Mollurolovomato 2:10 - Gooti Toolluro Yogalokwono

¹⁰ Toro mollomwalno mollomwalno sumaiyokwe kwolaiyo tool kuru'gwo aguto agullokaikono. Toro toollu ganeyago tov momwora'no sumaiyokwe Feroo toolluro taiyo tovino amokavlavokakwono. Toro te Feroo toolluro taiyo tov kwolaiyo toollu malluno sumaiyokwe amollumwojajukokwono. Toro mollumwojuno sumaiyokwe gami kwolaiyo kuunodo pwolbusuko kwimo'nyajukekono. Toro kwimo'nyajuko toolluno aro adokakwono. “Kwolaiyo akal wonyo tovida'ai aluvomaro toolluno tov Moosesolo sowa'mono.” Adokakwono.

Mollurolovomato 2:10 ပူးပေါင်းရင်းမြစ်များ

Muuduko 16:11

Gooti Yawelluro ensel tool toro wuujuno sumaiyokwe aki aro kuudokaikono. “Aga guu kwolaiyo sumwoluko me'no sumo'nadokuudo'guugono. Toro to'guu kwolaiyo pwollu yomaro'bi Isumaiyololo mullowa'bino'guugono. Yovo su tovino kavlo tov aro tovinokwono. Gumoro jul'nyo tonyuno deko dodore tonyu Gooti Yawel me'no guu'nodowodekoneyo'mokwono. Toro tovino mullowa'bino'guugono.

Muuduko 4:25

Toruda'ai Adameke Iviyokwe teyaul aki aiko te sumwonyo yolno kwolaiyo sumwoluko sumo'nokakwono. Toro te Iviyov kwolaiyo pwollu yoma'no sumaiyokwe adokakwono. “Oo kwolaiyo akal Kenol aromiyosoka Ebelolluro aiko toru mallo'moneyokwe Gooti tool anyamokaldeyo.” Toro tovino tov Iviyov kwolaiyo toolluno Setolo amullowarokakwono.

Mollurolovomato 2:9

Toro adomaroka tovi Feroo toolluro taiyo tov aro kuudokakwono. “Guu mi kwolaiyo akallu mollomwalo'bi amdo yausumwalbinekono. Toro yodo'bure tovino nuu mubiyo nogujumwalme'gono.” Kuudokakwono. Toro wuujuno sumaiyokwe ganeyago tov kwolaiyo toollu maro'no amdo yausodowo amollomwallajukokwono.

Matyuu 1:21

Kwolaiyo somaro'ji su tool a'mwo abolo tonyu kemoro ma'no ma'nodo tovuro kirumwallo tovida'ai bomollurolovomokalokwiyo'moneyokwe imo'nonekono. Toro toolluno tov guvu Jisasolo yowa'binekono.” Aguto toolluro ensel tool Joosepollu su toro kuudokaikono.

Galesiya 4:5

Su tool nevu Moosesolluro loowo tovi dolago tomuu amwallajuuwo tonollu mobirolovonekumallo'mo abwollumo'nokaikono. Aki Gooti tool gami kwolaiyo toollu kwolomoropiyaboka su tov nevu gamoro kwoloraiyo wimo'nodowa'jure tonollu monekullumwojo'moneyokweyokwono.

Hibruu 11:24

Aki Moosesol kwol kuruv Gooti toollu kuudo kuubweyajukekono. Toro kuubweyajuko su tovi'aro aguto gulluno sumaiyokwe a'mwono sumo'noka toga Ijupda'ai a'mwo aguto kig Feroo toolluro taiyo tovuro kwolaiyo pwolbusuko mujomwekovlaiyo'mo mwinyajukekono.

1 Joon 3:1

Neya duu'nyulo. Nemi Nellunumiyago Gooti tool nemino kalo buuropino winodowodekono. Toro winodowodo su tov bwotonyokwono. Aga'no'gwowi Gooti tool nemino tov, “Oo moro kwoloraiyo tobuurogano,” nekudodowodo su tov aguto kuunodokwono. Toro te nevu gamoro kwoloraiyo kuvinono wimo'nodowadonogano. Toro kuvi kuruv kwako akavida'ai a'mwo abolo tono'gwowi nemino tov, Oo su ton Gooti toolluro kwoloraiyodeyo, kuudo miworovonekuma'dupudonogano. A'mwo abolo su ton Gooti toolluno kuudo kuunodo miyouroma'dupudo tovino tov nevu gamoro kwoloraiyo kunolluno kuruv kuudo miworovonekuma'dupudonogano.