Mollurolovomato 13:17 - Gooti Toolluro Yogalokwono

¹⁷ To'no'gwowi Ijupda'ai Feroo tool Isuraiyolda'ai tonyu irolowapino sumaiyokwe toga Gooti tool Isuraiyolda'ai tonyu Filistiyada'ai tooro mwalodupudo wobo puuto tomuu'aro nokwo amollubworomokavlawo'jujuko kwol kuruv aro kuudo saurokaikono. Wobo puuto su tovi pla'mdopure tonyu kemi ikomago pworo molo'mo nuuwipiyo. Molo kwipi to'gwowi Isuraiyolda'ai a'mwo abolo su ton kuudo pumgu'aro yauropi Ijup'no aikomgu plapinogano. Toro kuudo yau'no sumaiyokwe manyu puuto puvi'aro amollubworomokavlavokaikono.

Mollurolovomato 13:17 ပူးပေါင်းရင်းမြစ်များ

Mollurolovomato 14:10

Toro towai Ijupda'ai a'mwo aguto kig Feroo tooke'aro gami a'mwo mollurogudo toorogai'aro tooro wobo toru ai'movoporogano. Toro ki'mo'mdopure toorai Isuraiyolda'ai ton gunyubwosumdo yo'mno kwonopogano. Toro wonyuno sumaveyokwe luko bwotonyo yo'mno Gooti Yawellu deko aro kuudopogano. “Guu donekullo'mwojonoo.” Kuudopogano.

Kuurotokwe 15:38

Toro tooke mokavlaiyo'mo kwinoka kuvi kuruv Poololno'gwowi a'mwo su tooke mokavlaiyo'mo mwinokaikono. Poololluro toro kwinoka tov aro tovinokwono. Muudu'nodo toga yiuwi'nokai pworapwol su tooro proovins Pamfiliya toru kuuguudo sugudo tokwe amodomollajuporogano. Toro modomolluno sumaveyokwe womdo tov yere mimwogapiyodopure toga a'mwo su tool womdo tovi yuu'dapino sumaiyokwe Banabaseke Pooleke toorallu kuugollu'movokaikono.

Kuurotokwe 7:39

Toro kuvi kuruv nemi nellukweyago tooro kaduko mwiyajupekono. Toro toollu kisuvolo wiyo'mno kemoro poowokalago ton Ijup'no aikomgu plaiyo'mo to'no kwinyajuporogano.

Hibruu 11:27

Aki Moosesol Gooti toollu kuudo kuubweyajuko tovi'aro a'mwo aguto kig toolluro surodo wuunoduke tovino luko miyo'no kwako Ijupda'ai abuugollu'mokalokwokaikono. Toro tool Gooti mwiyalo'nyungiko kwollu kuruv gami sumdo tokwe me'no muugona'dowodo pwolbusuko abuugollu'mokalokwokaikono.