Mollurolovomato 3:7 - Gooti Toolluro Yogalokwono

⁷ Toro yobwoto'na'duke toollu Gooti Yawel aro kuudokaikono. “Ijupda'ai tooro moro a'mwo abolo tonyu kaiya'no bwotonyo igolodupudo tonyu me'no wonodumdonyugono. A'mwo abolo su tobuuro aro nyudodupudogano. “Ijupda'ai a'mwo tooro kemoro ki'nato womdo tovi wiyo'moneyokwe guureji kironekumwallodupudorogano. Toro tooravuro dolago tomuuda'ai guu neya bomollurolovonekumokalokwono.” Toro nyudodupudo tovi me'no wuu'nodumdogano. Aki toro tobuuravuro jul'nyo ma'dupudo tonyuno me'no youroma'dumdonyugono.

Mollurolovomato 3:7 ပူးပေါင်းရင်းမြစ်များ

Muuduko 16:11

Gooti Yawelluro ensel tool toro wuujuno sumaiyokwe aki aro kuudokaikono. “Aga guu kwolaiyo sumwoluko me'no sumo'nadokuudo'guugono. Toro to'guu kwolaiyo pwollu yomaro'bi Isumaiyololo mullowa'bino'guugono. Yovo su tovino kavlo tov aro tovinokwono. Gumoro jul'nyo tonyuno deko dodore tonyu Gooti Yawel me'no guu'nodowodekoneyo'mokwono. Toro tovino mullowa'bino'guugono.

Muuduko 18:21

Toro wuu'nodumdo tovino nebalo'mdukoneyokweyo'mo kuudo nyouroma'monyugono. Toro toonyu wola'mi wonomollumonyugono.” Kuudokaikono.

Muuduko 21:17

Aki kwolaiyo su tool kumdo adokaikono. Toro kumdo doduke tovi Gooti tool kuu'nokaikono. Toro wuu'nyuno sumaiyokwe Gooti toolluro ensel tool muunyu tomuuda'ai Hegaiyovi aro abuudokaikono. “Hegaiyovoo, buro'nyo jul'nyo tov doma'mwakuno? Guu luko mibinono. Gumoro kwolaiyo akaikwolluro kumdo doduke tovi Gooti tool me'no kuu'numokaikono.

Mollurolovomato 1:11

Toro te Ijupda'ai tooro Isuraiyolda'ai tonyu womdo guureji dumuurolo'mwalpino'moneyokwe a'mwo mido mollomwalokwe pworai ajesoporogano. A'mwo su tooro Isuraiyolda'ai tonyu jul'nyo bwotonyo uubweyo'moneyokwe womdo bwotonyago ton soullubweyajuporogano. Toro te Isuraiyolda'ai tobuuro wagwolago bwotonyo puruval amodubweyopogano. Wagwolago su toval Feroo toolluro kuto ivito ton i'bworoso'moneyokweyovakono. Aki wagwolago su tovalluno yovo tov Pitoomke Rameseseke tovakono.

Mollurolovomato 1:8

Toruda'ai lukomgu kwako Ijup toru mollomwallo'mo a'mwo aguto kig Feroo muuduko pwol abillumo'nokaikono. Feroo muuduko abillumo'noka su tool Joosepolluno kuuguudo tovi muu'nyajukekono.

Mollurolovomato 5:10

Feroo tool toro wuujuno sumaiyokwe ki'nato womdo tovi mollomwalokwe Ijupda'ai toorogai'aro Isuraiyolda'ai kworogai'aro tooro lokabino sumaveyokwe Isuraiyolda'ai ki'nato womdo yodupudo tobuurai aro abiluudoporogano. “Feroo tool aro aikudadopiyo. “Gwo'gwopto yalukullo ton nuu maikullamwalmonyugono.

Mollurolovomato 5:6

Toro wuujuno sumaiyokwe iruko avalo su tollugwoji Feroo tool ki'nato womdo tovi mollomwalokwe a'mwo toorai kuuguudo duuwiyo'moneyokwe adomarokaikono. Mido mollomwalokwe su tooro pworo Ijupda'aiyorogano. Pworo Isuraiyolda'aiyorogano. Isuraiyolda'ai su tooro Ijupda'ai toorai dolago tomuu mwalodupu kworai iwapi sumo'nyajuporogano. Yiuwi'nokai ki'nato womdo tovi mido mollomwalokwe su toorai doma'no sumaiyokwe aro aduuwiyokaikono.

Kuurotokwe 7:34

Gooti tool toro wuujuno sumaiyokwe aki aro kuudokaikono. “Ijupda'ai tooro moro a'mwo abolo tobuurai kaiyako igolodopure tonyu me'no wonodumdonyugono. Aki toro tobuuravuro kumdato kwaru kwarupto dai'dopure tonyu me'no wuu'nodumdonyugono. Su toro tobuurai mollurolovomollo'moneyokwe guu Moosesekuji mogwapiyo'mo kwolamonyugono.” Aguto tool Moosesollu toro kuudokaikono.

Hibruu 4:15

Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.