Mollurolovomato 15:3 - Gooti Toolluro Yogalokwono

³ Toro toolluno yovo tov Gooti Yawelekono. Gooti Yawel su tool amuulokaikono.

Mollurolovomato 15:3 ပူးပေါင်းရင်းမြစ်များ

Mollurolovomato 14:14

Toro te kevnokwe togaikul logaibwoto puru'monodo kuruv miyopi Gooti Yawel kemi ikullo'mwojo'mo ikomago su toorai molo wiyodowo'jure tovi domuugonallulo.” Kuudokaikono.

Mollurolovomato 14:25

Toro ino sumaveyokwe Gooti Yawelluro yoduke tovida'ai kemoro karis tooravuro suvlo ton kwako tovi lukumowopiyo'mno ku'nono mavlavoporogano. Ijupda'ai tooro toro tovi wonyuno sumaveyokwe sajunoporogano. “Awi, Gooti Yawel Isuraiyolda'ai tonyu wiyo'mwojodowo nemi molo anekulladopiyo. Toro tekwojonol lukado yere avlawano.” Sajunoporogano.

Mollurolovomato 3:13

Toro kuudoka tovi Moosesol kuudokaikono. “Nuu Isuraiyolda'ai tonyu wuuru'maro'mi aro wuudumonyugono. “Kemi tellukweyago toorai Gooti tool amonuwopiyamokanyugono.” Toro kuudumi kuvi kuruv, “Gooti su toolluno yovo tov ala'mwoldeyo,” anyudupi to'gwowi nuu buro'nyovo wuudumonyudeyo?” Kuudokaikono.

Mollurolovomato 3:14

Toro kuudoka tovi Gooti tool Moosesollu kuudokaikono. “Nuu Kwonyugoneyolo toonyugono. Toro te guu Isuraiyolda'ai tonyu aro wuudubinekugono. “Gooti toolluno Nuu Kwonyugoneyolo dodupudo su tool mi kemino amonuwopiyamokanyugono.” Toro duudono.”

Mollurolovomato 3:15

Gooti tool Moosesollu toro wuujuno sumaiyokwe aki kuuguudo pugai'aro kuudokaikono. “Guu Isuraiyolda'ai a'mwo abolo tonyu aro duudono. “Yawel kemi tellukweyago Eburaiyameke Aisakeke Jekoopeke toorai Gooti su tool mi kemiyomno amonuwopiyamokanyugono.” Wuudubinekugono. Mino Yaweyolo nyudodupudo yovo su tov yiunokuudo mujo'movla'mwalonokwono. Toro tovi kemi tellukweyago kwoloraiyo sumo'nupi ton yovo su tovi mujonyudumovlavopi mino kuudo miyallulo'gwonmwalpinogano.