Mollurolovomato 2:11 - Gooti Toolluro Yogalokwono

¹¹ Lukomgu Moosesol mwalno mwalno sumaiyokwe a'mwono sumo'nokaikono. Toro tool iruko pullugwoji gavuge avalo tooraiyomno avlavokaikono. Plaino sumaiyokwe gavuge avalo tobuuro Ijupda'ai Feroo toolluro womdo bwotonyo tonyu yodopure tobuurai kwonokaikono. Toro wonoduke toga Ijupda'ai a'mwo pwol Moosesolluro avalo Hibruuda'ai a'mwo pwollu iwago romiyoduke kwonokaikono.

Mollurolovomato 2:11 ပူးပေါင်းရင်းမြစ်များ

Mollurolovomato 1:11

Toro te Ijupda'ai tooro Isuraiyolda'ai tonyu womdo guureji dumuurolo'mwalpino'moneyokwe a'mwo mido mollomwalokwe pworai ajesoporogano. A'mwo su tooro Isuraiyolda'ai tonyu jul'nyo bwotonyo uubweyo'moneyokwe womdo bwotonyago ton soullubweyajuporogano. Toro te Isuraiyolda'ai tobuuro wagwolago bwotonyo puruval amodubweyopogano. Wagwolago su toval Feroo toolluro kuto ivito ton i'bworoso'moneyokweyovakono. Aki wagwolago su tovalluno yovo tov Pitoomke Rameseseke tovakono.

Mollurolovomato 3:7

Toro yobwoto'na'duke toollu Gooti Yawel aro kuudokaikono. “Ijupda'ai tooro moro a'mwo abolo tonyu kaiya'no bwotonyo igolodupudo tonyu me'no wonodumdonyugono. A'mwo abolo su tobuuro aro nyudodupudogano. “Ijupda'ai a'mwo tooro kemoro ki'nato womdo tovi wiyo'moneyokwe guureji kironekumwallodupudorogano. Toro tooravuro dolago tomuuda'ai guu neya bomollurolovonekumokalokwono.” Toro nyudodupudo tovi me'no wuu'nodumdogano. Aki toro tobuuravuro jul'nyo ma'dupudo tonyuno me'no youroma'dumdonyugono.

Mollurolovomato 5:14

Aki Ijupda'ai a'mwo ki'nato womdo tovi mollomwalokwe tooro Isuraiyolda'ai a'mwo ki'nato womdo tovi mollomwalokwe tekwojai iwago aromiyoporogano. Toro romino sumaveyokwe aro kuudoganoporogano. “Kevu simen to'busuko tonyu sumdomgu togasuro sakwollajupo tobuulbusuko kubalno miyakwolladokwopo tov buro'nyo kavlo tovino'mdeyo?”

Mollurolovomato 5:4

Toro kuudolo kuvi kuruv Ijupda'ai a'mwo aguto kig Feroo tool Mooseseke Erooneke todorallu aro kuudokaikono. “Kev todorakul a'mwo abolo ki'nato womdo sadokwopo tonyu uumjukuto nyubullo. Toro kworakul kuruv yiuwi'nokai togaikul kemi ki'nato womdo tonyu aki aiko te neya jogaulo.

Mollurolovomato 5:5

Kevu Isuraiyolda'ai togaikul kwako akawai yowosungovla'mno yowosungovla'mno yodupu kwolallo bwotonyo sumo'nadokwopogaikikono. Toro imo'nodupu ki'nato womdo bwotonyo sadokwopogaikikono. Toro sadokwopo kuvi kuruv aga kev todorakul kwolallo su tonyu uumjukuto mibullunono.” Feroo tool toro kuudokaikono.

Mollurolovomato 5:9

Toro anyudadokwopo tonyu aga kevu womdo bwotonyo pugai'aro duubweyogaulo. Toro uubweyodopure ton womdo bwotonyo imo'naropi a'mwo soukuu'nuudadokuulo toorallu kaduko mwipinogano.” Kuudokaikono.

Mollurolovomato 6:6

Toro tovino tov guu Isuraiyolda'ai a'mwo abolo tonyu aro neya duudono. “Nuu Gooti Yawel toonyugono. Toro toonyu Ijupda'ai tooro kemi womdo bwotonyo aikubweyadokwopo toorai kirumwallo'mo tov moro jurogudo kuunodo togai nomovagu'mwojumorogano. Yo'mi kemi kworavuro dolago tomuuda'ai bomollurolovekumokalokuumonyugono.

Mollurolovomato 6:7

Toro abomollurolovekumokalokuumi togaikullu nuu maikullumwojumwalmonyugono. Aki nuvnokwe toonyu kemi Gooti kuunodo ikullumo'numwalmonyugono. Toro togaikul mino tov aro kuudo youronumapinogaikikono. Oo nemi Gooti Yawel Ijupda'ai tooro jul'nyo nekubweyodopure tovi dolago tomuuda'ai abomollurolovonekumokalokwokaldeyo. Kuudo yanuu'mwalpinogaikikono.

Matyuu 11:28

Jisasol toro wuujuno sumaiyokwe toga aki a'mwo abolo tonyu aro kuudokaikono. “Kevu yiuwi'nokai womdo imo'na'dupu burawo yodupudo togaikike'aro tagunyo mollukwo'mdupudo togaikike'aro togaikul miyomno dobilo. Toro abupi togaikullu nuvu iruko mwalmwalpino'moneyokwe tov nekubwemonyugono.

Luuk 4:18

“Aguto toolluro Kuullo tool numi me'no anubweyokanyugono. Toro toonyu apoo'nyaiyo toorai kuuguudo sugudo tokwe yodubwaso'moneyokwe me'no ajanubweyokaikono. Aki wuulo killo'mo ago tovi kuule'na'dopure toorai bomollurolovomokalokwiyo'moneyokwe kuuguudo tov wuujo'mo amonuwopiyabokanyugono. Aki a'mwo sumnowojokwe toorai aki aiko te sumdo nokwo kinpino'moneyokwe amonuwopiyabokanyugono. Aki a'mwo pwekwojo a'mwo pworavuro jul'nyo uubweyodopure tovi ma'dupudo su tekwojai mollurolowapiyo'mo amonuwopiyabokanyugono.