Mollurolovomato 16:33 - Gooti Toolluro Yogalokwono

³³ Toro wuujuno sumaiyokwe Moosesol Eroonollu kuudokaikono. “Guu soospen puuwa maro'bi bret mana pun domollurosono. Toro molluroso'bi nemi nellukweyago kwoloraiyo lukomgu sumo'nupi ton wonpino'moneyokwe Gooti Yawelluro sumdollu toru doosono.” Kuudokaikono.

Mollurolovomato 16:33 ပူးပေါင်းရင်းမြစ်များ

Mollurolovomato 16:32

Toruda'ai Moosesol kuudokaikono. “Gooti Yawel aro adanekullokaikono. “Bret mana su tov kemi tellukweyago kwoloraiyo lukomgu sumo'nupi ton wonpino'moneyokwe kevu soospen puuwasi maropi bret mana pun domollurosulo. Toro amollurosupi su tov judo pumuu morosopi manyu toga nokwo woronokwono. Toro wo'dowo'jure tovi kemoro lukomguda'ai kwoloraiyo sawosunpi ton bret mana su tovi wonopi mino aro kuudo youronmapinogano. Oo Gooti Yawel nemi nellukweyago toorai Ijupda'ai mollurolovomokabo'no kwako a'mwomaiyo kuu'maiyo towai wosamujuko akav kwiyajukoldeyo. Kuudo youronmapinogano.” Adanekullokaikono.” Moosesol toro kuudokaikono.

Hibruu 9:4

Gooti Toolluro Pwekwapto Kuunodo su toru wobeya sudo kuunyokwe i'mujako tovi iroudapiyo'moneyokwe dukwagupto tokwe'aro subuu'yamjo'mo bookis tokwe'aro toval wo'dubulorukono. Bookis su tovuro yiuwi'nokai tomuu yiuno gool tokwe suropingikokwono. Aki soospen puruv bret mana tokwe surosungiko tov bookis su tovi anakuuto tomuu aullu'nallajukokwono. Aki Eroonolluro yodeko sodolokwe tokwe'aro aki Gooti toolluro subuu'yamju sokwollosungiko sulbweko tovake'aro su ton bookis tovi anakuuto tomuu aullu'nallajupogano.

Adodolukuu'nosungiko 2:17

A'mwo pwol kaduko nyabiyo'mo kwino'ji tov Gooti toolluro Kuullo tool moro mollu'bwoto go'no go'nodo tonyu kuuguudo wuudodowo'jure akavi neya wuu'nowo'ji kuudo youromaronekono. Kuuguudo su tov arokwono. A'mwo pwol Satanyolluro molo tovi kuuwolowo'ji tool bret mana pun kwimi tonyu nononekono. Bret mana su tov Gooti toolluro ago muunyu kai'muu yiulo tomuu wo'dowodokwono. Aki a'mwo kuuwolowo'ji su toollu nuu sulo wiya'jo tollugwo nuuwimonyugono. Sulo su tollugwoji yovo muuduko puruv puukwollo me'no sokwollosungikokwono. Yovo muuduko su tovino a'mwo yasuwa'no pwolnodo kwol kuruv kuudo ku'nono miyouromaronekono. Toro kuvi kuruv yiuno sulo su tollugwoji amaro'ji toolno yovo muuduko su tovino kuudo nokwo youromaronekono.”