Mollurolovomato 16:21 - Gooti Toolluro Yogalokwono

²¹ Toro ino sumaiyokwe yiuwi'nokai lomwo toga a'mwo abolo ton kemi nokwo nonyo'mo toru'aro amollu'bworosajupogano. Toro kuvi kuruv bret pun kwako tovi kuuno wo'dopure tonyu kuujo guureji wuudoduke toga wonyo to'busuko aduuwiyopiyajupogano.

Mollurolovomato 16:21 ပူးပေါင်းရင်းမြစ်များ

Mollurolovomato 16:20

Toro kuudoka kuvi kuruv a'mwo abolo pun Moosesollu muu'nyubusuko yo'mno bret pun lomwo toga nyo'moneyokwe kwosopogano. Toro kwosopo ton lomwo aikomguda'ai toga buullujudo kuuno'no avlukuumwiyo sumo'nopogano. Toro te Moosesol a'mwo abolo muu'nyubusuko kwiyopo su tonyuno surodo kuunokaikono.

Mollurolovomato 16:22

Toro mollu'bworosodupudo kuvi kuruv iruko naba 6 tollugwojuno'gwowi bret ton iruko pullal tovallu nomwallo'moneyokwe a'mwo pwolno pwolnodo toollo'mo soospen kula'nyo puuwosal puuwosalno amollu'bworosopogano. Toro amollu'bworosopo tovi Isuraiyolda'ai mido mollomwalokwe tooro wono'mno Moosesollu abuudopogano.

Matyuu 6:33

Toro te kemoro supto yodupudo su tonyuno nomovomjai'numwalpiyo. Toro kugaikul kuruv sumdomgu aguto kig Gooti toolluro mido mollomwalo tovino'gwowi neya domovomjai'nogaulo. Aki gamoro pasudo idopto'nodo kunyuno kuruv neya domovomjai'nogaulo. Kevu su toro amovomjai'nupi togaikullu Gooti tool kemoro yiuwi'nokai supto yodupudo ton nokwo ikubwemwalonekono.

Joon 12:35

Toro kuudoganopo tovi Jisasol aro kuudokaikono. “Nuu bako to'busuko toonyu kevuge yiuno kula'nyo toga'gwono mwalmonyugono. Toro te nuu kevuge kuuno mwalo'mi bako pwopiyodo'mure tovi anakuuto tomuu kevu neya jomjomwekovlavogaulo. Su tov aro tovino'mokwono. Dugumdo tov kemi nobu'duvolekuma'mwalo'jokweyo'mokwono. A'mwo pwol dugumdo tovi somjomwekovlawo'ji to'gwowi gamoro novlawono tomuuno kuudo nonagutekono.

2 Koorin 6:2

Neya duu'nyulo. Aiyoga Gooti toolluro yogalo adoka puruv aro sakwollungikokwono. “Moro ajeso toga kuvinono abai'movokakwono. Toro toga, Donekullo'mwojonoo, anyudopogaikikono. Toro anyudopo tovi kaduko aikullonyugono. Aki kemi kirumwallo tovida'ai bomollurolovekumokalokwiyo'moneyokwe iruko tollugwo kuvinono bai'mo'mduke toga aikullo'mwojonyugono.” Sakwollungikokwono. Toro te neya duu'nyulo. Aga Gooti tool kemi ilaiyo yaikullugollo'moneyokwe togakono. Aki iruko akallugwoji Gooti tool kemoro ma'no ma'nodo tovuro kirumwallo tovida'ai bomollurolovekumokalokwiyo'mo kwinadopiyo.