Mollurolovomato 12:3 - Gooti Toolluro Yogalokwono

³ Toro wuujuno sumaiyokwe aki kuudokaikono. “Yiuwi'nokai Isuraiyolda'ai a'mwo abolo tonyu aro duujulo. Lobako akalluro iruko atousal tollugwoji yiuwi'nokai a'mwo tooro kemi julkwolaiyo tonyuda'aiyo'mo sipsip bwoptorodeyo oo meme bwoptorodeyo go'no go'nodo toorai neya ajesupuro.

Mollurolovomato 12:3 ပူးပေါင်းရင်းမြစ်များ

Muuduko 22:8

Toro samuugojoka tovi Eburaiyamol kuudokaikono. “Mi kwolaiyoloo, Gooti gavnokwe tool sipsip nyuroudapiyo'mo toollu nonakullabwonekono.” Kuudokaikono. Toro yajunyuno sumaleyokwe avlavolonumdakono.

Muuduko 4:4

Aki Ebelol gami sipsip mulejai'nodupudo tooravuro sujuraiyo pwollu romino sumaiyokwe munollo sugudo ton dovomokabo'no Gooti Yawellu abuuwiyokaikono. Toro te Gooti Yawel Ebeleke'aro gamoro kwiyoka tokwe'aro tovalluno ilaiyo amollomarokaikono.

Mollurolovomato 12:2

“Lobako akal yiuwi'nokai kworomo toga kemi muudu'nodo ikullumo'numwalonekono.”

Mollurolovomato 12:21

Toruda'ai Moosesol Isuraiyol iko tovasuda'ai a'mwo aguto toorai doma'no sumaiyokwe kuudokaikono. “Kevuge avalo toorai aro duujulo. “Kevu pwolno pwolnodo toorekul kev tonumdotekullo'mo sipsip bwopto pwollu neya jenbworomallulo. Toro te muunyu toru'aro irukuruwoleyo'mo lubullu doto tovi yanyo'moneyokwe kevu senyubworomapi su tooro doromiyulo.

Mollurolovomato 12:4

Toro ajesupi su tool yiuwi'nokai a'mwo kwolabolo togai'aro kwolaiyo taiyo togai'aro ton yowa'no nupino sipsip bwopto pwollu neya ajesupuro. Toro kuvi kuruv a'mwo pwol gami julkwolaiyo togai ku'nono manopiyanonoldeyo ado'ji to'gwowi julkwolaiyo punumdoto wobo toru mwalodupudo togai nokwo i'bwo'nonomwallo'mo pwollu neya ajesupuro.

Mollurolovomato 12:6

Toro ajesupi su toorai mollomwalopi lobako akalluro iruko 14 tollugwoji sula'dugumdo toga yiuwi'nokai Isuraiyolda'ai ton sipsiporodeyo ajesupi su toorai neya aromipuro.

Mollurolovomato 14:15

Aki Gooti Yawel Moosesollu kuudokaikono. “Guu mi deko anyudadokuudo tov buro'nyo'mo'mdeyo? Guu Isuraiyolda'ai a'mwo abolo tonyu neya wanpureyokwe tovino duudono.

Mollurolovomato 20:19

Toro muugonoda'mdupu Moosesollu kuudopogano. “Nevu Gooti toolluro nekudodowo'jure tovi kuu'na'ji tovida'ai nobola'jo. Toro tovino tov yiuno judo tooku anekudubi to'gwowi nokwo guu'nanonogano.” Kuudopogano.

Mollurolovomato 4:30

Toro mollu'bworumwalluno sumaleyokwe Eroonol Gooti Yawelluro Moosesollu yiuwi'nokai kuuguudo kuudoka ton amoruudokaikono. Toro moruujuno sumaiyokwe a'mwo abolo tonyuro sumdo tovi duuwallo jurogudo togai'aro kuuduuwallokaikono.

