Mollurolovomato 16:16 - Gooti Toolluro Yogalokwono

¹⁶ Toro wuujuno sumaiyokwe aki kuudokaikono. “Gooti Yawel aro adaikulladopiyo. “Kevu yiuwi'nokai toorekul kemi sel ago kuulomwalodupudo tonyu jagilopi yiuwi'nokai pwolno puru'monodo togaikul nokwo nopino toru'aro soospen kula'nyo tonyu domollu'bworosogaulo.” Adaikulladopiyo.” Kuudokaikono.

Mollurolovomato 16:16 ပူးပေါင်းရင်းမြစ်များ

Mollurolovomato 16:17

Moosesol toro wuujuno sumaiyokwe Isuraiyolda'ai ton kuvinono uumjuno'mno amollu'bworosopogano. Toro te pun kula'nyo mollu'bworoso'mno aki puno'gwowi bwotonyago amollu'bworosopogano.

Mollurolovomato 16:18

Toro mollu'bworosuno sumaveyokwe kemi nokwo nonyo'moneyokwe toru'aro amollu'bworosopogano. Toro amollu'bworosopo tonyu yado yado ino'mno adopogano. “Oo yiuwi'nokai tonol nokwo nonyo'mo toru'arokwono.” Adopogano. Toro te a'mwo abolo pun kula'nyo amollu'bworosopo kun kuruv kemi sumwoluko tov nyuto'nyo'mo supto miyopogano. Aki a'mwo abolo pun bwotonyago amollu'bworosopo kun kuruv kemi sumwoluko tov me'no nyuto'no'mno pun yasuwa'no miyogallu'movopogano.

Mollurolovomato 16:36

Su toro toga Isuraiyolda'ai ton kemi wosamujukuto tonyu jagillo'moneyokwe puruval tomgu'aro ajagillajupogano. Puruv oomerovo dodupudokwono. Su tov soospen kula'nyo puuwasuda'ai to'busukokwono. Aki puruv ipavo dodupudokwono. Su tov soospen atousal tonyuda'ai to'busukokwono. Isuraiyolda'ai ton toro tovallu'aro wosamujuko tonyu ajagillajupogano.