Mollurolovomato 3:18 - Gooti Toolluro Yogalokwono

¹⁸ Toro kuudubi tovi kaduko gujopi gumjunpinorogano. Toro te guu Isuraiyolda'ai mido mollomwalo toorai maro'bi yiuwi'nokai toorekul Ijupda'ai a'mwo aguto kig Feroo toollomno kuulapi aro wuudupinorekikono. “Yawel Hibruuda'ai tonolluro Gooti tool nemi abiyanekulo'numokaikono. Toro te nevu nemi Gooti toollo'mo romiroudapiyo'moneyokwe kwako a'mwomaiyo kuu'maiyo toru'no iruko pullapullu tobuullu puuto tomuu pla'mdowa'jure tonollu nokwo nekwonyapino ibinekugono.” Wuudupinorekikono.

Mollurolovomato 3:18 ပူးပေါင်းရင်းမြစ်များ

Muuduko 12:1

Toruda'ai Gooti Yawel Eburamollu aro kuudokaikono. “Gumoro kwako amwakudo tokwe gumi junumiyago toolluro iko tovasuda'ai toorogai tonyu wuugollu'movo'bi kwako aguduuwallumi pumuuno dovlavono.

Muuduko 14:13

Toro meromokavla'mdopure tekwojaida'ai a'mwo pwol abirolo'nugolokwokaikono. Toro birolo'nugolokwino sumaiyokwe Hibruu iko tovasuda'ai a'mwo Eburamollu wuujo'moneyokwe bo'no Lootollu kwimo'noka tovino Eburamollu abuudokaikono. Toro toga Eburamol Mamureyolluro iko aburaudoka towai amwallajukekono. Mamureyol a'mwo Amooroda'aiyekono. Toro te Mamureke'aro gami gagwai'yago Eskooleke'aro Anereke'aro todoroto ikomago toorai molo wiyo'mo toga Eburamollu amolluullajuporogano.

Muuduko 15:1

Toruda'ai Gooti Yawel Eburamollu wojo tovibusuko wiyalo'no'no aro kuudokaikono. “Eburamoloo, luko mibinono. Gumi sabiyo tou'busuko gujumo'nodumdo toonyu yellukuromollogumwalodumdonyugono. Toro toonyu mubiyo sugudo pun nogujamonyugono. Toro agujami su ton sugudo kuunodogano.” Kuudokaikono.

Muuduko 17:1

To'no'gwowi Eburamol 99 kworomokwe tool mwaloduke toga Gooti Yawel bwiyalo'no'no aro aboduuwiyokaikono. “Nuu Gooti Jurogudo Kuunodo toonyugono. Guu moro sumdo tovi yiuno sugudo to'no mujumovlavo'bi mino to'no donumjunogawono.” Aboduuwiyokaikono.

Mollurolovomato 10:3

Toruda'ai Mooseseke Erooneke todoral Feroo toollu wuuru'ma'no sumaleyokwe aro kuudolorakono. “Nevu Hibruu tonolluro Gooti Yawel aro agudadopiyo. “Guu mi dolago tomuu mabwolomoropinodamdo tooku kisuvolo kuuno mujumovla'binekudukono? Awiyo. Toro kweku kuruv moro a'mwo abolo ton mi ilomonuwopiyo'moneyokwe pla'mdopure tonyu guu wonyapino neya jono.

Mollurolovomato 17:5

Toro kuudoka tovi Gooti Yawel Moosesollu kuudokaikono. “Guu Isuraiyolda'ai mido mollomwalokwe pworai momworaro'bi aki gumoro yodeko tov wonyo Nailovi aromiyodo tokwe momworaro'bi sumdomgu domollubworomokwanono.

