Mollurolovomato 3:8 - Gooti Toolluro Yogalokwono

⁸ Toro te nuu Ijupda'ai toorai dolago tomuu mwalodopure su tobuurai bomollurolovomokalokwiyo'mo kwolamonyugono. Yo'mi kwako Ijupda'ai bomokalokwo'mi kwako bwotonyo puru woguulkwako bwotonyagokwe toru'no mokavla'mogano. Kwako su toru a'mwo Kenanda'ai toorogai'aro Hitda'ai toorogai'aro Amooroda'ai toorogai'aro Peresoda'ai toorogai'aro Hivuda'ai toorogai'aro Jebuusuda'ai toorogai'aro tooro mwalodupudo su toru'no mokavla'monyugono.

Mollurolovomato 3:8 ပူးပေါင်းရင်းမြစ်များ

Muuduko 11:5

Toro junyuno sumaveyokwe kwako akavida'ai a'mwo su tooro wagwolago bwotonyo tokwe agumi'ago tokwe tovallu nomodumovla'mdopure toga Gooti Yawel abwoloonokaikono.

Muuduko 11:7

Toro juno sumaiyokwe aro sajunokaikono. “A'mwo su tooro kemi avaiyogaljo dodupudo tov kevnokwero nuu'nupiyokweyo'mo nevu wolowa'ji kemoro avaiyogaljo tovi kaiyako wolomolloujulowapiyano.” Sajunokaikono.

Muuduko 15:13

Toro yoduke toga Gooti Yawel Eburamollu aro kuudokaikono. “Moro yogalo agudumi akav guu neya youroma'bino'mokwono. Toro te guu po'dogalo duu'nono. Gumoro jukweyago kwoloraiyo ton a'mwo pumuuda'ai tooravuro kwako tomuu bomwallo to'no mujomwekuupinogano. Toro tobuuro ki'nato womdo wimwalpinobuurogano. Toro tobuuro ki'na'no ki'na'no yopi 400 kworomo tobuul uuwolo'nonobuurogano.

Muuduko 15:14

Toro ai'napi tobuuraino tov nuvu a'mwo ki'nato womdo kuubwepi su toorai tabunyu nuubwemorogano. Tabunyu tov me'no kuubwemi toga gumoro jukweyago kwolaiyo tobuuro a'mwo pumuuda'ai tooravuro kwako tomuuda'ai bolokuupinorogano. Toro ton kuto ivito bwotonyago togai bomokalokuupinogano.

Muuduko 18:21

Toro wuu'nodumdo tovino nebalo'mdukoneyokweyo'mo kuudo nyouroma'monyugono. Toro toonyu wola'mi wonomollumonyugono.” Kuudokaikono.

Muuduko 43:11

Toro kuudoka tovi kemi kuunumiyago Jekoopol kuudokaikono. “Puuto puruv nonaguto'mdeyokwe nokwo mokavlapinekono. Aki Ijupda'ai a'mwo aguto toollu yasuwa'no wiyo'mo aro togai domokavlaiyulo. Kemoro womdo tonyuda'ai wosamujuko sugudo pun kemi kuto tonyu mullosopi domokavlaiyulo. Aki i'mujako marasin pugai'aro tamwallugwolamdo podopto pugai'aro wobeya sudo kuunyokwe i'mujako pugai'aro i'mujako Mur pugai'aro Pistasiyo iko tooke Almoon iko tooke tooralluro nonyo'mo sulo pugai'aro ton kugai domomullomokavlaiyulo.

Muuduko 46:4

Toro te nuu toonyu kevuge Ijup'no wolowanonyugono. Aki guu abolbi toga gumi muugunyo Joosepol mollusagubweyonekugono. Aki lukomgu nuvnokwe toonyu gumi jukweyago kwoloraiyo tonyu aikomgu mokamonyugono.” Gooti tool Jekoopollu toro kuudokaikono.

Mollurolovomato 12:41

Toro te 430 kworomo su tobuul kuuwolo'noka iruko kuunodo su tollugwoji Gooti Yawelluro go'no go'nodo iko tovasuda'ai a'mwo abolo su ton kwako Ijupda'ai abolokwopogano.

