Mollurolovomato 8:7 - Gooti Toolluro Yogalokwono

⁷ Toro sumo'noka to'busuko kubalno Ijupda'ai a'mwo bulaptokwe kworo kuruv kevnokweravuro bula'yogalo sopo tovida'ai nabuulo tooro Ijupda'ai kwako tovi abillumo'noporogano.

Mollurolovomato 8:7 ပူးပေါင်းရင်းမြစ်များ

Mollurolovomato 7:11

Toro sumo'noka tovi wonyuno sumaiyokwe Feroo tool a'mwo pi'mwo kuudokwe toorogai'aro kuuloka toorogai'aro toorai adomarokaikono. Toro adomaroka tooro Eroonolluro soka to'busuko kubalno Ijupda'ai kevnokweravuro bula'yogalo tokwe sopo tov aval'no sumo'nokakwono.

Mollurolovomato 7:22

Toru sumo'noka kuvi kuruv Ijupda'ai a'mwo bulaptokwe tooro Eroonolluro soka to'busuko kubalno kevnokweravuro bula'yogalo tovida'ai sopo ton aval'no sumo'nokakwono. Feroo tool toro tovi wonyuno sumaiyokwe gamoro poowokalago tovi lumdo kuulopiyo'no Mooseseke Erooneke todorallu kaduko mwiyokaikono. Gooti Yawelluro me'no adoka kuvinono Feroo tool toro sokaikono.

Mollurolovomato 8:18

Aki Ijupda'ai a'mwo bulaptokwe kworo kuruv kevnokweravuro bula'yogalo tokwe sumusuko gabovo pwekwalo pworo imo'nupureyokwe yamju kwiyoganoporogano. Toro kwiyoganopo kuvi kuruv ku'nono mimo'noporogano. Toro te Gooti toolluro sumusuko sumo'nopo tooro a'mwo abolo togai'aro yiuwi'nokai ibesa'aiyo toorogai'aro tonyu bwosomaro'mno tuko adeyajuporogano.

Matyuu 24:24

Su tov aro tovinokwono. A'mwo kuunano yogalo youkuu'najokwe pworo bopi ikudupinorogano. “Nuu Krais toonyugono.” Aki pworo ikudupinorogano. “Nuu proofet toonyugono.” Toro tooro kemi kaiya'nodo tomuuno mollubworomokavlaiyo'mo tooro duuwallo jurogudo pun ikuduuwallupinorogano. Aki Gooti toolluro a'mwo abolo me'no ajesungiko kunyu ki'nomallo'mo puuto puruv kurukweyo'mno'juki nokwo ki'nomapinorogano. Toro kworo kuruv ku'nono mai'nomapinorogano.

2 Timooti 3:8

Toro te a'mwo kuunano ibwasokwe tooraino gudumo'mokwono. A'mwo kuunano ibwasokwe su tooro aiyoga Janeseke Jabreseke tooral Moosesollu kisuvolo kwiyajulo to'busuko kubalno aval'no ibwasodupudorogano. Toro tooro nebaikuuguudo tovi kisuvolo wiyodupudorogano. Aki a'mwo su tooravuro kuudo tov kaiya'no me'no i'nopiyodowodokwono. Aki toro tooro Gooti toolluno kuudo kuunodo muubweyodupudorogano.

Adodolukuu'nosungiko 13:14

Toro yoduke toollu Gooti tool nokwo wonyapino sokaikono. Aki toro yoduke toga lukomguda'ai ibesa'aiyo kaiya'no kuumwiyo su tool sumdomguda'ai ibesa'aiyo kaiya'no kuumwiyo toolluro sumdollu toru duuwallo jurogudo ton kuuduuwallunyajukekono. Su toro wuuduuwallunoduke tovi'aro a'mwo abolo kwako akavi mwalodupudo tonyu amolloguulludapiyajukekono. Toro molloguulludapiyodowo a'mwo abolo tonyu aro adumuuroleyajukekono. “Kevu sumdomguda'ai ibesa'aiyo kaiya'no kuumwiyo su toolbusuko kula'noka pwollu neya jokwolludapilo. Su tool kwa'dalo bwotonyo tovida'ai me'no abolowo'jujuko kwol kuruv aiyo aiko te adukavokaikono. Toro toolbusuko kula'noka pwollu yokwolludapiyopi julomoropiyogaulo.” Adumuuroleyajukekono.