Mollurolovomato 19:1

To'no'gwowi Isuraiyolda'ai ton kwako Refidim toru kuugollu'movopogano. Toro wuugollu'mo'mno sumaveyokwe plavo'mno muumuudo Sainai toolluro kwako a'mwomaiyo kuu'maiyo toru abai'movopogano. Toro bai'mo'mno sumaveyokwe kemi woromollo'mo sel ago ton muumuudo Sainai toollu dolago tomuu amodopogano. Isuraiyolda'ai a'mwo abolo su tonyuro kado abiyajupo tov arokwono. Kwako Ijupda'ai me'no wuugollu'mokabino sumaveyokwe lobako naba 3 toolluro iruko naba 1 tollugwoji abai'movopogano.

Mollurolovomato 25:22

Toro te bookis tovuro bwososo'mo atallo su tovi muunyu toru nuu kemi bwolekuru'ma'monyugono. Toro toonyu seruubim ensel tooralluro akuuto toru mwalo'mi moro loowo tonyu Isuraiyolda'ai a'mwo abolo ton uumjunpino'moneyokwe dagubwemonyugono.”

Mollurolovomato 3:12

Toro kuudoka kwollu kuruv Gooti tool aro kuudokaikono. “Guu toro pla'mdo'bure toga nuu guuge novlawosunonyugono. Toro toonyu me'no amogwapimi tovino aro guduuwallumekugono. Guu Isuraiyolda'ai a'mwo abolo tonyu Ijupda'ai mollurolovomokabo'bi muumuudo akallu aiko te bomai'mo'binekugono. Toro yo'bi mino ilomonuwopi yapinogaikikono. Toro supi toga kuudo yau'binekugono. Oo Gooti tool nebal'no amonuwapiyabokaldeyo. Kuudo yau'binekugono.” Kuudokaikono.

Mollurolovomato 3:16

Toro te guu plavo'bi Isuraiyolda'ai mido mollomwalo toorai mollu'bworumwallo'bi aro duudono. “Yawel kemi tellukweyago Eburaiyameke Aisakeke Jekoopeke toorai Gooti su tool biyanyulo'nodowo aro anyudumokaikono. Nuu kemi me'no muugonaikwo'dumdonyugono. Ijupda'ai tooro kemi kaiya'no yaikullugolodopure tovino kuudo me'no yaikuu'dumdonyugono.

Mollurolovomato 4:1

Toro kuudoka tovi Moosesol kuudokaikono. “Toro kuvi kuruv Isuraiyolda'ai ton moro yogalo kuudumi tovi kaduko manyopi kuudo manubwepi to'gwowi adado imonyudeyo? Aki toro ton, “Gooti Yawel mabiyagulo'numokaikugono,” anyudupi kuruv adado imonyudeyo?” Kuudoganokaikono.

Mollurolovomato 4:23

Toro te moro kwolaiyo sujuraiyo pwolbusuko anyumo'nadokwopo su ton mino ilomonuwopiyo'moneyokwe neya jurolowapiyono. Toro me'no agudumo kweku kuruv guu manuu'nyubusuko yodum moro kwolaiyo sujuraiyo toolbusuko nyumo'nodupudo su tonyu kaiyako igollo'mo tooku mirolowapimodekugono. Toro tovino tov nuu kwonyu kuruv gumoro kwolaiyo sujuraiyo toollu kaiyako igolo'mi noromiyosumekono.” Gooti Yawel toro agudadopiyo.” Duudono.” Kuudokaikono.

Mollurolovomato 4:24

Gooti Yawel toro wuujuno sumaiyokwe Mooseseke tonumdoto Ijup'no avlavopogano. Toro tonumdoto kuuno plaino sumaveyokwe puuto tomuu kworopogano. Toro wo'dopure tomuu Gooti Yawel Moosesollu buuru'ma'no sumaiyokwe romiyoso'mo kwinokaikono.

Mollurolovomato 4:31

Toro kuuduuwalloka su tonyu wonoma'no sumaveyokwe Eroonolluro kuuguudo kuudoka tonyu kuudo kuubweyopogano. Aki aro tovino kuu'nopogano. “Oo Ijupda'ai tooro kaiyako yaikullugolodopure tovi Gooti Yawel ikwonodowo kuudo yaikuu'dowodekono.” Toro tovino Isuraiyolda'ai ton wuu'nyuno sumaveyokwe kemi mido ton lugulo'naro'mno Gooti Yawelluno sulomoropiyapogano.

