Bwososo'mo atallo su tov gool tokwe sakwollubi toga seruubim ensel pworake yokwolludapibinekugono. Toro yokwolludapiyo'bi toga atallo su tokwe'aro ensel toorake'aro tonyu judo'no judo'no miyakwollubinono. Toro kuvi kuruv yiuwi'nokai atallo tokwe'aro seruubim ensel toorake'aro tonyu yiuno avalo puru'monodo tovi'aro jakwollono. Aki guu gool yiuno puru'monodo tovida'ai hama tokwe romiyodukweyoso'bi sakwollubi ton yiuno puru'mono imo'nonokwono. Toro sakwollubi tovi ensel pwol atallo tovuro do'gwapiyo pumgu dawonekono. Aki ensel gabovo pwol atallo tovuro do'gwapiyo pumgu dawonekono.
Mollurolovomato 26:31 - Gooti Toolluro Yogalokwono31 “Youro kudo'aiko illukuroso'mo puul aro jakwollulo. Sillo gwagwajo kwabi'muullujo muja'jo togai'aro youro sugumaluko puuke'aro maropi dogiwolyakwollulo. Toro agiwolyakwollupi tovi a'mwo pi'mwo kuudokwe pwol seruubim ensel toorobusuko pworogai giwolyakwollonekono. အခန်းကိုကြည့်ပါ။ |
Mollurolovomato 26:31
30 ပူးပေါင်းရင်းမြစ်များ
Toro agiwolyakwollupi tovi guu maro'bi akesiyo anyutuko aral aral toorai ki'duvolmwogapiyo'moneyokwe anyutuko su toorai gool tokwe luvomuugutowopiyo'bi silva anyutu'buuso sakwollubi tonyu muulludapibinekugono. Aki anyutuko su toorai youro ki'duvolmwogapiyo'mo sugwobi'mopto pun gool tovida'ai yakwollubinekugono.
Gooti Yawel Moosesollu kuudokaikono. “Gumi judai'yago Eroonollu aro tovino duudono. Moro pwekwapto kuunodo toru'no yasuwa'no noulumwolawo'jo. Youro kudo'aiko allukurosungiko tovi anakuuto tomuu Subuu'yamjo'mo Bookis tovi wobo toru yasuwa'no maulawonekono. Nuu Gooti Yawenyu bookis su tovuro bwososo'mo atallo tovi muunyu toru sulu'wo tovi'aro mwalodumdonyugono. Nuu mwalodumdo sumdollu toru aulawo'ji tov noromiyosumekono. Yiuwi'nokai toga yasuwa'no maulawo'ji kwol kuruv yiuno nuvnokwenyuro kuudumi toga'no'gwowi nokwo kuulumwolawonekono.
Toro aboloka kuga'gwo kuuno Gooti toollu ilomoropiyo'moneyokwe ago tovi anakuuto tomuuda'ai Gooti toolluro pwekwapto kuunodo toru'no youro kudo'aiko allukurosungiko tov akuuto toru'aro rojomokwolabino sumaiyokwe imgu amgu kworokakwono. Aki kwako tov wunyu wunyu bwotonyo ino sumaiyokwe sulo bwotonyo tooro aworeyopiyoporogano.
Sumdomgu nevu Juu tonogai'aro kevu a'mwo abolo Juu toonolluro miyaikuuwosunodowado togaikike'aro tonol ikomago sunyajuwonogano. Nemoro ikomago sunyajuuwo pasudo su tov akuuto toru kuurupto to'busuko anekuwollajukokwono. Toro nekwo'duke kuvi kuruv Krais tool gavnokweyolluro kulako aboloka tovi'aro kuurupto su tovi yiunokuudo airowo'dolapiyokaikono. Toro kirowo'dolapino sumaiyokwe nevu judo'no judo'no amwallajuuwo kunollu kuruv sumwoluko yiuno puru'mono wosunyo'moneyokwe avalo toru amogurokuuranekubweyokaikono. Toro te aga'no'gwowi nevu yiuwi'nokai tonol sumwoluko puru'mono wosunyo'moneyokwe tov Krais Jisasol me'no anekumokabokakwono.
ကြော်ငြာတွေ