Mollurolovomato 20:24 - Gooti Toolluro Yogalokwono

²⁴ Toro kugaikul kuruv miyo'mo iroudapiyo'moneyokwe dukwagupto puruv kwako tovida'ai neya jakwollulo. Toro sakwollupi tovi kemi sipsip buulmokau tooro mokabopi juroudapiyogaulo. Toro suroudapipi tooro pworo duko tovi yiunokuudo nonopiyono'moneyokwerogano. Aki pworo sumwoluko puru'mono wosunyo'moneyokwe wiroudapiyo'morogano. Toro te kevu mi ilomonuwopiyo'moneyokwe moro kwako go'no go'no ajaikubwemi tomuu nuu wolabo'mi kemi sugudo pun nekubwemonyugono.

Mollurolovomato 20:24 ပူးပေါင်းရင်းမြစ်များ

Muuduko 12:2

Toro plavo'bi toga gumoro jukweyago kwolaiyo tooro bwotonyago yawosunopi kantri aguto kuunodo puruv imo'nosupinorogano. Aki nuu gumi'aro a'mwo abolo punyu sugudo uubweyo'moneyokwe tov gumi sugudo pun nogubwemekugono. Aki guu a'mwo aguto yovokwe imo'nyo'mo gubwemekugono.

Mollurolovomato 10:25

Toro kuudoka kuvi kuruv Moosesol kuudokaikono. “Awiyo, su toro tov ku'nono miyanonogano. Nevu nemi Gooti Yawellu wiroudapiyo'moneyokwe toorai neya mokavlawanonogano.

Mollurolovomato 18:12

Moosesollu ganyalumiyago Jetroo'wol toro juno sumaiyokwe Gooti toollu wiroudapiyo'moneyokwe sipsip buulmokauworodeyo pwollu amokabokaikono. Duko tov yiunokuudo nopiyo'moneyokwe sipsip tooke'aro Gooti toollu wiyo'moneyokwe pugai'aro tonyu mokabino sumaiyokwe kwiroudapiyokaikono. Toro wiroudapino sumaiyokwe Erooneke'aro Isuraiyolda'ai a'mwono moduvomwallokwe toorogai'aro tooro Moosesollu ganyalumiyago tooke Gooti toolluro mwalodowodo wobo toru i'bwo'nomwalo'mno ilomoropiyo'moneyokwe bret ton anoporogano.

Mollurolovomato 20:25

Aki kevu miyo'mo iroudapiyo'moneyokwe dukwagupto tovi yakwollo'mo toorekul sulo ton a'mwo pworavuro me'no doviyovo'dogalosodupudo togai maluvagilopinorekikono. Toro kworekul kuruv yiuno sulo muuduko togai to'no luvagilopinorekikono. Su toro tov aro tovinokwono. Moro sumdo tovi dukwagupto tovi luvagileyo'moneyokwe sulo muuduko tooro nokwo'morogano. Toro kuvi kuruv sulo pworo a'mwo pworavuro muugo tokwe doviyovo'dogalosodupudo toorono'gwowi moro sumdo tovi ilaiyo manyumo'nodupudorogano.

Mollurolovomato 27:1

Gooti Yawel toro wuujuno sumaiyokwe aki aro kuudokaikono. “Kevu iko akesiyo nollume pun maropi miyo'mo nyuroudapiyo'moneyokwe dukwagupto puruv jakwollulo. Dukwagupto su tovi yakwollo'moneyokwe gamoro ga'bwollo kumiko tomgu 220 sentimita wosupinorekikono. Aki gamoro ga'bwollo supto tomgu 220 sentimita wosupinorekikono. Aki gamoro ido'nyu illumoudapi tomgu 130 sentimita wosupinorekikono.

Matyuu 18:20

Neya duu'nyulo. A'mwo pworalo'mdeyo oo pworapwolorodeyo tooro mino yovo tovi su'bwo'nomwalpi tov nuu a'mwo su to kworai akuuto toru mwalodumdonyugono.” Jisasol toro kuudokaikono.

Matyuu 28:20

Aki a'mwo abolo su ton moro yiuwi'nokai kuuguudo daikullodumdo ton kunyuda'aiyo'mogano. Toro te kevu moro yiuwi'nokai kuuguudo daikullodumdo su tonyu a'mwo abolo ton neya uumjunpino'moneyokwe jodubwasogaulo. Aki aro tovino kuudo nyallulo'gwonmwalpiyo. Nuvu yiuwi'nokai toga kevuge nomwalmwalanonyugono. Kevuge mwalno mwalno yo'mi aki kwako akavuro aiyowo'mo abai'mowo'ji kuga kuruv kevuge kuuno mujomwekovla'mwalanonyugono.” Kuudokaikono.

1 Timooti 2:8

Toro te nuu aro tovino nyunodowodonyugono. Kevu yiuwi'nokai tomuuda'ai a'mwo Gooti toolluro womdokwe toorekul su'bwo'nupi toga kemi ato sugudo su tousogai neya bomokailapi subusu'nyogalo duudumovlavogaulo. Aki subusu'nyogalo mujodumovlavopi toga surodo'mdeyo oo yogalo'mdeyo nyoullajunmwalpiyo.