Toro te Ijupda'ai tooro Isuraiyolda'ai tonyu womdo guureji dumuurolo'mwalpino'moneyokwe a'mwo mido mollomwalokwe pworai ajesoporogano. A'mwo su tooro Isuraiyolda'ai tonyu jul'nyo bwotonyo uubweyo'moneyokwe womdo bwotonyago ton soullubweyajuporogano. Toro te Isuraiyolda'ai tobuuro wagwolago bwotonyo puruval amodubweyopogano. Wagwolago su toval Feroo toolluro kuto ivito ton i'bworoso'moneyokweyovakono. Aki wagwolago su tovalluno yovo tov Pitoomke Rameseseke tovakono.
Mollurolovomato 5:13 - Gooti Toolluro Yogalokwono13 Toro tobuurai Ijupda'ai a'mwo ki'nato womdo tovi mollomwalokwe tooro guureji aro adumuuroleyajuporogano. “Womdo tov yere neya julo. Sumdomgu toga gwo'gwopto ton ikullabodowore togasuro sajupo kubalno aga kuga kuruv aval'no neya julo.” Adumuuroleyajuporogano. အခန်းကိုကြည့်ပါ။ |
Mollurolovomato 5:13
7 ပူးပေါင်းရင်းမြစ်များ
Toro kuvi kuruv simen to'busuko tonyu yakwollo'mo tov kevnokwe togaikul plavopi so'mgonomapi tonyu mollu'bworosumwalpinogaikikono. Aki toro togaikul yokwollumovlavopi toga piyarupto nyakwollumwalpiyo. Sumdomguda'ai simen to'busuko tonyu sakwollajupo tobuulbusuko kubalno aga kuga kuruv aval'nodo tobuul neya jokwollomovlavogaulo.” Feroo tool toro aikudadopiyo.” Kuudoporogano.
Aki Ijupda'ai a'mwo ki'nato womdo tovi mollomwalokwe tooro Isuraiyolda'ai a'mwo ki'nato womdo tovi mollomwalokwe tekwojai iwago aromiyoporogano. Toro romino sumaveyokwe aro kuudoganoporogano. “Kevu simen to'busuko tonyu sumdomgu togasuro sakwollajupo tobuulbusuko kubalno miyakwolladokwopo tov buro'nyo kavlo tovino'mdeyo?”
Toro wuujuno sumaiyokwe iruko avalo su tollugwoji Feroo tool ki'nato womdo tovi mollomwalokwe a'mwo toorai kuuguudo duuwiyo'moneyokwe adomarokaikono. Mido mollomwalokwe su tooro pworo Ijupda'aiyorogano. Pworo Isuraiyolda'aiyorogano. Isuraiyolda'ai su tooro Ijupda'ai toorai dolago tomuu mwalodupu kworai iwapi sumo'nyajuporogano. Yiuwi'nokai ki'nato womdo tovi mido mollomwalokwe su toorai doma'no sumaiyokwe aro aduuwiyokaikono.
ကြော်ငြာတွေ