Mollurolovomato 12:51

Aki Gooti Yawel iruko su tollugwoji Isuraiyolda'ai go'no go'nodo iko tovasuda'ai a'mwo abolo tonyu kwako Ijupda'ai abomollurolovomokalokwokaikono.

Mollurolovomato 13:5

Toro togaikullu Gooti Yawel kwako muuduko puruv ikullabiyo'moneyokwe kemi tellukweyago toorai subuu'yamju me'no kwiyokaikono. Kwako su tov Kenanda'ai toorogai'aro Hitda'ai toorogai'aro Amooroda'ai toorogai'aro Hivuda'ai toorogai'aro Jebuusuda'ai toorogai'aro tooro mwalodupudorukono. Gooti Yawel subuu'yamju me'no kwiyoka kwako su toru kuvinono noulomwalpinogaikikono. Kwako su toru woguulkwako bwotonyokweyorukono. Kwako su towai me'no aulomwalpi toga kevu bret yisomaiyokwe lubullu doto akav kworomo yiuwi'nokai toga lobako muudu'nodo toollu neya yonugovla'mwalpinogaikikono.

Mollurolovomato 3:17

Toro te aro adaikullumono. Ijupda'ai tooro kaiya'no yaikullugolodopure tomuuda'ai bomollurolovekumokalokwo'mi kwako sugudo puru woguulkwako bwotonyagokwe toru'no mollubworekumokavla'monyugono. Kwako su toru a'mwo Kenanda'ai toorogai'aro Hitda'ai toorogai'aro Amooroda'ai toorogai'aro Peresoda'ai toorogai'aro Hivuda'ai toorogai'aro Jebuusuda'ai toorogai'aro tooro mwalodupudorukono.” Isuraiyolda'ai mido mollomwalokwe toorai toro duudono.

Mollurolovomato 5:23

Nuu Feroo toollomno plavono gumoro yovo tovida'ai kuuguudo ton kuudumwa'jo togada'ai Feroo tool gumoro a'mwo abolo tonyu kaiyako bwotonyo sugolmwallukekono. Toro igoloduke tovi guu a'mwo abolo tonyu wiyo'mwojo'moneyokwe womdo puruv mimwakudekugono.” Kuudokaikono.

Jagillo 13:18

Toro ilapi toga kwako su tovi neya wonomollupinorekikono. A'mwo abolo kwako su tovi mwalodupudo ton bwotonyagodukono oo kula'nyobuurodukono? Aki toro ton jurogudodukono oo wollainyobuurodukono? Toro tovino kevu po'dogalo wonomollupinorekikono.

Jagillo 13:19

Aki kwako su tov sugudo'mdukono oo kaiya'nodo'mdukoneyokwe tovino neya wonomollupinorekikono. Aki a'mwo abolo tonyuro wagwolago mwalodupudo tonyu kuurupto nonagutodukono oo kuurupto jurogudo pun kugaiyo'mdukoneyokwe tovino neya wonomollupinorekikono.

Jagillo 13:27

Toro wuuduuwalluno sumaveyokwe Moosesollu aro kuudoporogano. “Guu kwako amodonekwapiyodo towai ki'movowono me'no kwonomollumwa'juwonogano. Kwako su tov sugudo kuunodokwono. Aki toro towai ikulsulo akanbusuko pun kurukweyowaikono.

Joon 3:13

A'mwo pwol Gooti toolluro ago muunyu kai'muuno ilno sumaiyokwe aikomgu kwolaboka pwolnodo kwol kuruv nonagutomuugono. Toro kuvi kuruv yiuno A'mwo Kwolaiyo Kuunodo toonyu muunyu kai'muuda'ai wolabono bwolomwalodumdonyugono. Toro toonyuno tov noonyumwonyu muunyu akai'muuda'ai su tonyuno pi'mwono nokwo ikudumonyugono.” Kuudokaikono.

Joon 6:38

Neya duu'nyulo. Nuvu muunyu kai'muuda'ai kwolabo tov nuvnokwenyuro kuudo tovi uumjunyo'moneyokwe kwolabonyumaiyo. Toro kwonyu kuruv mi Nyunumiyago amonuwopiyaboka toolluro ilaiyo winodowodo tonyuno'gwowi kuvinono uumjunyo'moneyokwe kwolabonyugono.