Aki kemi yiuwi'nokai kwolaiyo muudoga tooro 8-pela iruko kuuwolo'nupi tooravuro lakulkulako ton neya dodovogaulo. Aki kemoro ki'nato womdokwe toorogai'aro ki'nato womdokwe tooravuro kwolaiyo muudoga toorogai'aro aki kemoro miyawosunodupudo pworo womdo yo'moneyokwe amubiyomapi toorogai'aro toorai kemoro lakulkulako ton neya dodovogaulo. Toro te moro subuu'yamju adaikullumo tovino duuwallo'moneyokwe kemi lakulkulako tonyu su toro dodo'nogaulo. Toro ado'nupi tovino aro kuudo yau'mwalpinorekikono. Oo nevu Gooti toolluro subuu'yamju adanekulloka toonoldeyo. Kuudo yau'mwalpinorekikono.
Mollurolovomato 12:13 - Gooti Toolluro Yogalokwono13 Aki kemoro ago aulomwalpi tonyuro anoullo tovida'ai mujako aluviyourosupi su ton mi nyuduuwallo'mokwono. Toro te nuu Ijupda'ai tonyu toro romiyoso'mi kwonyu kuruv mujako aluviyourosupi su tonyu kwonmi toga kemino'gwowi muunyu toru'aro irukuwolovo'mi tabunyuwuulo su tov kemi kaiyako miyaikullugolonokwono. အခန်းကိုကြည့်ပါ။ |
Mollurolovomato 12:13
10 ပူးပေါင်းရင်းမြစ်များ
Aki Ijupda'ai nobolokwiyo'mo togaikul muugupto ton kilanopi yasuwa'no manumwalpinono. Toro kugaikul kuruv aro neya yamul'mwonpinogaikikono. Kemi youro togai suulpweyo togai mollosopi aki yodeko togai'aro momjunaropi muugupto ton yere neya kilanpinogaikikono. Kevu su toro ailanpi togaikul aro kuudo yaupinogaikikono. Oo Gooti Yawel nemi muunyu toru'aro irukuruwolowono'mo tovino'mdeyo. Kuudo yaupinogaikikono.
Kemi ago tonyu toro kuulomwalodopure toga Gooti Yawel kwako Ijup tomuu aiyowomno yomollowo'ji Ijupda'ai kwolaiyo sujuraiyo toorai romiyonekono. Toro romiyowo'ji kwol kuruv mujako aluviyourosupi tonyuno'gwowi wonowo'ji kemoro kwolaiyo sujuraiyo toorai noularomiyo'jokweyo'mo ensel toollu nuumjukuronekono. Aki Gooti Yawel ago su tonyu muunyu toru'aro irukuruwolowonekono.
Aki puruv kemino aro yajunodupudogano. “Oo a'mwo abolo su ton Gooti toolluro Kwolaiyo tool gamoro ago muunyu kai'muuda'ai wolabwono toollu wonyo'mo sogwollo kinodupudodeyo.” Su toro yajunodupudogano. Gooti toolluro Kwolaiyo su tool sumdomgu aboloka kwollu kuruv Gooti tool aiyo aiko te me'no amodukavokaikono. Su tool Jisasol kwekono. Toro tool Gooti toolluro suroulo wuunodowodo tov lukomgu nobai'mowono tovida'ai nemi bomollurolovonekumokalokwodowodekono.
Aki Moosesol Gooti toollu kuudo kuubweyajuko tovi'aro Muunyu Toru'aro Surukuruwolovoka tovino lubullu doto muudu'nodo tov amolludovokaikono. Toro molludo'no sumaiyokwe Isuraiyolda'ai a'mwo tooro sipsip mujako tokwe kemi anoullo tonyuda'ai imgu amgu a'mworainyuko tonyu neya luviyourosupino'moneyokwe aduuwiyokaikono. Su toro aduuwiyoka tov aro tovinokwono. Gooti toolluro noromiyebuuropiyo'moneyokwe ensel tool kemi kwolaiyo sujuraiyo tobuurai noromiyoso'jokwe tovinokwono.
Toro kuvi kuruv Gooti bako tomuu mwalodowodo toolbusuko kubalno ne kunol kuruv bako tovi anakuuto tomuu'aro neya yomjomwekovla'mwalanonogano. Nevu su toro amjomwekovlawa'ji tov Gooti toolluro a'mwo abolo togai nokwo ibwoto'nomwalmwalanonogano. Aki Gooti toolluro Kwolaiyo Jisasolluro mujako tov nemoro yiuwi'nokai ma'no ma'nodo tonyu mollol'movanekudukwopiyokweyokwono.
ကြော်ငြာတွေ