Matyuu 9:26 - Gooti Toolluro Yogalokwono

²⁶ Jisasolluro soka su tovino kuuguudo tov distrik su tovi yiuwi'nokai tomuu abomomjodumoulapogano.

Matyuu 9:26 ပူးပေါင်းရင်းမြစ်များ

Matyuu 4:24

Toro ikuloduke toolluno ilomodomoropiyo'moneyokwe kuuguudo tov yiuwi'nokai kwako Siriya tomuu abomje'nugoulokakwono. Kuuguudo abomje'nugouloka su tovi a'mwo abolo ton wuu'nyuno sumaveyokwe kemi yiuwi'nokai judo'no judo'no nobollokwe tobuurai Jisasol ikulono'moneyokwe amokabopogano. Su toro amokabopo tobuuravuro pun danyu'nyuwuulo subwosunyajupogano. Aki pun kuullo ma'no ma'nodo tooro aulomwallajupogano. Aki pun gulludubolo sajupogano. Aki pun suvlato nomuullugollokwe sumo'nyajupogano. Yiuwi'nokai judo'no judo'no nobollokwe amokabiyajupo su tonyu Jisasol sukullajukekono.

Matyuu 9:31

Toro aduuwiyoka kuvi kuruv a'mwo su tooral plaino sumaleyokwe distrik su tovuro yiuwi'nokai tomuu Jisasolluno yogalo tov abomomjodumoullajulorakono.

Kuuguudo Sugudo akav Makolluro sakwollokakwono Mak 1:28

Jisasolluro soka su tovino yiuwi'nokai proovins Galilida'ai tooro abiyojungoulapokwono.

Kuuguudo Sugudo akav Makolluro sakwollokakwono Mak 1:45

Toro amodapiyoka kwol kuruv kuu'maiyo toru'no amoruudomollokaikono. Toro amoruudomolloka tovino tov Jisasol wagwolago puru'no kuullo'mo tool sugwonyu toru'no ku'nono maullajukekono. Toro kwol kuruv a'mwo tooro mamwalodopure tomuuno'gwowi amwallajukekono. Toro mwaloduke toollomno yiuwi'nokai tomuuda'ai tooro bodupu abuuru'mallajupekono.

Kuuguudo Sugudo akav Makolluro sakwollokakwono Mak 6:14

Toruda'ai Jisasolluno yovo tov yiuwi'nokai tomuu abomjodumoulapokwono. Toro bomjodumoulodopure tovi a'mwo aguto kig Heroot kwol kuruv kuu'nokaikono. Toro tool aro tovi kuu'nokaikono. “Wonyo galuvollokwe Joonol kwekono. Me'no aboloka kwol kuruv adukavokaikono. Toro toolluno tov yiuwi'nokai duuwallo jurogudo ton yodowodekono.”

Luuk 4:14

Toruda'ai Jisasol Gooti Toolluro Kuullo toolluro jurogudo uubweyoduke tokwe Galili tomuuno aikomgu avlavokaikono. Toro toolluno kuuguudo tov yiuwi'nokai su towaida'ai a'mwo abolo ton adolomo'naropogano.

Luuk 4:37

Jisasolluro toro soka su tovino kuuguudo tov distrik su tovida'ai yiuwi'nokai ajumiyo tonyu abomje'nugoulokakwono.

Luuk 5:15

Toro kuvi kuruv Jisasolluno kuuguudo to'gwowi yiuwi'nokai tomuu me'no abomje'nugoulokakwono. Toro bomje'nugouloduke tovida'ai a'mwo abolo kwolallo bwotonyago ton gamoro yogalo tovi wuu'nyo'moneyokwe abi'bwo'nyajopogano. Aki kwolallo su tonyuro nobollokwe tonyu Jisasol ikulono'moneyokwe abomollubwo'nyajupogano.

Luuk 7:17

Aki Jisasolluro soka su tovino kuuguudo tov yiuwi'nokai kwako Juudiya tomge'aro aki yiuwi'nokai kwako aiyowomno mwodovoma'dupudo tomge'aro tomuu abomje'nugoulokakwono.

Kuurotokwe 26:26

Aki moro yiuwi'nokai adadokwo akan yiulo tomuu mimo'nyajupogano. Toro kuvi kuruv yiuno kuu'maiyo toru'no sumo'nyajupogano. Yiuwi'nokai nyumo'nugelabodopure tonyu a'mwo aguto kig Agripa'wol me'no kuu'nugelabiyajukekono. Toro tool moro yiuwi'nokai adadokwo akanyuno me'no youroma'dowodekono. Toro toolluno tov nuu guureji moruujo'mo tovino luko miyadokwono.” Kuudokaikono.