Mollurolovomato 12:16 - Gooti Toolluro Yogalokwono

¹⁶ Toro bilomodukwopiyopi iruko 7-pela su tobuullu lubullu doto yanmwalopinogaikikono. Toro kugaikul kuruv iruko su tobuulluro pullalno'gwowi mi ilomonuwopiyo'moneyokwe i'bwo'numwalpinogaikikono. Kevu iruko muudu'nodo tollugwogai'aro iruko aiyowo'mo 7 tollugwogai'aro tovalluno to'no i'bwo'numwalpinogaikikono. Iruko su tovallu toro i'bwo'nopi togaikul womdo pun miyopi yiuno wosamujuko tono'gwowi nokwo yovrowosumwalpinogaikikono. Toro togaikul iruko su tovallu i'bwo'nomwalopi mino ilomonuwopimwolapinogaikikono.

Mollurolovomato 12:16 ပူးပေါင်းရင်းမြစ်များ

Mollurolovomato 16:23

Toro abuudopo tovi Moosesol wuu'no'no kuudokaikono. “Gooti Yawel aro me'no anekudokaikono. “Bi'ai kevu iruko to'no mwalpinogaikikono. Iruko su tollugwo Sabatovollugwogano. Aki toro tollugwo yiuno Gooti Yawello'mo me'no ajesungikollugwogano. Toro tovino tov anuugwo kevu wosamujuko ton du'doto'mdeyo oo soospen doto'mdeyo iralopi anyo'ganpi ton bi'ai toga nonyo'moneyokwe nokwo wosupinogaikikono.” Toro anekudokaikono.”

Mollurolovomato 16:29

Nuu Gooti Yawel Sabat aikullabo toonyuno tov yiuwi'nokai iruko naba 6 tollugwoji wosamujuko ton iruko pullal nonomwallo'mo toru'aro ikullamwalmonyugono. Toro te iruko naba 7 tollugwojuno'gwowi kemi agwapto toru nokwo mwalopi pwolnodo kwol kuruv mabolokuumwalpinogaikikono. Kev togaikul nuu Sabat aikullabo toonyuno kuudo nyallulo'gwonpiyokweyo'mo su toro ikubwemwalmonyugono.” Gooti Yawel toro kuudokaikono.

Mollurolovomato 16:5

Toro te a'mwo abolo ton yiuwi'nokai iruko judo'no judo'nodo tollugwojuro nonyo'mo toru'aro to'no mollu'bworoma'mwalpinogano. Toro kun kuruv iruko naba 6 tollugwojuno'gwowi bret ton iruko pullal nokwo nonomwallo'mo toru'aro mollu'bworoma'mwalpinogano.” Gooti Yawel toro kuudokaikono.

Mollurolovomato 20:10

Toro kugaikul kuruv iruko naba 7 tollugwojuno'gwowi nuu kemi Gooti Yawel toonyuro iruko Sabat tollugwogano. Toro tollugwojuno tov iruko su toga kevu womdo puru'monodo kuruv mimwalpinogaikikono. Kevuge'aro kemi kwolaiyo taiyo togai'aro kemi ki'nato womdokwe togai'aro kemi noonyumwonyu wuulo ki'duvolodupudo toorogai'aro a'mwo abolo pumuuda'ai bomwallo togai'aro yiuwi'nokai togaikul iruko su tollugwoji womdo puru'monodo kuruv mimwalpinogaikikono.

Joon 19:31

Bi'ai iruko Sabat tollugwo yere mabai'mo'mdowo'jure toga Juu tooro noonyumwonyu ton yovrowosodupudogano. Toro yovrowoso'moneyokwe iruko su tollugwo abai'movokakwono. Toro te a'mwo bwiyo pworo i'noguropte tonyu kuuno noopiyokwe tovino Juu tooro Pailatollu aro samuugojoporogano. “A'mwo i'noguropte tovida'ai wo'dopure su tooro yere bolpino'moneyokwe kemoro suvlo tonyu neya arubuutopuro. Toro rubuutovopi me'no abolpi toorai i'noguropte tovida'ai nokwo mokwolabupinorodeyo?” Kuudoganoporogano.