Matyuu 6:22 - Gooti Toolluro Yogalokwono

²² Gumoro sumdo toval gumi kulako tovuro gworeko to'busuko gujumo'nodubulovakono. Toro te gumoro sumdo su toval pasudo ilaiyo tollovaino to'no ainamjubullu tov gumoro yiuwi'nokai kulako tovi anakuuto tomuu bako tokwe aiyowomno kuullo'movaguwopimwalonokwono.

Matyuu 6:22 ပူးပေါင်းရင်းမြစ်များ

Matyuu 5:15

Aki a'mwo pwol gworeko amuugutowo'ji toga nobu'duvoloso'moneyokwe puvi dolago tomuu maluudapiyonekono. Toro kuvi kuruv gworeko me'no amuugutowo'ji toga nuudapiyo'moneyokwe tovi muunyu toru luudapiyonekono. Toro aluudapiyo'ji toga bako pwopiyodowo'jure tovida'ai yiuwi'nokai a'mwo abolo ago anakuuto tomuu aulomwalpi su ton sumdo nokwo wonpinogano.

Kuurotokwe 2:46

Toro yodupu yiuwi'nokai iruko toga Gooti toollu ilomoropiyo'moneyokwe ago tovuro agwapto toru'no kuulodapu aullu'bwo'nyajupogano. Aki toro ton kemi ago go'no go'nodo tonyu i'bwo'nodupu wosamujuko ton anomwallajupogano. Toro sajupo su ton kemoro poowokalago togai yanyagokwe sumo'nyajupogano. Toro imo'nodupu

2 Koorin 11:3

Toro kuvi kuruv nuu aro tovino luko yodumdonyugono. Aiyoga gabakuto tool gami pi'mwo kuudo tokwe Iviyovi soukuu'nuudoka to'busuko kubalno a'mwo pwol kemi nyoukuu'naikudo'jo. Aki kemoro kuudo jurogudo tovida'ai yiuno Krais toolluno to'no guureji uumjunodupudogaikikono. Toro togaikulluro kuudo jurogudo tovi a'mwo pwol Krais toolluda'ai manyu tomuu'aro nome'nekumovlawo'jokwe tovino nuu luko yodumdonyugono.

Efesos 6:5

Aki kevu ki'nato womdo yodupudo togaikul kemi mido mollekumwalokwe tooraino luko neya jogaulo. Yopi kemi mido mollekumwalokwe su toorai kemi poowokalago kuunodo tokwe dolago tomuu mwalopi yiuwi'nokai toga kaduko neya duuwimovlavogaulo. Kevu Krais toollu kaduko wiyodupudo to'busuko kubalno kemi kwako akavida'ai mido mollekumwalokwe kworai kuruv kaduko duuwimovlavogaulo.

Kooloosi 3:22

Kevu a'mwo abolo ki'nato womdokwe togaikul kemi kwako akavida'ai mido mollomwalokwe tooravuro yiuwi'nokai ikudodopure tonyu neya duumjungovlavogaulo. Kevu kwako akavida'ai a'mwo su toorai ilaiyo igollo'moneyokwe a'mwo su tooro yiuno kemi muugonaikwo'dopure toga'no nuumjunmwalpiyo. Toro kugaikul kuruv yiuwi'nokai toga Aguto toollu dolago tomuu mwalopi kemi poowokalago kuunodo togai womdo tov pi'mwono jogaulo.