Mollurolovomato 3:9 - Gooti Toolluro Yogalokwono

⁹ Toro te moro a'mwo abolo Isuraiyolda'ai tobuuro deko nyudodupudo tovi nuu me'no wuu'nodumdonyugono. Aki Ijupda'ai tooravuro kaiyako igolodupudo kunyu kuruv me'no wonodumdonyugono.

Mollurolovomato 3:9 ပူးပေါင်းရင်းမြစ်များ

Muuduko 16:11

Gooti Yawelluro ensel tool toro wuujuno sumaiyokwe aki aro kuudokaikono. “Aga guu kwolaiyo sumwoluko me'no sumo'nadokuudo'guugono. Toro to'guu kwolaiyo pwollu yomaro'bi Isumaiyololo mullowa'bino'guugono. Yovo su tovino kavlo tov aro tovinokwono. Gumoro jul'nyo tonyuno deko dodore tonyu Gooti Yawel me'no guu'nodowodekoneyo'mokwono. Toro tovino mullowa'bino'guugono.

Mollurolovomato 1:11

Toro te Ijupda'ai tooro Isuraiyolda'ai tonyu womdo guureji dumuurolo'mwalpino'moneyokwe a'mwo mido mollomwalokwe pworai ajesoporogano. A'mwo su tooro Isuraiyolda'ai tonyu jul'nyo bwotonyo uubweyo'moneyokwe womdo bwotonyago ton soullubweyajuporogano. Toro te Isuraiyolda'ai tobuuro wagwolago bwotonyo puruval amodubweyopogano. Wagwolago su toval Feroo toolluro kuto ivito ton i'bworoso'moneyokweyovakono. Aki wagwolago su tovalluno yovo tov Pitoomke Rameseseke tovakono.

Mollurolovomato 1:22

Toro te Feroo tool yiuwi'nokai Ijupda'ai a'mwo abolo tonyu aro aduuwiyokaikono. “Isuraiyolda'ai tonyuro kwolaiyo muudogarodeyo adupi tov wonyo Nailovi domorumikapiyogaulo. Toro kuvi kuruv taiyodeyo adupi to'gwowi nokwo wonyapino jogaulo.” Aduuwiyokaikono.

Mollurolovomato 1:8

Toruda'ai lukomgu kwako Ijup toru mollomwallo'mo a'mwo aguto kig Feroo muuduko pwol abillumo'nokaikono. Feroo muuduko abillumo'noka su tool Joosepolluno kuuguudo tovi muu'nyajukekono.

Mollurolovomato 2:23

Toruda'ai kworomo bwotonyago tobuul me'no plavo'no Ijupda'ai a'mwo aguto kig Feroo tool abolokaikono. Toro aboloka kuvi kuruv Isuraiyolda'ai tobuuro womdo bwotonyo ton kuuno amujumovlaiyajupogano. Ijupda'ai tooro Isuraiyolda'ai tobuurai womdo bwotonyo uubweyodopure tonyu jul'nyo ibwosunodupu kwaru kwarupto adaillajupobuurogano. Toro tobuuro Gooti tool anekullo'mwojoneyokwe deko ilodopiyodopure tovi Gooti tool kuu'nokaikono.

Mollurolovomato 2:25

Toro yau'no sumaiyokwe Isuraiyolda'ai tobuuro kaiya'no yomjomwekovla'mdopure tobuurai me'no kwonomarokaikono. Gooti tool toro wonoma'no sumaiyokwe kalo wino'no wiyo'mwojo'mo kwinokaikono.

Mollurolovomato 3:7

Toro yobwoto'na'duke toollu Gooti Yawel aro kuudokaikono. “Ijupda'ai tooro moro a'mwo abolo tonyu kaiya'no bwotonyo igolodupudo tonyu me'no wonodumdonyugono. A'mwo abolo su tobuuro aro nyudodupudogano. “Ijupda'ai a'mwo tooro kemoro ki'nato womdo tovi wiyo'moneyokwe guureji kironekumwallodupudorogano. Toro tooravuro dolago tomuuda'ai guu neya bomollurolovonekumokalokwono.” Toro nyudodupudo tovi me'no wuu'nodumdogano. Aki toro tobuuravuro jul'nyo ma'dupudo tonyuno me'no youroma'dumdonyugono.