Mollurolovomato 6:6

Toro tovino tov guu Isuraiyolda'ai a'mwo abolo tonyu aro neya duudono. “Nuu Gooti Yawel toonyugono. Toro toonyu Ijupda'ai tooro kemi womdo bwotonyo aikubweyadokwopo toorai kirumwallo'mo tov moro jurogudo kuunodo togai nomovagu'mwojumorogano. Yo'mi kemi kworavuro dolago tomuuda'ai bomollurolovekumokalokuumonyugono.

Pris Womdo 1:2

“Guu Isuraiyolda'ai a'mwo abolo tonyu duudono. “Kevu Gooti Yawellu wiyo'moneyokwe aro neya jogaulo. Kemida'ai a'mwo pwol Gooti Yawellu wiyo'moneyokwe gami sipsip meme buulmokau ki'duvolodowodo tooraida'ai pwollu neya mokabwonekono.

Joon 1:29

Iruko aikomguda'ai tollugwoji Jisasol abokaikono. Toro noboduke toollu Joonol wonyuno sumaiyokwe aro adokaikono. “Akaigwollu doonyuloo! Gooti toolluro sipsip muugunyo tookono. Kwako akavida'ai yiuwi'nokai a'mwo abolo tonolluro ma'no ma'nodo tonyu modukwopiyo'moneyokwe tookono.

Joon 1:36

Toro daino sumaveyokwe Joonol Jisasol kado uuwolo'mduke toollu wono'no aro adokaikono. “Doonyulo. Gooti toolluro sipsip muugunyo tool akaigwol kwekono.” Adokaikono.

Joon 12:1

Toro te Muunyu Toru'aro Surukuruwolovoka lubullu doto nobai'meyo'moneyokwe tov 6-pela iruko tobuul kuuno wo'duke toga Jisasol wagwolago Betani toru abai'movokaikono. Wagwolago su toru a'mwo Lasarosol mwalodowodorukono. Sumdomgu Lasarosol me'no aboloka kwollu kuruv Jisasol aiyo aiko te amodukavokarukono.

Joon 12:12

Iruko aikomguda'ai tollugwoji kwolallo bwotonyago ton lubullu doto yanyo'moneyokwe wagwolago Jeruusalem toru me'no abomwallajupo su ton aro kuu'nopogano. “Oo Jisasol wagwolago Jeruusalem akavi wobo toru me'no abai'mo'mokaikono.”

1 Koorin 5:7

Kevu yis maiyokwe flauwa aiyo to'busuko me'no imo'nodupudogaikikono. Toro togaikul yiuno sugudo to'no mujumovla'mwalpino'moneyokwe tov a'mwo pwol ma'no ma'no yodowo'jure toollu kevu yis uumdo tovi modukwopiyodupudo to'busuko kubalno neya domodovomjapiyogaulo. Toro toollu amodovomjapipi toga kevu bret yis maiyokwe aiyo to'busuko imo'nupinogaikikono. Kevu su toro me'no imo'nodupudo togaikulluno kuudo nyau'mwakono. Neya duu'nyulo. Krais tool nemoro aiko toru mallo'moneyokwe nemi sipsip muugunyo pwolbusuko nekullumo'nodowodekono. Aiyoga Gooti tool Muunyu Toru'aro Surukuruwolovoka lubullu doto tovi yanyo'mo sipsip muugunyo toorai aromiroudapiyajupo toorobusuko kubalno nekullumo'nodowodo toollu me'no aromiyosopekono.

Adodolukuu'nosungiko 13:8

Toro te yiuwi'nokai a'mwo abolo kwako akavi mwalodupudo ton ibesa'aiyo kaiya'no kuumwiyo su toollu sulomoropiyajupogano. Toro sulomoropiyajupo su ton aiyoga kwako akav yere mimo'nyoduke togada'ai kemino yovo ton Buukiyo Aiyo Yiunokuudo Mujomwekovlaiyo'moneyokwe tovi miyakwollungikogano. Buukiyo su tov Sipsip Muugunyo me'no aromiyosopo toollurokwono.