Mollurolovomato 5:10 - Gooti Toolluro Yogalokwono

¹⁰ Feroo tool toro wuujuno sumaiyokwe ki'nato womdo tovi mollomwalokwe Ijupda'ai toorogai'aro Isuraiyolda'ai kworogai'aro tooro lokabino sumaveyokwe Isuraiyolda'ai ki'nato womdo yodupudo tobuurai aro abiluudoporogano. “Feroo tool aro aikudadopiyo. “Gwo'gwopto yalukullo ton nuu maikullamwalmonyugono.

Mollurolovomato 5:10 ပူးပေါင်းရင်းမြစ်များ

Mollurolovomato 1:11

Toro te Ijupda'ai tooro Isuraiyolda'ai tonyu womdo guureji dumuurolo'mwalpino'moneyokwe a'mwo mido mollomwalokwe pworai ajesoporogano. A'mwo su tooro Isuraiyolda'ai tonyu jul'nyo bwotonyo uubweyo'moneyokwe womdo bwotonyago ton soullubweyajuporogano. Toro te Isuraiyolda'ai tobuuro wagwolago bwotonyo puruval amodubweyopogano. Wagwolago su toval Feroo toolluro kuto ivito ton i'bworoso'moneyokweyovakono. Aki wagwolago su tovalluno yovo tov Pitoomke Rameseseke tovakono.

Mollurolovomato 3:7

Toro yobwoto'na'duke toollu Gooti Yawel aro kuudokaikono. “Ijupda'ai tooro moro a'mwo abolo tonyu kaiya'no bwotonyo igolodupudo tonyu me'no wonodumdonyugono. A'mwo abolo su tobuuro aro nyudodupudogano. “Ijupda'ai a'mwo tooro kemoro ki'nato womdo tovi wiyo'moneyokwe guureji kironekumwallodupudorogano. Toro tooravuro dolago tomuuda'ai guu neya bomollurolovonekumokalokwono.” Toro nyudodupudo tovi me'no wuu'nodumdogano. Aki toro tobuuravuro jul'nyo ma'dupudo tonyuno me'no youroma'dumdonyugono.

Mollurolovomato 5:11

Toro kuvi kuruv simen to'busuko tonyu yakwollo'mo tov kevnokwe togaikul plavopi so'mgonomapi tonyu mollu'bworosumwalpinogaikikono. Aki toro togaikul yokwollumovlavopi toga piyarupto nyakwollumwalpiyo. Sumdomguda'ai simen to'busuko tonyu sakwollajupo tobuulbusuko kubalno aga kuga kuruv aval'nodo tobuul neya jokwollomovlavogaulo.” Feroo tool toro aikudadopiyo.” Kuudoporogano.

Mollurolovomato 5:6

Toro wuujuno sumaiyokwe iruko avalo su tollugwoji Feroo tool ki'nato womdo tovi mollomwalokwe a'mwo toorai kuuguudo duuwiyo'moneyokwe adomarokaikono. Mido mollomwalokwe su tooro pworo Ijupda'aiyorogano. Pworo Isuraiyolda'aiyorogano. Isuraiyolda'ai su tooro Ijupda'ai toorai dolago tomuu mwalodupu kworai iwapi sumo'nyajuporogano. Yiuwi'nokai ki'nato womdo tovi mido mollomwalokwe su toorai doma'no sumaiyokwe aro aduuwiyokaikono.

Mollurolovomato 5:9

Toro anyudadokwopo tonyu aga kevu womdo bwotonyo pugai'aro duubweyogaulo. Toro uubweyodopure ton womdo bwotonyo imo'naropi a'mwo soukuu'nuudadokuulo toorallu kaduko mwipinogano.” Kuudokaikono.