Mollurolovomato 9:27 - Gooti Toolluro Yogalokwono

²⁷ Toruda'ai Feroo tool Mooseseke Erooneke todorallu doma'no sumaiyokwe aro kuudokaikono. “Aga toga nuu ma'no ma'nodo tov me'no sugono. Gooti Yawel yiuno sugudo to'no yoduke kuvi kuruv nuuge'aro moro a'mwo abolo togai'aro tonolno'gwowi ma'no ma'no sumwakuuwonogano.

Mollurolovomato 9:27 ပူးပေါင်းရင်းမြစ်များ

Mollurolovomato 10:16

Toruda'ai Feroo tool Mooseseke Erooneke todorallu yere doma'no sumaiyokwe Moosesollu aro kuudokaikono. “Nuu kemoro Gooti Yaweke'aro kev kworakike'aro toorekullu ma'no ma'nodo tov me'no aikullumonyugono.

Mollurolovomato 10:17

Moro ma'no ma'no aikullumo su tovino guu domodukwopiyono. Toro te guu kemi Gooti Yawellu subusu'nyogalo wuudo'bi tabunyuwuulo aromiyanubweyadopiko akavi neya amanyudukwopiyono.” Kuudokaikono.

Mollurolovomato 8:25

Toro te Feroo tool Mooseseke Erooneke todorallu doma'no sumaiyokwe aro kuudokaikono. “Kevu kemi Gooti toollu wiroudapiyo'moneyokwe nokwo plapinogaikikono. Toro kugaikul kuruv kwako Ijup akavi kwa'mgu tomuu mabolokuupinogaikikono.”

Mollurolovomato 8:8

Toruda'ai Feroo tool Mooseseke Erooneke todorallu doma'no sumaiyokwe aro kuudokaikono. “Nuuge'aro moro a'mwo abolo togai'aro tonolluda'ai nabuulo akarai modukwopiyono'moneyokwe kev todorakul Gooti Yawellu subusu'nyogalo neya duujulo. Toro kuudubullu toga nabuulo tooro anekugollu'mopi tov nuu a'mwo abolo ton Gooti Yawellu wiroudapiyo'mo pla'mdopure tonyu nokwo wonyapino imonyugono.” Kuudokaikono.

Jagillo 21:7

Bwotonyago ton toro kuuno mujobolmovla'mdupu a'mwo abolo pun Moosesollu abuudopogano. “Nevu guuge'aro Gooti Yaweke'aro toorakullu mebweyogalo adaikullowo tovino kuudo me'no souroma'mwakuuwono. Oo ma'no ma'no me'no aikullowonoldeyo. Kuudo me'no souroma'mwakuuwono. Toro tovino tov Gooti Yawel gabakuto bulaptokwe toorai amodukwopiyoneyokweyo'mo guu subusu'nyogalo neya duudono.” Kuudopogano. Toro kuudopo tovi Moosesol a'mwo abolo tonyu wiyo'mwojo'moneyokwe subusu'nyogalo kuvinono kuudokaikono.

Matyuu 27:4

Toro mokavla'mno sumaiyokwe aro kuudokaikono. “Oo nuu ma'no ma'no me'no sugono. Nuu a'mwo ma'no ma'nodo maiyokwe toollu kemoro ato tovi amaikubwemonyugono.” Kuudokaikono. Toro kuudoka kuvi kuruv a'mwo mido mollomwalokwe su tooro burolyogalo aro kuudoporogano. “Gumoro anekudumodo su tov nemi manekwoso. Guvnokwe tookuji aguuwoso.” Kuudoporogano.

Room 2:5

Awiyo, kevu toro kuudo miyau'dupudo kuvi kuruv kemoro poowokalago tono'gwowi lumdo kuulopiyopi kemoro kuudo kun kuruv dogaipo'nyo kuumwiyo bwotonyo yau'dupudorekikono. Toro toorekulluro kirumwallo tov bwotonyo imo'nugelodawodokwono. Toro te aiyowo'mo toga Gooti tool gamoro kooti yogalo idopto'nodo tokwe daikullowo'ji airekumwallo'ji toga gamoro surodo tov yiuno kuu'maiyo toru'no ikuduuwallonorekikono. Toro aikuduuwallo'ji tovi noonpinorekikono.

Room 3:19

Kevu kuudo neya jaullulo. Moosesolluro loowo sakwollungiko ton yiuwi'nokai loowo su tovi dolago tomuu mwalodowado Juu tonollu danekullodowodokwono. Toro tovino tov yiuwi'nokai a'mwo abolo, “Oo nevu sugudonogano,” dodopure tonyuro mago tovi Gooti toolluro loowo tov uubuto'mdowodogano. Aki toro tovida'ai yiuwi'nokai a'mwo abolo kwako akavi mwalodupudo ton Gooti toolluro sumdo tovi jul'nyo kurukwe wimo'nodupudogano.