Mollurolovomato 25:9 - Gooti Toolluro Yogalokwono

⁹ Sel ago su tokwe'aro yiuwi'nokai anakuuto tomuu kuularono togai'aro tonyu moro aikuduwallumi tovi uumjunopi kuvinono yakwollupinorekikono.”

Mollurolovomato 25:9 ပူးပေါင်းရင်းမြစ်များ

Mollurolovomato 39:42

Toruda'ai Isuraiyolda'ai a'mwo abolo ton Gooti Yawelluro kuuguudo tov Moosesollu kuudoka kuvinono uumjuno'mno yiuwi'nokai sel ago tovi mojo'moneyokwe womdo ton yiuno'no sopiyopogano.

Mollurolovomato 39:43

Aki Moosesol womdo sopiyopo su tonyu wonomolluno sumaiyokwe adokaikono. “Oo Gooti Yawelluro yiuwi'nokai kuuguudo anyudoka ton kuvinono me'no jokwollopigovo.” Adokaikono. Toro juno sumaiyokwe womdo sokwollopiyopo tovino tov a'mwo abolo tonyu aro kuudokaikono. “Gooti Yawel gamoro sugudo pun nekubweyonogaikikono.” Kuudokaikono.

Kuurotokwe 7:44

Toruda'ai nemi nellukweyago tooro kwako a'mwomaiyo kuu'maiyo toru mwalo'mno sel ago puruv amodoporogano. Sel ago su tovi wonodupu, “Gooti tool nevuge domwallo,” ajajupogano. Sel ago su tovi Moosesol yasuwa'no amodokalmaiyo. Toro kwol kuruv yiuno Gooti toolluro kuuduuwalloka tomgu'aro to'no uumjuno'no kuvinono amodokaikono.

Hibruu 8:2

Nemi Pris Aguto su tool Gooti toolluro pwekwapto kuunodo toru pris womdo kuuno mujumovla'mdowodekono. Su towai Gooti toolluro ago muunyu kai'muuda'ai sel ago kuunodo tovi anakuuto tomuu wo'dowodokwono. Gooti toollu ilomoropiyo'moneyokwe ago kuunodo su tov kwako akavida'ai a'mwo pworavuro ato tokwe mamojungikokwono. Toro kuvi kuruv Aguto gavnokwe toolluro amojudapingikokwono.

Hibruu 8:5

Pris su tooro Gooti toollu ilomoropiyo'moneyokwe ago tovi womdo mujumovla'mdupudorogano. Toro kuvi kuruv kwako akavida'ai ago su tov Gooti toolluro ago muunyu kai'muuda'ai kuunodo tovino duuwallo'moneyokweyokwono. Aki kwako akavida'ai ago su tov muunyu kai'muuda'ai ago kuunodo tovuro wakuunonabolo to'busukokwono. Kuudo neya jaullulo. Moosesol Gooti toollu ilomoropiyo'moneyokwe sel ago tovi mojo'mo yoduke toga Gooti tool duudapi yogalo aro kuudokaikono. “Duu'nono. Muumuudo toollu muunyu toru nuu gumi me'no aguduuwallo tomgu'aro to'no uumjuno'bi yiuwi'nokai tonyu neya domodono.” Kuudokaikono.

Hibruu 9:2

Kuudo neya jaullulo. Nemi nellukweyago tooro sel ago su tov sovrowosajupokwono. Sel ago su tovi anakuuto tomuu muudu'no adovarojungiko toru gworeko gudupolallo'moneyokwe tokwe'aro noluuleyo purukwe'aro toval kwollajulorukono. Noluuleyo su tovi muunyu toru bret pun Gooti toollu me'no kwingiko ton sulosajupokwono. Toro te muudu'no adovarojungiko su towai'no yovo tov, Gooti Toolluro Pwekwaptovo, dodupudorukono.

Hibruu 9:9

Toro te pris tooravuro womdo amjumovlaiyajupo su tov yovekurajo'mokwono. Yovekurajo su tov agasuro tonollu Krais toolluro womdo yodowodo tovino nekuduuwallodowodokwono. Neya duu'nyulo. Pris tooro sel ago tovi womdo sajupo toga Gooti toollu wiyo'moneyokwe yasuwa'wino pugai'aro sipsiporodeyo romiroudapiyo'mo toorogai'aro toorogai Gooti toolluro mwalodowodo toru'no amokaullajuporogano. Toro kuvi kuruv a'mwo tooravuro amokaullajupo su ton kemi poowokalago tovida'ai kisuvolo me'no wiyodupudo su tonyu ku'nono mamollol'movodukwopinyajuporogano.