Mollurolovomato 11:3 - Gooti Toolluro Yogalokwono

³ Toro kuudoka toga Gooti Yawelluro yoduke tovida'ai Ijupda'ai a'mwo abolo ton Isuraiyolda'ai tonyuno ilaiyo to'no amollajupogano. Aki kwako Ijup toru Feroo toolluro a'mwo womdo tovi mollomwalokwe toorogai'aro a'mwo abolo togai'aro ton Moosesolluno tov, Oo a'mwo aguto kuunodo pwoldeyo, kuudo saullajupekono.

Mollurolovomato 11:3 ပူးပေါင်းရင်းမြစ်များ

Muuduko 12:2

Toro plavo'bi toga gumoro jukweyago kwolaiyo tooro bwotonyago yawosunopi kantri aguto kuunodo puruv imo'nosupinorogano. Aki nuu gumi'aro a'mwo abolo punyu sugudo uubweyo'moneyokwe tov gumi sugudo pun nogubwemekugono. Aki guu a'mwo aguto yovokwe imo'nyo'mo gubwemekugono.

Muuduko 39:21

Joosepol wuulo killo'mo ago tovi toro kuule'na'duke kwollu kuruv Gooti Yawel kweke mwalodowo kalo buuropino kwinyajukekono. Toro winoduke tovida'ai Joosepol ilaiyo to'no amjumovlaiyajukekono. Toro mujumovla'mduke toollu wuulo killo'mo ago tovida'ai a'mwo mollomwalokwe tool wono'no Joosepolluno ilaiyo kwinokaikono.

2 Samwel 7:9

Toro tooku yiuwi'nokai yomollodore tomuu nuu kwonyuge yomollodowolokwono. Toro yomollodowolo toga gumi ikomago toorai nuu kaiyako mollugolamo'mdumdonyugono. Toro toonyu aga gumi yovo agutokwe imo'nyo'mo gubwemekugono. Kwako akavida'ai mwalodupudo a'mwo aguto yovokwe pworaino dodupudo to'busuko kubalno gumino aval'no gudupinekugono.

Mollurolovomato 12:35

Aki Isuraiyolda'ai a'mwo abolo ton novlaiyo'mo toga Moosesolluro me'no kuudoka kuvinono Ijupda'ai tonyuro gool togai silva togai youro togai anekullabupureyokweyo'mo kuudoganopogano.

Mollurolovomato 12:36

Toro te Gooti Yawelluro yoduke tovida'ai Ijupda'ai tonyuro sumdo tovi Isuraiyolda'ai ton yovo agutokwe kwimo'nopogano. Toro tovino tov, “Noonyumwonyu pun donekullabilo,” kuudoganopo toga Ijupda'ai ton nokwo wino sopogano. Toro te Isuraiyolda'ai ton Ijupda'ai tonyuro kuto ivito ton su toro tomgu'aro ajupolomokavlavopogano.

Mollurolovomato 3:21

Aki kevu kwako Ijupda'ai bolokuupino su toga yasuwa'no muugollu'mopinogaikikono. Numoro aikullo'mwojumi tovida'ai Ijupda'ai a'mwo abolo ton kemi kwako tomuu'aro ikullupinogano. Aki su toro tonyuro kuto ivito aikullabupi togai kevu nomokavlapinogaikikono.

Kuurotokwe 7:22

Toro mollumwojoduke toollu yiuwi'nokai Ijupda'ai a'mwo pi'mwo kuudokwe tooro bodupu kuuguudo sodubwasajuporogano. Toro yodubwasodopure tovi Moosesol wuu'nodowo yogalo pi'mwono jokwe sumo'nyajukekono. Aki toro tool womdo judo'no judo'nodo ton yo'mo jurogudokwe sumo'nyajukekono.

Adodolukuu'nosungiko 3:9

Toro te kevu neya duu'nyulo. Nuu Satanyolluro mollu'bwoto tonyu molleroudapiyodo'mure tovida'ai a'mwo abolo su ton kev togaikulluro suvlo dolago tomuu nobomuulo'napinogano. A'mwo abolo su ton kuunano aro dodupudogano. “Oo nevu Juu kuunodonogano.” Su toro dodupudo kuvi kuruv a'mwo abolo su ton Juu kuunodonmaiyo. Su toro ton kemoro suvlo dolago tomuu bomuulo'naropi aro tovi noonomapinogano. Nuu toonyu kevu togaikulluno'gwowi kalo buuropino nyunodowodonyugono. Su toro tovino noonomapinogano.