Mollurolovomato 14:22 - Gooti Toolluro Yogalokwono

²² Toro te soolwara tov imgu amgu jo'bworapiyo'no wonyo tov imgu amgu kuurupto to'busuko adavolovakono. Toro adavolo tovallu akuuto toru kwako yalukullo imo'noduke tovi'aro Isuraiyolda'ai ton aulapogano.

Mollurolovomato 14:22 ပူးပေါင်းရင်းမြစ်များ

Mollurolovomato 14:29

Toro kuvi kuruv Isuraiyolda'ai a'mwo abolo tono'gwowi kwako yalukullo tovi'aro aulapogano. Toro aulapo toga soolwara tov imgu amgu kuurupto to'busuko adavolo tovallu akuuto toru'aro kuula'mno igo'mgu ai'movopogano.

Mollurolovomato 15:19

Toro te Isuraiyolda'ai ton soolwaravuro akuuto toru kwako yalukullo kworoka tovi kuula'mno igo'mgu ai'movopogano. Toro kuvi kuruv Feroo toolluro hoos toorogai'aro karis toorogai'aro a'mwo karis gunyukullokwe toorogai'aro toorono'gwowi Isuraiyolda'ai tonyu povomjai'nomokaulodopure toga Gooti Yawel wonyo tov aki aiko te amorubu'duvolokaikono. Toro amorubu'duvoloka toga wonyo tov yiuwi'nokai Ijupda'ai su toorai aiyowomno abu'duvolomwalokakwono.

Mollurolovomato 15:8

Toro te guvnokwe tooku soolwara tovino dolo bwotonyo amoropiyamado tovida'ai soolwara tov amungelamokakwono. Toro mungelabodowo imgu amgu kuurupto to'busuko i'na'dubul soolwara tov aki aiko te nouroto'no'jokweyo'mo jurogudo agurokuuropimalovakono.

1 Koorin 10:1

Mi avalobuuravoo, nuvu kemi duudapi yogalo aro ikujo'mo anyunadopiyo. Nemi nellukweyago tonyu kwimo'noka tovino kevu kuudo nyallulo'gwonmwalpiyo. Aiyoga Moosesolluro togasuro yiuwi'nokai nemi nellukweyago ton Ijupda'ai bolokwino sumaveyokwe sulu'wo puruv su tonyu abu'duvolomallajukokwono. Gooti tool sulu'wo bu'duvoloma'duke su tovi'aro a'mwo abolo tonyu puuto tovi amollubworomokavlaiyajukekono. Toro mollubworomokovla'mno sumaiyokwe Soolwara Weyako tovi amoga'mokaulokaikono. Toro moga'mokaulno sumaiyokwe soolwara tovi igo'mgu sulomoga'movokaikono.

Hibruu 11:29

Aki aiyoga Isuraiyolda'ai a'mwo abolo ton Gooti toollu kuudo kuubweyajupogano. Toro kuubweyajupo tovino tov Soolwara Weyako tovi akuuto toru'aro aga'movopogano. Kwako yalukullo tomuu'aro kado pla'mdupudo to'busuko sumo'noka tovi nokwo aga'movopogano. Toro kuvi kuruv Ijupda'ai a'mwo tooro aval'no uumjunyo'mo sopo kworai kuruv wonyo tov yiuwi'nokai su toorai amomulengoukuurosokarogano.