Mollurolovomato 15:6 - Gooti Toolluro Yogalokwono

⁶ Oo Gooti Yaweloo, gumoro anato tov jurogudo kuunodokwono. Toro tokwe gumi ikomago toorai aromiyebuuropimadekugono.

Mollurolovomato 15:6 ပူးပေါင်းရင်းမြစ်များ

Mollurolovomato 15:11

Gooti Yaweloo, guvubusuko gooti pwol nonagutomuugono. Guu sugudo kuunodo su tooku yiuwi'nokai noonyumwonyu punyu kuuwolo'mwakudekugono. Toro tookujuno tov yiuwi'nokai a'mwo abolo ton gumoro duuwallo jurogudo yodo'bure tonyu kwonpi toga luko yopi gumino ilomogwopiyapinogano.

Mollurolovomato 15:12

Toro tooku gumoro anato tov ruuguusapiyodum kwako akavida'ai wonyo tov ikomago toorai ame'nyudapimokakwono.

Mollurolovomato 15:16

Yiuwi'nokai su tooro gumoro jurogudo tovi me'no wuu'nodupu luko bu'buto bwotonyo amujumoulmwolavo. Toro tooro luko yodupu nemi manekumjukupinorogano. Aki toro tonol pla'mdowa'jure toga nemi noonyumwonyu puruv miyanekullugolpinorogano. Luko bwotonyo yopi nokwo avlapureyokwe nekwonyapino ipinorogano. Oo Gooti Yaweloo, gumoro amollurolovonekumokobadokuudo tonollu aki aiko te ku'nono mameronekumwallupinonogano.

Mollurolovomato 18:8

Toro kuulomwalo'mno Moosesol yiuwi'nokai Gooti Yawelluro soka tonyuno kuuguudo tov gami ganyalumiyago toollu kuudokaikono. Aki Gooti Yawel Isuraiyolda'ai tonyu wiyo'mwojo'mo tool Feroo tooke'aro Ijupda'ai togai'aro tonyu kaiyako sugoloka tovino kuuguudo tov kuudokaikono. Aki Isuraiyolda'ai ton puuto tomuu mujo'mabodupu tabunyu ma'dopure tonyu Gooti Yawel amollurolovomokabiyajuko kunyuno kuruv kuudokaikono.

Mollurolovomato 3:20

Toro kwol kuruv nuu Ijupda'ai tonyu kirumwallo'mo tov moro jurogudo tokwe yiuwi'nokai duuwallo judo'no judo'nodo ton me'no kuubwemi toga'no'gwowi nokwo ikwonyapino yonekono.

Mollurolovomato 6:1

Toruda'ai Gooti Yawel Moosesollu kuudokaikono. “Aga nuu Feroo toollu igolodo'mure tovi noonbinekugono. Aki moro jurogudo kuunodo tokwe sugolmi toga'no'gwowi nokwo ikwonyapino yonekono. Toro tool moro jurogudo kuunodo tokwe kwiroobwemi su toga surodo wuunowo'ji gamoro kwako Ijup towaida'ai kemi nomovomjekwapiyonekono.” Kuudokaikono.

Matyuu 6:13

Aki yamju pun nemi nonekulloganpiyokwe tomuuno guu nomollubworonekumokavla'mwalbiyo. Toro kweku kuruv nevu kirovanyuvanyu pasudo toorai nomjumovlawa'jokwe guu manyu tomuuno neya domollurolovonekumokavlavogawono.” Kevu subusu'nyogalo su toro neya dumwalpinogaikikono.

Adodolukuu'nosungiko 2:27

Su toro kwimi tool kantri tonyu mido mollomwalo guureji to'no momjumovlawonekono. Aro to'busukokwono. A'mwo pwol aiyon yodeko tokwe kwa'bootoollu puuwasi kirowiyapiyodowodo to'busuko kubalno mido mollomwalo guurejuno momjumovlawonekono. Womdo su tovi yo'moneyokwe jurogudo tov mi Nyunumiyago tool me'no anyaboka to'busuko kubalno a'mwo Satanyolluro molo tovi kuuwolowo'ji su to kweke'aro aval'no nomaronekono.