mamarowo'jujukekono. Toro kuvi kuruv a'mwo amoranubweyo'ji su tekwo tabunyu bwotonyo nomaronekono.”

Matyuu 26:31

Toro plaino sumaveyokwe Jisasol gami uumjunyokwe toorai aro kuudokaikono. “Surakuuto akallugwoji kevu yiuwi'nokai toorekul mino buulo nonyugunyumopipinorekikono. Gooti toolluro yogalo tov aro me'no sakwollungikokwono. “Nuu sipsip duuwatokwe toollu aromiyosumi toga yiuwi'nokai sipsip tooro lukado nyounopipinorogano.” Toro me'no sakwollungiko tov nobaiki'mowonokwono.

Luuk 1:70

Gooti tool gamoro womdo yono tovino aiyoga kuunodo toga proofet sugudo pworai me'no kwiyajukekono. Toro wiyoduke tovida'ai proofet su tooro aro ajajupekono.

Luuk 1:76

Oo mi kwolaiyoloo, gumino aro gudumaupinekugono. “Gooti Yiuwi'nokai Tonyu Uuwolo'mdowodo toolluro proofetoloo,” gudumaupinekugono. Su tov aro tovinokwono. Guu Aguto toollu sumdomgu wanbinekugono. Toro wano'bi Aguto toolluro puuto bwono tovi yovo'dogalbwebinekugono.

Luuk 18:31

Toruda'ai Jisasol gami 12-pela uumjunyokwe toorai judo tomuu magulkuu'no sumaiyokwe gavnokweyollu wimo'nyo'mo tonyuno aro kuudokaikono. “Duu'nyulo. Nevu Jeruusalem'no avla'mwakuuwono. Jeruusalem toru me'no ai'mowa'ji toga nuu A'mwo Kwolaiyo Kuunodo toonyuno yiuwi'nokai proofet tooravuro puukwollo ajakwollajupo ton kuvinono nonyumo'nupinogano.