Mollurolovomato 3:1 - Gooti Toolluro Yogalokwono

¹ To'no'gwowi Moosesol ganyalumiyago Jetroo'wolluro sipsip meme wuulo toorai ai'duvollajukekono. Jetroo'wol kwako Midiyanda'ai tooravuro pris tool kwekono. Toro toolluro sipsip meme wuulo toorai Moosesol amollomwallajukekono. Iruko pullugwoji Moosesol sipsip meme toorai momwora'no sumaiyokwe kwako a'mwomaiyo kuu'maiyo tomuu amollubworomokavlavokaikono. Toro mollubworomokavla'mno sumaiyokwe muumuudo Hoorep toollu tomuu ai'movokaikono. Muumuudo su tool, Gooti toolluro muumuudolo, dodupudekono. Aki toro toolluno yovo puruv muumuudo Sainailekono.

Mollurolovomato 3:1 ပူးပေါင်းရင်းမြစ်များ

Mollurolovomato 17:6

Toro mollubworomokwano'bi sulo pwol muumuudo Hoorep toollu dolago tomuu wo'dowodo towai'no kuulomwalpinogaikikono. Muumuudo su toolluno yovo puruv muumuudo Sainailo dodupudekono. Toro towai kuulomwalodopure toga nuu kemi sumdollu toru sulo kwosuko su toollu muunyu toru da'mdo'mure toga guu sulo toollu iwago neya romibinekugono. Toro aromibi toga a'mwo abolo su ton wonyo nonyo'moneyokwe tov nyulowilovabwonokwono.” Kuudokaikono. Toro kuudoka tovi Moosesol kuvinono kuumjunokaikono. Toro uumjunoduke toga Isuraiyolda'ai mido mollomwalokwe tooro amuugonallajuporogano.

Mollurolovomato 18:12

Moosesollu ganyalumiyago Jetroo'wol toro juno sumaiyokwe Gooti toollu wiroudapiyo'moneyokwe sipsip buulmokauworodeyo pwollu amokabokaikono. Duko tov yiunokuudo nopiyo'moneyokwe sipsip tooke'aro Gooti toollu wiyo'moneyokwe pugai'aro tonyu mokabino sumaiyokwe kwiroudapiyokaikono. Toro wiroudapino sumaiyokwe Erooneke'aro Isuraiyolda'ai a'mwono moduvomwallokwe toorogai'aro tooro Moosesollu ganyalumiyago tooke Gooti toolluro mwalodowodo wobo toru i'bwo'nomwalo'mno ilomoropiyo'moneyokwe bret ton anoporogano.

Mollurolovomato 19:11

Nuu Gooti Yawel toonyu allu toga muumuudo Sainai toollu wolabodo'mure tovi a'mwo abolo ton muugonanuwopino tovino tov neya yovrowosunpuro.

Mollurolovomato 19:3

Toro bai'mo'mno sumaveyokwe Moosesol Gooti toollu wuuru'mallo'moneyokwe muumuudo Sainai toollu sulokaikono. Toro ilno sumaiyokwe Gooti Yawel muumuudo toollu muunyu tomuuda'ai Moosesollu aro kuudokaikono. “Moro kuuguudo agudumi akav Jekoopolluro kwikweyago Isuraiyolda'ai tonyu neya duudono.

Mollurolovomato 2:16

Kwako Midiyan su tomuuda'ai pris womdo yodowodo toolluno yovo tov Jetroo'wolekono. Iruko pullugwoji Jetroo'wolluro 7-pela taiyo tonodoto kemi kuunumiyago toolluro sipsip meme toorai wonyo willo'moneyokwe wonyo buugo allusovomwollosungiko toolluno kwolabopogano.

Mollurolovomato 2:18

Toro iremovobweno sumaiyokwe taiyo su tonodoto kemi kuunumiyago Jetroo'wollomno aikomgu avlavopogano. Toro avlavopo tonyu kemi kuunumiyago tool wonyuno sumaiyokwe aro samuugojokaikono. “Kevu anuugwo yere aikomgu abai'mo'mapo tov adadomgu'aro'mdeyo?”