Mollurolovomato 5:1

Toruda'ai Mooseseke Erooneke todoral Ijupda'ai a'mwo aguto Feroo toollomno kuulno sumaleyokwe aro kuudolorakono. “Isuraiyolda'ai tonolluro Gooti Yawel aro agudadopiyo. “Moro a'mwo abolo ton mi ilomonuwopiyo'moneyokwe lubullu doto yanyo'mo tov kwako a'mwomaiyo kuu'maiyo tomuuno pla'mdopure tonyu guu wonyapino neya jono.” Agudadopiyo.”

Mollurolovomato 5:3

Feroo tool toro kuudoka tovi kuudolorakono. “Hibruu tonolluro Gooti tool me'no abiyanekulo'nokanogano. Toro abiyanekulo'noka toollu nevu muumjuna'ji tov nobolluwuulo'mdeyo molo'mdeyo puruv nekubweyowo'ji noromiyanekubweyo'jo. Toro tovino tov nevu nemi Gooti Yawellu sipsiporodeyo pworo wiroudapiyo'mo tonol kwako a'mwomaiyo kuu'maiyo tomuuno iruko pullapullu tobuullu puuto tomuu pla'mdowa'jure toga guu nekwonyapino neya jono.”

Mollurolovomato 7:16

Toro te guu Feroo toollu wuuru'maro'bi toga aro neya duudono. “Hibruu tonyuro Gooti Yawel gumi aro gujo'mo amonuwopiyabokanyugono. Moro a'mwo abolo ton mi ilomonuwopiyo'mo kwako a'mwomaiyo kuu'maiyo toru'no pla'mdopure tonyu wonyapino neya jono.” Nuu su toro me'no agudo kweku kuruv guu kaduko yere manyumwakuno.

Mollurolovomato 8:1

Toruda'ai Gooti Yawel Moosesollu kuudokaikono. “Guu Feroo toollomno uuwo'bi aro duudono. “Gooti Yawel aro agudadopiyo. “Numoro a'mwo abolo ton mi ilomonuwopiyo'mo pla'mdopure tonyu guu wonyapino neya jono.”

Mollurolovomato 8:20

Toruda'ai Gooti Yawel Moosesollu kuudokaikono. “Guu bi'ai lomwo iru'mago toga Feroo tool wonyo Nailovino wolodowo'jure toollu guu wuuru'maro'bi aro duudono. “Gooti Yawel agudadopiyo. “Moro a'mwo abolo ton mi ilomonuwopiyo'mo pla'mdopure tonyu guu wonyapino neya jono.

Mollurolovomato 8:23

Toro sumo'no'ji toga gumoro a'mwo abolo tonyu tabunyuwuulo nuubwemonyugono. Toro kwonyu kuruv moro a'mwo abolo tonyuno'gwowi tabunyuwuulo su tovi nomapiyokwe nomomuudeyomwallumonyugono. Duuwallo jurogudo su tov bi'ai toga imo'nonokwono.” Gooti Yawel toro agudadopiyo.” Feroo toollu duudono.” Kuudokaikono.

Mollurolovomato 9:1

Toruda'ai Gooti Yawel Moosesollu kuudokaikono. “Guu Feroo toollomno uuwo'bi aro duudono. “Nevu Hibruu tonolluro Gooti Yawel gumi aro agudadopiyo. “Moro a'mwo abolo ton mi ilomonuwopiyo'moneyokwe pla'mdopure tonyu guu wonyapino neya jono.

Mollurolovomato 9:13

Toruda'ai Gooti Yawel Moosesollu kuudokaikono. “Lomwo iru'mago toga Feroo toollu wuuru'maro'bi aro duudono. “Nevu Hibruu tonolluro Gooti Yawel aro agudadopiyo. “Moro a'mwo abolo ton mi ilomonuwopiyo'mo pla'mdopure tonyu guu wonyapino neya jono.