Kevu a'mwo su toollu ato nuubogai'nupiyokweyo'mo tov yiuno sulo'mdeyo oo iroka'mdeyo tokwe doromiyosulo. Yiuwi'nokai a'mwo abolodeyo oo ibesa'aiyorodeyo kworo kuruv muumuudo toollu wobo toru abai'mopi toorai doromiyosulo.” Toro duuwiyono. Toro kuvi kuruv a'mwo pwol biugel tovi pwo'mi muujudo airapiyo'ji tov kuuno ki'nugovla'mdowo'jure tovi kuu'nupi toga'no'gwowi kevu babo tovi wobo toru'no nokwo bupinogaikikono.” Kuudokaikono.
Mollurolovomato 19:17 - Gooti Toolluro Yogalokwono17 Toro yodopure tonyu Moosesol kemi woromollo'mo sel ago towaida'ai bomokalokwo'no Gooti toollu buuru'mallo'moneyokwe muumuudo toolluro aiyowo'mo do'gwapiyo toru mokabino sumaiyokwe abodavopogano. အခန်းကိုကြည့်ပါ။ |
Mollurolovomato 19:17
8 ပူးပေါင်းရင်းမြစ်များ
Toro te iruko naba 3 tollugwoji lomwo toga muumuudo toollu sulu'wo illuvolopinodo tov abwolobu'duvolomarokakwono. Aki molamopto tokwe'aro kuuloulo tokwe'aro imo'no'no biugel tov guureji kuunodo ai'nokakwono. Toro te Isuraiyolda'ai ton kemi woromollo'mo sel ago towaida'ai wonyuno sumaveyokwe biugel tovuro guureji ki'noduke tovi wuu'no'mno luko bu'buto sopogano.
Toro da'mdopure toga Gooti Yawel du'wiyo puvi anakuuto tomuu kuulomwalno sumaiyokwe muumuudo Sainai toollu abwolomwalokaikono. Toro abwolomwaloka tovino tov muumuudo toollu aiyowomno tomuu juto bwotonyo tokwe abu'duvolomarokakwono. Juto su tov sul'duko iro'mdupu juto bwotonyo bilodawodo to'busukokwono. Toro bu'duvoloma'no sumaiyokwe wunyu wunyu bwotonyo tov yo'no muumuudo tool aiyowomno yaudo yaudo sunuugwokaikono.
Aki nemi nellukweyago tooro kwako a'mwomaiyo kuu'maiyo toru i'bwo'nomwalodopure toga Moosesol muumuudo Sainai toollu ilno sumaiyokwe ensel pwollu wuuru'maro'no gamoro kuuguudo tov amarokaikono. Kuuguudo su tov yiunokuudo mujo'movlaiyo'mokwono. Toro tokwe mokwolabino sumaiyokwe nemi nellukweyago toorai abwolomoruudokaikono. Aki kuuguudo su tov nemi anekullabokaikono.
ကြော်ငြာတွေ