Mollurolovomato 11:3 - Gooti Toolluro Yogalokwono3 Toro kuudoka toga Gooti Yawelluro yoduke tovida'ai Ijupda'ai a'mwo abolo ton Isuraiyolda'ai tonyuno ilaiyo to'no amollajupogano. Aki kwako Ijup toru Feroo toolluro a'mwo womdo tovi mollomwalokwe toorogai'aro a'mwo abolo togai'aro ton Moosesolluno tov, Oo a'mwo aguto kuunodo pwoldeyo, kuudo saullajupekono. အခန်းကိုကြည့်ပါ။ |
Joosepol wuulo killo'mo ago tovi toro kuule'na'duke kwollu kuruv Gooti Yawel kweke mwalodowo kalo buuropino kwinyajukekono. Toro winoduke tovida'ai Joosepol ilaiyo to'no amjumovlaiyajukekono. Toro mujumovla'mduke toollu wuulo killo'mo ago tovida'ai a'mwo mollomwalokwe tool wono'no Joosepolluno ilaiyo kwinokaikono.
Toro tooku yiuwi'nokai yomollodore tomuu nuu kwonyuge yomollodowolokwono. Toro yomollodowolo toga gumi ikomago toorai nuu kaiyako mollugolamo'mdumdonyugono. Toro toonyu aga gumi yovo agutokwe imo'nyo'mo gubwemekugono. Kwako akavida'ai mwalodupudo a'mwo aguto yovokwe pworaino dodupudo to'busuko kubalno gumino aval'no gudupinekugono.
Toro te Gooti Yawelluro yoduke tovida'ai Ijupda'ai tonyuro sumdo tovi Isuraiyolda'ai ton yovo agutokwe kwimo'nopogano. Toro tovino tov, “Noonyumwonyu pun donekullabilo,” kuudoganopo toga Ijupda'ai ton nokwo wino sopogano. Toro te Isuraiyolda'ai ton Ijupda'ai tonyuro kuto ivito ton su toro tomgu'aro ajupolomokavlavopogano.
Toro te kevu neya duu'nyulo. Nuu Satanyolluro mollu'bwoto tonyu molleroudapiyodo'mure tovida'ai a'mwo abolo su ton kev togaikulluro suvlo dolago tomuu nobomuulo'napinogano. A'mwo abolo su ton kuunano aro dodupudogano. “Oo nevu Juu kuunodonogano.” Su toro dodupudo kuvi kuruv a'mwo abolo su ton Juu kuunodonmaiyo. Su toro ton kemoro suvlo dolago tomuu bomuulo'naropi aro tovi noonomapinogano. Nuu toonyu kevu togaikulluno'gwowi kalo buuropino nyunodowodonyugono. Su toro tovino noonomapinogano.