Mollurolovomato 1:11 - Gooti Toolluro Yogalokwono

¹¹ Toro te Ijupda'ai tooro Isuraiyolda'ai tonyu womdo guureji dumuurolo'mwalpino'moneyokwe a'mwo mido mollomwalokwe pworai ajesoporogano. A'mwo su tooro Isuraiyolda'ai tonyu jul'nyo bwotonyo uubweyo'moneyokwe womdo bwotonyago ton soullubweyajuporogano. Toro te Isuraiyolda'ai tobuuro wagwolago bwotonyo puruval amodubweyopogano. Wagwolago su toval Feroo toolluro kuto ivito ton i'bworoso'moneyokweyovakono. Aki wagwolago su tovalluno yovo tov Pitoomke Rameseseke tovakono.

Mollurolovomato 1:11 ပူးပေါင်းရင်းမြစ်များ

Muuduko 15:13

Toro yoduke toga Gooti Yawel Eburamollu aro kuudokaikono. “Moro yogalo agudumi akav guu neya youroma'bino'mokwono. Toro te guu po'dogalo duu'nono. Gumoro jukweyago kwoloraiyo ton a'mwo pumuuda'ai tooravuro kwako tomuu bomwallo to'no mujomwekuupinogano. Toro tobuuro ki'nato womdo wimwalpinobuurogano. Toro tobuuro ki'na'no ki'na'no yopi 400 kworomo tobuul uuwolo'nonobuurogano.

Mollurolovomato 1:14

Toro dumuurolo'mdopure toga Isuraiyolda'ai ton womdo go'no go'nodo tonyu sajupogano. A'mwo abolo su tonyuro pun kunaikwako tovida'ai ago mojo'mo simen to'busuko tonyu sakwollajupogano. Aki pun ago ton amojajupogano. Aki pun wosamuju'womdo tonyu sajupogano. Isuraiyolda'ai tobuuro womdo su tonyu ino ino yodupu kemoro nomwallo tov kaiya'no bwotonyo somjomwekovlaiyajupogano.

Mollurolovomato 2:11

Lukomgu Moosesol mwalno mwalno sumaiyokwe a'mwono sumo'nokaikono. Toro tool iruko pullugwoji gavuge avalo tooraiyomno avlavokaikono. Plaino sumaiyokwe gavuge avalo tobuuro Ijupda'ai Feroo toolluro womdo bwotonyo tonyu yodopure tobuurai kwonokaikono. Toro wonoduke toga Ijupda'ai a'mwo pwol Moosesolluro avalo Hibruuda'ai a'mwo pwollu iwago romiyoduke kwonokaikono.

Mollurolovomato 3:7

Toro yobwoto'na'duke toollu Gooti Yawel aro kuudokaikono. “Ijupda'ai tooro moro a'mwo abolo tonyu kaiya'no bwotonyo igolodupudo tonyu me'no wonodumdonyugono. A'mwo abolo su tobuuro aro nyudodupudogano. “Ijupda'ai a'mwo tooro kemoro ki'nato womdo tovi wiyo'moneyokwe guureji kironekumwallodupudorogano. Toro tooravuro dolago tomuuda'ai guu neya bomollurolovonekumokalokwono.” Toro nyudodupudo tovi me'no wuu'nodumdogano. Aki toro tobuuravuro jul'nyo ma'dupudo tonyuno me'no youroma'dumdonyugono.

Mollurolovomato 5:10

Feroo tool toro wuujuno sumaiyokwe ki'nato womdo tovi mollomwalokwe Ijupda'ai toorogai'aro Isuraiyolda'ai kworogai'aro tooro lokabino sumaveyokwe Isuraiyolda'ai ki'nato womdo yodupudo tobuurai aro abiluudoporogano. “Feroo tool aro aikudadopiyo. “Gwo'gwopto yalukullo ton nuu maikullamwalmonyugono.

Mollurolovomato 5:15

Toro wuudoganodopure tovino tov Isuraiyolda'ai a'mwo mido mollomwalokwe tekwojo Feroo toollomno kuulno sumaveyokwe aro auluudoporogano. “Guu gumoro womdokwe tekwojonollu ilaiyo mamonekullodumdo tov buro'nyo kavlo tovino'mdeyo?

Mollurolovomato 5:8

Toro yokwollumovlavopi toga pwekwono nyakwollumwalpiyo. Sumdomguda'ai simen to'busuko tonyu sakwollajupo tobuulbusuko kubalno aga kuga kuruv aval'nodo tobuul neya yokwollumovla'mwalpinogano. Isuraiyolda'ai su ton burawo'mo yodupudogano. Toro tovino tov aro anyudumwakopogano. “Nemi Gooti toollu wiroudapiyo'mo pla'mdowa'jure tonollu guu nekwonyapino neya jono.”