Matyuu 5:39 - Gooti Toolluro Yogalokwono

³⁹ Toro kuvi kuruv nuvno'gwowi aro ikudumo'mokwono. A'mwo pwol ma'no ma'no so'ji toollu guu a'mwo su toollu kaiyako migolbinono. Toro kweku kuruv a'mwo pwol gumoro anato tomguda'ai suuwado tovi alpuurogumollo'ji tov a'mwo su tool gumoro kwonamomguda'ai suuwado tovi alpuuronumolloneyokwe guu neya domorubweyono.

Matyuu 5:39 ပူးပေါင်းရင်းမြစ်များ

Aisaiya 50:6

A'mwo tooro moro buulo tovi galogunyukuuronumollodopure toorai nokwo wonyapino sumonyugono. Aki toro tooro moro mollato tonyu galobuujonuma'dopure toorai nokwo wonyapino sumonyugono. Toro yodore tekwonyu burolyogalo anyudumaporogano. Aki moro sumdomago tovi ibupto nupu'dopure toorai yiulo miyopuurosumonyugono. Toro kwonyu kuruv nokwo amorubwenumonyugono.

Matyuu 5:40

Aki a'mwo pwol gumoro youro tovi ipologumallo'moneyokwe kooti yogalo adagujo'ji tov guu wonyapino to'no yo'bi gumoro nobwaiyo kurukwe'aro a'mwo su toollu neya duuwiyono.

Luuk 22:64

Toro romino sumaveyokwe Jisasolluro sumdo tovi galobu'duvolomworaro'mno aro kuudoporogano. “Guu proofet pwekuno'juki donekudono. Ala'mwol dukoguromiyadopiyo?” Toro wuudo'mno iwago adaromiyoporogano.

Luuk 6:7

Toro kuulomwaloduke toga loowo tovino pi'mwo kuudokwe pworogai'aro Farasi pworogai'aro tooro Jisasollu kooti yogalo mojokuu'noso'mo winodupudo tooro aro kuudo souromuugonallajuporogano. Jisasol iruko Sabat akallugwoji a'mwo su toollu nyukulonoldukono oo mikulonoldukono? Kuudo souromuugonallajuporogano.

Joon 18:23

Toro kuudoka toollu Jisasol kuudokaikono. “Nuu kaiya'no yogalo ado'mujuko'mno'juki guu moro kaiya'no yogalo su tovino kuu'maiyo toru nokwo dodoluwosubinekugono. Toro kuvi kuruv moro yogalo kuudumo su tov ilaiyo'mno'juki guu mi buro'nyo'mo iwago donyuromiyadokuuno?” Kuudokaikono.

1 Koorin 6:7

Aki kevnokwe Jisasolluro a'mwo abolo tobuurekulluro kooti yogalo su toro duuwinodupudo tov kevnokwe togaikul kaiyako i'nodupudogaikikono. Toro te kevnokwe togaikulluda'ai Jisasolluro a'mwo pwol guvu pwekuji kaiyako sugolagumowo'ji toga guu a'mwo su toollu nokwo wonyapino to'no so'bujukekugono. Aki Jisasolluro a'mwo pwol gumoro noonyumwonyu ton supologumaro'ji toollu guvu wonyapino to'no neya jogawono.

1 Tesaloonaika 5:15

Kemida'ai pugaikul Jisasolluro a'mwo abolo kaiya'no saikullugolpi tonyu kevu mido mallo'moneyokwe kaiyako nyugolpiyo. Toro kugaikul kuruv yiuwi'nokai toga kevuge avalo Jisasolluro a'mwo abolo su tobuurogai imgu amgu ilaiyo neya jungovlavogaulo. Aki yiuwi'nokai a'mwo abolo kwa'mguda'ai kunyu kuruv aval'no su toro neya jugolmovlavogaulo.

Hibruu 12:4

Aki kevu ma'no ma'no pasudo toorai uuwoleyo'moneyokwe molo gwai'nodupudogaikikono. Toro kuvi kuruv molo su tovida'ai kemoro mujako tov yere mabwolodawodokwono.

Jems 5:6

Kevu a'mwo abolo idopto'nodo tonyu kooti yogalo aduuwipi toga yere domdukuurosopi kirumwallo tov yasuwa'no uubweyodupudogaikikono. Aki kevu a'mwo abolo idopto'nodo su tonyu yiuno yasuwa'no to'no romiyosodupudogaikikono. Kevu kaiyako su toro igolodopure kuvi kuruv a'mwo abolo idopto'nodo su tobuurono'gwowi ikwonyapino to'no yopi kemi aikomgu molo maikullokweyogano.

1 Pita 3:9

A'mwo pworo kemi kaiyako saikullugolpi toga kevu su toorai aikomgu kaiyako nyugolmwalpiyo. Aki a'mwo abolo pun kemino kaiya'no yogalo abwolomekumwogapiyapi tov kevu su tonyuno kaiya'no yogalo nobwolomorumwogapimwolapiyo. Toro kuvi kuruv kevu a'mwo abolo kaiyako saikullugolpi su tonyuno Gooti tool ilaiyo igoloneyokwe yogalo sugudo puno'gwowi neya dodubweyogaulo. Gooti tool kemi adekumaroka tov kevu a'mwo abolo tonyu yogalo sugudo tokwe neya duubwemwalpino'moneyokwe adekomarokaikono. Toro te kevu yogalo sugudo adubwepi su tovi'aro kev kugaikul kuruv Gooti toolluro yogalo sugudo daikubweyodowo'jure pun kuvinono nomapinogaikikono.