Mollurolovomato 9:18 - Gooti Toolluro Yogalokwono

¹⁸ Toro te guu neya duu'nono. Bi'ai akaro toga nuu sullumiyo buuruko bwotonyo puruv nomoropiyamonyugono. Toro amoropiyami su tov yiuwi'nokai sullumiyo buuruko podowodo punyu nuuwolowonokwono. Aiyoga kantri Ijup muudu'no sumo'noka togada'ai yiuno aga'no su toro to'busuko puruv mavodowodokwono.

Mollurolovomato 9:18 ပူးပေါင်းရင်းမြစ်များ

Mollurolovomato 10:14

Toro abopo tooro pwekwalo imo'no'mno yiuwi'nokai kantri Ijup toru aiyowomno abu'duvolomaroporogano. Tomabore'bore pwekwalo sumo'nopo su toorobusuko pworai aiyoga mwonyajuporogano. Aki lukomgu kuga kuruv su toorobusuko pworo aki aiko te mimo'nupinorogano.

Mollurolovomato 10:6

Tomabore'bore pwekwalo su tooro guuge'aro gumoro a'mwo womdo tovi mollomwalokwe toorogai'aro yiuwi'nokai Ijupda'ai a'mwo abolo togai'aro togaikulluro ago tonyu noullo'mowopipinorogano. Tabunyu nyumo'nono aka'busuko puruv kemi tellunum kwolabolo kugai'aro kellukweyago kugai'aro ton mwonyajupogano. Aiyoga amjomwekobiyajupo togada'ai yiuno aga'no tabunyuwuulo su to'busuko puruv mwonyajupogano. Tabunyuwuulo su tovi noonpinorekikono.” Gooti Yawel toro agudadopiyo.” Moosesol toro wuujuno sumaiyokwe Feroo toollu buulo uugunyumopiyo'no kwa'mgu tomuuno abolokwokaikono.

Mollurolovomato 11:6

Toro bolodopure toga Ijupda'ai a'mwo abolo ton kumdato bwotonyo tov aiyowomno mujomoulapinogano. Kumdato bwotonyo imo'nono su tov aiyoga su toro to'busuko puruv majajupokwono. Aki lukomgu kuga kuruv su to'busuko puruv madupinokwono.

Mollurolovomato 9:17

Toro kuvi kuruv guu ilomoropunyu kuuno yodumdo su tooku moro a'mwo abolo tonyu mirolowapiyadokuudekugono.

Adodolukuu'nosungiko 16:21

Aki sulugumdo tomuuda'ai ais sullumiyo bwotonyo tooro a'mwo abolo tonyu buuruko to'busuko avobuuku'noporogano. Yiuwi'nokai ais sullumiyo pwolno pwolnodo su tooravuro jul'nyo tov 50 kiloo tomgu'arorogano. Toro tooro a'mwo abolo tonyu muunyu toru abwolallajuporogano. Toro te Gooti toolluro tabunyuwuulo su tov bwotonyo kuunodo tov kuubweyokaikono. Su toro kuubweyoka tovino tov a'mwo abolo ton Gooti toollu bwolomorumwogapiyo'moneyokwe kaiya'no yogalo adopogano.