Mollurolovomato 12:11 - Gooti Toolluro Yogalokwono

¹¹ Aki Ijupda'ai nobolokwiyo'mo togaikul muugupto ton kilanopi yasuwa'no manumwalpinono. Toro kugaikul kuruv aro neya yamul'mwonpinogaikikono. Kemi youro togai suulpweyo togai mollosopi aki yodeko togai'aro momjunaropi muugupto ton yere neya kilanpinogaikikono. Kevu su toro ailanpi togaikul aro kuudo yaupinogaikikono. Oo Gooti Yawel nemi muunyu toru'aro irukuruwolowono'mo tovino'mdeyo. Kuudo yaupinogaikikono.

Mollurolovomato 12:11 ပူးပေါင်းရင်းမြစ်များ

Mollurolovomato 12:13

Aki kemoro ago aulomwalpi tonyuro anoullo tovida'ai mujako aluviyourosupi su ton mi nyuduuwallo'mokwono. Toro te nuu Ijupda'ai tonyu toro romiyoso'mi kwonyu kuruv mujako aluviyourosupi su tonyu kwonmi toga kemino'gwowi muunyu toru'aro irukuwolovo'mi tabunyuwuulo su tov kemi kaiyako miyaikullugolonokwono.

Mollurolovomato 12:21

Toruda'ai Moosesol Isuraiyol iko tovasuda'ai a'mwo aguto toorai doma'no sumaiyokwe kuudokaikono. “Kevuge avalo toorai aro duujulo. “Kevu pwolno pwolnodo toorekul kev tonumdotekullo'mo sipsip bwopto pwollu neya jenbworomallulo. Toro te muunyu toru'aro irukuruwoleyo'mo lubullu doto tovi yanyo'moneyokwe kevu senyubworomapi su tooro doromiyulo.

Mollurolovomato 12:27

aro wuudupinogaikikono. “Nevu Gooti Yawellu ilomoropiyo'moneyokwe kwiroudapimwakuuwono. Aro tovinokwono. Aiyoga Gooti Yawel Ijupda'ai tonyuro kwolaiyo sujuraiyo toorai aromiyoka toga nemino'gwowi manekuromiyo'no nemoro ago tonyu muunyu toru'aro surukuruwolovoka tovinokwono.” Wuudupinogaikikono.” Duujulo.” Moosesol Kuudokaikono. Toro kuudoka tovi Isuraiyolda'ai a'mwo abolo ton wuu'nyuno sumaveyokwe kwako tovi wolomuulo'naro'mno Gooti Yawelluno sulomoropiyapogano.

Mollurolovomato 12:43

To'no'gwowi Gooti Yawel Mooseseke Erooneke todorallu aro kuudokaikono. “Gooti Yawel muunyu toru'aro surukuruwolovoka lubullu doto tovi sanupi toga aro jogaulo. A'mwo abolo gabovo pumuuda'ai ton kevu Isuraiyol togaikulluro lubullu doto su tovida'ai wosamujuko tonyu manupinogano.

Luuk 12:35

Aki Jisasol aro kuudokaikono. “Kevu womdo yo'moneyokwe youro ton mollosopi kemi gworeko luudapiyodupudo togai neya jovraimwonyogaulo. Toro yovraimwonyopi sogwollo to'no denomwalogaulo.

Luuk 15:22

Toro kuudoka kuvi kuruv gami ganumiyago tool gamoro womdokwe toorai kuudokaikono. “Kevu youro kumi'yago sugumaluko kuunodo puul yere mokabopi moro kwolaiyo akallu bomollubweyulo. Yopi gamoro pollo tovi yeso'moneyokwe rig tokwe'aro suulpweyo tokwe'aro yere mokabopi bomollubweyulo.

Luuk 2:41

Aki Jisasolluro ganum kwolabolo teyaul yiuwi'nokai kworomo toga Muunyu Toru'aro Surukuruwolovoka lubullu doto tovi yanyo'moneyokwe tov Jeruusalem'no avlaiyajuleyaukono.

Luuk 7:38

Toro mokabino sumaiyokwe Jisasollu buulo tomuu gamoro suvlo dolago toru boda'mno sumaiyokwe kumdo ajajukokwono. Abolo su tovuro kumdaluko tov Jisasolluro suvlo tovi abwolubweyajukokwono. Toro bwolubweyoduke toga gavnokwe tobuulluro midoto tokwe malluno sumaiyokwe Jisasolluro suvlo tovida'ai kumdaluko su tovi yaluko amollelowopiyokakwono. Aki toro tov Jisasolluro suvlo tovallu molluduuduulo wiyo'no wobeya sudo kuunyokwe munollo tov aimovobweyokakwono.

1 Koorin 5:7

Kevu yis maiyokwe flauwa aiyo to'busuko me'no imo'nodupudogaikikono. Toro togaikul yiuno sugudo to'no mujumovla'mwalpino'moneyokwe tov a'mwo pwol ma'no ma'no yodowo'jure toollu kevu yis uumdo tovi modukwopiyodupudo to'busuko kubalno neya domodovomjapiyogaulo. Toro toollu amodovomjapipi toga kevu bret yis maiyokwe aiyo to'busuko imo'nupinogaikikono. Kevu su toro me'no imo'nodupudo togaikulluno kuudo nyau'mwakono. Neya duu'nyulo. Krais tool nemoro aiko toru mallo'moneyokwe nemi sipsip muugunyo pwolbusuko nekullumo'nodowodekono. Aiyoga Gooti tool Muunyu Toru'aro Surukuruwolovoka lubullu doto tovi yanyo'mo sipsip muugunyo toorai aromiroudapiyajupo toorobusuko kubalno nekullumo'nodowodo toollu me'no aromiyosopekono.

Efesos 6:15

Aki a'mwo mollurogudo tooravuro suulpweyo mollosodupudo to'busuko kubalno kevu kuuguudo sugudo tokwe moruujo'moneyokwe neya yovrowosunopi domwalogaulo. Kuuguudo nomoruujo'mo su tov arokwono. Yiuwi'nokai a'mwo abolo kuuguudo sugudo tovi'aro abupi tono Gooti tooke sumwoluko aval'no nokwo wosunpinogano.

1 Pita 1:13

Toro tovino tov kevnokweyogaikulluro kuudo tonyu neya jovraimwonyogaulo. Aki kevnokweyogaikulluro pasudo kunyu kuruv pi'mwono neya domollomwalnogaulo. Toro togaikul Jisas Kraisolluro kuu'maiyo biyalo'nono toga Gooti toolluro yasuwa'wino sugumaluko tov nekubweyonogaikikono. Gooti toolluro yasuwa'wino sugumaluko ikubweyono su tovino kemoro yiuwi'nokai kuullutago tokwe po'dogalo gudupolaropi sogwollo to'no denomwalogaulo.