Mollurolovomato 2:21

Toro domokabino sumaveyokwe Jetroo'wol Moosesollu samuugojokaikono. “Guu nuuge nokwo mwalmwalbinekudeyo?” Toro kuudoganoka tovi Moosesol aro kuudokaikono. “Yowa'nogano. Nokwo mwalosunonyugono.” Kuudokaikono. Toro te Jetroo'wol gami taiyo Supooravi malluno sumaiyokwe Moosesollu kuumasokaikono.

Mollurolovomato 24:13

Gooti Yawel toro wuujuno sumaiyokwe Moosesol gami womdokwe Joosuuwallu momwora'no sumaiyokwe Gooti tool mwaloduke muumuudo toollomno amokailokaikono.

Mollurolovomato 3:12

Toro kuudoka kwollu kuruv Gooti tool aro kuudokaikono. “Guu toro pla'mdo'bure toga nuu guuge novlawosunonyugono. Toro toonyu me'no amogwapimi tovino aro guduuwallumekugono. Guu Isuraiyolda'ai a'mwo abolo tonyu Ijupda'ai mollurolovomokabo'bi muumuudo akallu aiko te bomai'mo'binekugono. Toro yo'bi mino ilomonuwopi yapinogaikikono. Toro supi toga kuudo yau'binekugono. Oo Gooti tool nebal'no amonuwapiyabokaldeyo. Kuudo yau'binekugono.” Kuudokaikono.

Mollurolovomato 3:5

Toro kuudoka toollu Gooti tool kuudokaikono. “Guu wobo akaru maulabinono. Kwako akaru moro pwekwapto torukono. Toro tovino tov gumi suulpweyo tov jurolosono.” Kuudokaikono.

Mollurolovomato 4:18

Toruda'ai Moosesol me'no wuu'nyuno sumaiyokwe ganyalumiyago Jetroo'wollomno aikomgu avlavokaikono. Toro plaino sumaiyokwe Jetroo'wollu aro kuudoganokaikono. “Nuuge avalo ton kuuno dukomwakoveyokwe wonyo'mo tov nuu Ijup'no pla'mdo'mure toga nokwo nuwonyapino ibinekudukono?” Toro kuudoganoka tovi Jetroo'wol Moosesollu kuudokaikono. “Ilaiyokwonoo, guu sumwoluko kavo wosuno'bi nokwo dovlavono.” Kuudokaikono.

Mollurolovomato 4:27

Toruda'ai Gooti Yawel Eroonollu aro amodapiyokaikono. “Guu kwako a'mwomaiyo kuu'maiyo toru'no plavo'bi Moosesollu duuru'marono.” Toro amodapiyoka tool avlavokaikono. Plaino sumaiyokwe Gooti toolluro muumuudo towai Moosesollu wuuru'maro'no gamoro suwado tovi molluduuduulo amollokaikono.

Luuk 2:8

Surakuuto su toga wagwolago Betelem tovi wobo toru gwo'gwo'womdokwe tomuu a'mwo sipsip duuwatokwe pworo kemi sipsip toorai amoduvomwallajuporogano.

Kuurotokwe 7:30

Toruda'ai 40-pela kworomo tobuul me'no avlavoka toga Moosesol kwako a'mwomaiyo kuu'maiyo toru muumuudo Sainai toollu dolago tomuu ki'movo'no amwallajukekono. Toro mwaloduke toollu ensel pwol wolabo'no abwolluru'marokaikono. Ensel su tool i'jurako tov widuko bomjonugeloduke tovi'aro Moosesollu kwiyalo'nokaikono.

1 Samwel 16:11

Samwelol Jesiyollu aro samuugojokaikono. “Gumoro yiuwi'nokai muugunyo tooro aka kworodukono?” Toro samuugojoka tovi Jesiyol kuudokaikono. “Awiyo, aiyo'wo wuullako pwol nomwallo. Toro tool sipsip toorai amoduvomwallo.” Kuudokaikono. Toro kuudoka tovi Samwelol kuudokaikono. “Gumoro muugunyo su tool abwoneyokweyo'mo guu a'mwo pwollu domodapiyono. Muugunyo su tool me'no abai'mowo'ji toga'no'gwowi Gooti Yawellu nokwo wiroudapiyanonogano.” Kuudokaikono.