Mollurolovomato 18:11 - Gooti Toolluro Yogalokwono

¹¹ Toro wuujuno sumaiyokwe aki Gooti Yawelluno aro adokaikono. “Aga'no'gwowi nuu kuudo me'no souromakono. Yiuno Gooti Yawel su tool noonyumwonyu gooti pworai kuuwolo'mwallukekono. Aki Ijupda'ai tooro ilomoropunyu yodupu Isuraiyolda'ai tobuurai kaiyako sugollajuporogano. Toro tooravuro dolago tomuuda'ai Gooti Yawel Isuraiyol su tobuurai me'no amollurolovomokabokaikono. Toro toolluno nuu kuudo me'no souromakono.” Adokaikono.

Mollurolovomato 18:11 ပူးပေါင်းရင်းမြစ်များ

2 Kuuguudo 2:5

Toro imovla'mwalano tonolluro Gooti jurogudo su tool yovo agutokwekono. Toro toolluro yovo tov noonyumwonyu gooti pworavuro yovo tonyu kuuwolo'mwallo. Toro toollo'mo nuu ago bwotonyo puul modumo'monyugono.” Adapiyokaikono.

Mollurolovomato 1:10

Toro ton bwotonyago kuuno nyumo'nugovla'mwalpiyokwe nevu uumjukullo'mo puuto puruv po'dogalo neya ajourosano. Toro tonyu nevu muumjukura'ji tov puga nevu nemi ikomago toorogai molo suna'ji toga kwolallo akan ikomago toorai molluulopi nemi nonekuuwolopinogano. Toro nekuuwolovopi nemoro kwako akavida'ai nobirolo'nugolokuupinogano.” Kuudokaikono.

Mollurolovomato 1:22

Toro te Feroo tool yiuwi'nokai Ijupda'ai a'mwo abolo tonyu aro aduuwiyokaikono. “Isuraiyolda'ai tonyuro kwolaiyo muudogarodeyo adupi tov wonyo Nailovi domorumikapiyogaulo. Toro kuvi kuruv taiyodeyo adupi to'gwowi nokwo wonyapino jogaulo.” Aduuwiyokaikono.

Mollurolovomato 10:3

Toruda'ai Mooseseke Erooneke todoral Feroo toollu wuuru'ma'no sumaleyokwe aro kuudolorakono. “Nevu Hibruu tonolluro Gooti Yawel aro agudadopiyo. “Guu mi dolago tomuu mabwolomoropinodamdo tooku kisuvolo kuuno mujumovla'binekudukono? Awiyo. Toro kweku kuruv moro a'mwo abolo ton mi ilomonuwopiyo'moneyokwe pla'mdopure tonyu guu wonyapino neya jono.

Mollurolovomato 12:12

Surakuuto su tollugwoji nuu kwako Ijup toru aiyowomno yomollo'mi yiuwi'nokai a'mwo abolo togai'aro ibesa'aiyo toorogai'aro tonyuro sujuraiyo yawosunodupudo toorai noromiyosumonyugono. Toro aromiyosumi toga yiuwi'nokai Ijupda'ai kuunano gooti toorai nuuwolo'monyugono. Nuu Gooti Yawel toonyu toro wimonyugono.

Mollurolovomato 14:18

Aki yiuwi'nokai Feroo tooke'aro su toorai kuuwolo'mi toga yiuwi'nokai Ijupda'ai a'mwo abolo su ton mino aro kuudo yanuupinorogano. Oo Gooti Yawel kwoldeyo. Kuudo yanuupinorogano.” Kuudokaikono.

Mollurolovomato 14:8

Gooti Yawelluro yoduke tovida'ai Ijupda'ai a'mwo aguto kig Feroo tool gamoro poowokalago tov lumdo aulopiyoka tovino tov Isuraiyolda'ai tonyu toro avomjai'noporogano. Toro movomjai'nodopure kuvi kuruv Isuraiyolda'ai ton mwono'mno aro amjodumovlaiyajupogano. “Oo nevu Ijupda'ai toorai me'no kuuwolo'mawonogano.” Toro dodupu ilaiyo bwotonyo amjumovlaiyajupogano.

Mollurolovomato 15:11

Gooti Yaweloo, guvubusuko gooti pwol nonagutomuugono. Guu sugudo kuunodo su tooku yiuwi'nokai noonyumwonyu punyu kuuwolo'mwakudekugono. Toro tookujuno tov yiuwi'nokai a'mwo abolo ton gumoro duuwallo jurogudo yodo'bure tonyu kwonpi toga luko yopi gumino ilomogwopiyapinogano.

Mollurolovomato 5:2

Toro kuudolo kuvi kuruv Feroo tool kuudokaikono. “Yawel ala'mwoldeyo? Nuu Yawelluno kuudo maiyonyugono. Toro toonyu Isuraiyolda'ai pla'mdopure tonyu, “Wonyapino neya jono,” anyudumoka tovi kaduko wimonyudukono? Awiyo, nuu kaduko ku'nono mwimekono. Aki Isuraiyolda'ai pla'mdopure togaikullu ikwonyapino mimonyugono.” Kuudokaikono.

Mollurolovomato 5:7

“Simen to'busuko yakwollo'moneyokwe kevu Isuraiyolda'ai tonyu gwo'gwopto yalukullo ton yasuwa'no mwimwalpinorekikono. Gwo'gwopto yalukullo su togai'aro kunaikwako tokwe'aro tovallu molla'mo'mdupu jurogudo imo'noneyokwe kuujo tovi imwojosodupudogano. Toro kuvi kuruv aga'no'gwowi gwo'gwopto yalukullo su ton Isuraiyolda'ai kevnokwe ton neya yo'mgonomokabopi simen to'busuko ton kuuno yokwollumovla'mwalpinogano.

Luuk 1:51

Toro tool gamoro ato tokwe womdo bwotonyo tov me'no sokaikono. Aki toro tool a'mwo pworo kemi poowokalago kuudo togai ilomoropunyu yodapudo toorai amojo'bworapiyoka tooro gomno gomno sounopiyoporogano.

Jems 4:6

Aki Gooti tool gamoro yasuwa'wino sugumaluko tov nemi guureji muunyu toru'aro nekullabiyokwekono. Toro tovino tov Gooti toolluro yogalo sakwollungiko puruv aro dodowodokwono. “Gooti tool a'mwo ilomoropunyokwe toorai nobwolomorumwogapiyokwekono. Toro kuvi kuruv a'mwo pworo a'mwo abolo punyu kwako tomuu'aro abwolomoropinapi su tooraino'gwowi gamoro yasuwa'wino sugumaluko tov nuuwiyokwekwono.” Dodowodokwono.

1 Pita 5:5

Toro to'busuko kubalno kevu a'mwo muugunyunodo kworekul kuruv a'mwono moduvomwallokwe toorai kwako tomuu'aro neya duuwiyogaulo. Aki kevu yiuwi'nokai a'mwo pwolno pwolnodo toorekul kevnokwerekulluno bwolomoropinapi kemida'ai a'mwo go'no go'nodo toorai kwako tomuu'aro to'no neya duuwimovlavogaulo. Su toro tovino Gooti toolluro yogalo puruv aro sakwollungikokwono. “Gooti tool a'mwo ilomoropunyu yodapudo toorai molo wiyokwekono. Toro kuvi kuruv a'mwo bwolomoropinodapudo tooraino'gwowi gamoro yasuwa'wino sugumaluko tov wiyokwekono.” Su toro sakwollungikokwono.