Matyuu 6:6 - Gooti Toolluro Yogalokwono6 Toro kuvi kuruv guu tookuno'gwowi subusu'nyogalo jo'mo toga gumi ago tovida'ai adovarojungiko puvi kuula'bi kudo'aiko tov neya domallukurono. Me'no amalluku'bi toga gumi Junumiyago yiulo tomuu wonodowodo toollu subusu'nyogalo neya duudono. Yiulo tomuu wonodowodo su tool gumi gwonowo'ji gumoro pasudo su tovuro mubiyo sugudo pun nobiyagubweyonekono. အခန်းကိုကြည့်ပါ။ |
Matyuu 6:6
17 ပူးပေါင်းရင်းမြစ်များ
Su tov aro tovinokwono. Guvu wosamujuko tonyuno kumako amwalbi su tov a'mwo abolo pun gwonpino'moneyokweyo'maiyo. Toro kuvi kuruv gumi Junumiyago yiulo tomuu mwalodowodo tool gwonyo'moneyokweyokwono. Guu su toro subi tov gumi Junumiyago yiulo tomuu wonodowodo su tool gumi gwonowo'ji gumoro pasudo su tovino mubiyo sugudo pun nobiyagubweyonekono.
Su tov aro tovinokwono. Kevu a'mwo abolo supto yodopure tobuurai noonyumwonyu togai wiyo'mwojo'mo togaikul yiulo tomuu neya duuwiyo'mwojogaulo. Kevu yiulo tomuu su toro kwiyo'mwojupi tov kemi Tellunumiyago yiuwi'nokai yiulo kumuu muugona'dowodo tool ikwonowo'ji kemoro pasudo su tovino mubiyo sugudo pun nobiyaikubweyonekono.
Toro doduke tovi Natanyol Jisasollu aro kuudoganokaikono. “Guu mino kuudo sanuu'mwakudo su tov adadomgu'aro jukiyouronuma'mwakuno?” Toro kuudoganoka tovi Jisasol kuudokaikono. “Filipol yere mabodoguma'duke toga guu iko fik pwollu dolago tomuu kuuno mwalodore tookuji nuu me'no agwonmekugono.” Kuudokaikono.
Toro wuujuno sumaiyokwe Jisasol kuudokaikono. “Guu gumi ato tokwe mi manubogai'nubiyo. Su tov aro tovinokwono. Nuu mi Nyunumiyago toollomno yere milmwola tovinokwono. Toro kuvi kuruv moro nyugwai'yagoruvobusuko nyumo'nodupudo tooraiyomno guvu plavo'bi mino aro duudono. “Nuu mi Nyunumiyago toollomno nyulamonyugono. Su tool kev kworekulluro Tellunumiyagekono. Aki nuu mi Gooti toollomno nyulamonyugono. Su tool kev kworekulluro Gooti tookono. Toro toollomno nyulamonyugono.” Duudono.” Kuudokaikono.
Pital toro kuudoganoka tovi Kooniliyosol aro kuudokaikono. “Nuu iruko allal allal me'no avla'mwa'juko togasuro sulato 3-kilook toga mi ago tovi subusu'nyogalo kuulodomwalodore toonyu a'mwo pwol yere abiyanyulo'numwa'jukonyugono. A'mwo abiyanyulo'numwa'juko su toolluro youro tov bako bwotonyo pwopiyo'no moro sumdollu toru aboda'mwa'jukekono.
Kooniliyosolluro a'mwo pworapwol amodapiyoka su tooro plaino plaino sumaveyokwe puuto tomuu kworoporogano. Toro wolluno sumaveyokwe iruko aikomguda'ai tollugwoji puuto tomuu kuuno plavo'mno kuujunapto toga Pital wagwolago kuulomwaloduke tovi wobo tomuu ai'movoporogano. Wagwolago su tovino yovo tov Joopavorukono. Toro ki'mo'mdopure toga Pital subusu'nyogalo jo'moneyokwe ago aulomwallajuko tovi bolokwo'no ajulmdo tovi muunyu tomuu sulokaikono. Su tomuu nyulomwallo'moneyokwe worato sokwollosungikorukono. Toro tomuuno ilno sumaiyokwe subusu'nyogalo sulodomwallajukekono.
Toro wuuduuwalluno sumaveyokwe Pital abolo kanyu su tonyu kwa'mgu tomuuno abilomodopiyokaikono. Toro bilomodopino sumaiyokwe suduko inuguto'no'no subusu'nyogalo adokaikono. Subusu'nyogalo toro juno sumaiyokwe abebwiyo wo'duke toviyomno yadu'mwonyo'no sumdo amuugonarokaikono. Toro yomuugona'no sumaiyokwe aro kuudokaikono. “Tabitavoo, guu dukavo'bi julodavono.” Kuudokaikono. Toro kuudoka tovi abolo su tov sumdo kino'no Pitallu yomuugona'no sumaiyokwe adukovomwalokakwono.
Kevu kuudo neya jaullulo. A'mwo abolo pun kemi kwako akavida'ai kuudo kuuluuwo'dupudo toorai dolago tomuu mwalodupudo ton kevnokweravuro kwako akavida'ai kuudo tooraino to'no kirounomollodupudogano. Toro kuvi kuruv a'mwo abolo pun Gooti toolluro Kuullo toollu dolago tomuu mwalodupudo tono'gwowi gamoro mollubworomokavla'mdowo'jure tovi buumjungoulodapudogano.
ကြော်ငြာတွေ