Mollurolovomato 15:26 - Gooti Toolluro Yogalokwono

²⁶ Toro tool aro kuudokaikono. “Kevu Gooti Yawel toonyuro yogaimaguurai ikudodo'mure tovi duu'nogaulo. Aki moro sumdo tovi yiuno sugudo to'no domjumovlavogaulo. Aki moro loowo adosungiko tonyu duumjunogaulo. Kevu toro supi togaikullu mairekumwallumonyugono. Sumdomgu Ijupda'ai toorai nobolluwuulo kuubweyajo su tonbusuko kubalno mairekumwallumonyugono. Su tov aro tovinokwono. Nuu Gooti Yawel kemoro nobollo tonyu ikullukulodumdonyugono.” Kuudokaikono.

Mollurolovomato 15:26 ပူးပေါင်းရင်းမြစ်များ

Mollurolovomato 12:29

Toro te surakuuto su tollugwojuro akuusuduko toga Gooti Yawel yiuwi'nokai Ijupda'ai tonyuro kwolaiyo sujuraiyo toorai aromiyopiyokaikono. A'mwo aguto kig Feroo toolluro kwolaiyo sujuraiyo tooke'aro aki wuulo killo'mo ago tovi kuule'na'dupudo tooravuro kwolaiyo sujuraiyo kworogai'aro toorai aromiyokarogano. Aki noonyumwonyu wuulo ki'duvolodupudo tooravuro yiuwi'nokai sujuraiyo yawosunodupudo kworogai'aro toorai yiunokuudo aromiyopiyokaikono.

Mollurolovomato 19:5

Toro tovino tov aga kevu moro yogalo ikudodo'mure togai'aro moro subuu'yamju togai'aro tonyu kaduko yopi mi anumjunpi tov moro a'mwo abolo kuunodo imo'nupinogaikikono. Yiuwi'nokai a'mwo abolo kwako akavi mwalodupudo ton morogano. Toro kuvi kuruv kevu mi anumjunpi togaikulluno'gwowi moro kuu'dello nyumo'nupinogaikikono.

Mollurolovomato 19:6

Aki toro anumjunpi togaikul yiuno mi dolago tomuu mwalopi pris toorobusuko moro a'mwo abolo kuunodo nyumo'numwalpinogaikikono.” Guu Isuraiyolda'ai tonyu su toro neya duudono.” Kuudokaikono.

Mollurolovomato 20:2

“Nuu Gooti Yawel toonyu kevu Ijup toru ki'nato womdo yodopure togaikullu amollurolovekumokabo toonyu kemi Gooti kuunodonyugono.