Mollurolovomato 40:29 - Gooti Toolluro Yogalokwono

²⁹ Aki sel ago tovi kwa'mgu noullo tovi sumdollu toru romiroudapiyo'moneyokwe dukwagupto puruv kwosoporogano. Dukwagupto kwosopo su tovi muunyu toru duko tov yiunokuudo nopiyo'moneyokwe pworai romiroudapiyo'mno aki wit pugai'aro kwiroudapiyoporogano. Gooti Yawelluro Moosesollu me'no kuudoka su tovi kuvinono soporogano.

Mollurolovomato 40:29 ပူးပေါင်းရင်းမြစ်များ

Mollurolovomato 40:28

Toro ino sumaveyokwe sel anoullo tovi youro kudo'aiko purukwe allukurosoporogano.

Mollurolovomato 40:30

Toro ino sumaveyokwe romiroudapiyo'moneyokwe dukwagupto tokwe'aro sel ago tokwe'aro tovalluro akuuto toru wonyo yal'mo'nyo'moneyokwe dis tov kwosoporogano. Toro wosuno sumaveyokwe wonyo tokwe suremowosajuporogano.

Pris Womdo 1:1

To'no'gwowi Gooti Yawel ilomoropiyo'moneyokwe sel ago anakuuto tomuuda'ai Moosesollu doma'no sumaiyokwe aro kuudokaikono.

Matyuu 23:19

Kevu a'mwo sumnowojokwe tekwojekulbusuko imo'nodupudorekikono. Neya duu'nyulo. Jeruusalemda'ai Gooti toollu wiroudapiyo'moneyokwe dukwagupto tovi muunyu toru me'no kwingiko tool agutolmaiyo. Toro kuvi kuruv wiroudapiyo'moneyokwe dukwagupto su tovino'gwowi aguto kuunodokwono. Su tov aro tovinokwono. Noonyumwonyu Gooti toollu wiyo'moneyokwe pun dukwagupto su tovi manyu tomuu kwopi ton yasuwa'no to'no imo'nupinogano. Toro kuvi kuruv dukwagupto su tovi muunyu toru me'no sulapi tono'gwowi Gooti toolluro kuunodo wimo'nodupudogano. Toro tovino tov wiroudapiyo'moneyokwe dukwagupto su tov aguto kuunodo imo'nodowodokwono.

Hibruu 13:10

Pris womdo yodupudo tooro Gooti toollu ilomoropiyo'moneyokwe sel ago tovuro dukwagupto tovida'ai wosamujuko ton nokwo anyajuporogano. Toro kuvi kuruv nevu romiroudapiyo'moneyokwe dukwagupto puru'gwowi kurukwenogano. Dukwagupto su tovida'ai wosamujuko to'gwowi pris womdokwe tooro ku'nono mamanupinorogano. Wosamujuko su tov Jisasolluno yovekurajo'mokwono.

Hibruu 9:12

Toro te Krais tool muunyu kai'muuda'ai Gooti toolluro pwekwapto kuunodo su toru yiuno puru'monodo toga'no aulokaikono. Toro tool meme toorogai'aro buulmokau taiyo toorogai'aro tooravuro mujako tokwe amokaulokalmaiyo. Toro kwol kuruv gavnokweyolluro mujako abwoloka tokwe amokaulokaikono. Gamoro mujako abwoloka su tovi'aro a'mwo abolo tonol aiyo yiunokuudo mujomwekovlaiyo'moneyokwe nemi ma'no ma'nodo tovuro kirumwallo tovida'ai abomollurolovonekumokalokwokaikono.