Matyuu 5:15 - Gooti Toolluro Yogalokwono

¹⁵ Aki a'mwo pwol gworeko amuugutowo'ji toga nobu'duvoloso'moneyokwe puvi dolago tomuu maluudapiyonekono. Toro kuvi kuruv gworeko me'no amuugutowo'ji toga nuudapiyo'moneyokwe tovi muunyu toru luudapiyonekono. Toro aluudapiyo'ji toga bako pwopiyodowo'jure tovida'ai yiuwi'nokai a'mwo abolo ago anakuuto tomuu aulomwalpi su ton sumdo nokwo wonpinogano.

Matyuu 5:15 ပူးပေါင်းရင်းမြစ်များ

Kuuguudo Sugudo akav Makolluro sakwollokakwono Mak 4:21

Toruda'ai Jisasol yovekurajo puruv aro kuudokaikono. “Bakokwe gworeko tov mokaulodapu soospen tokwe bwososodupudo'mdukono? Oo aki noluuleyo te dolago tomuu wosodupudo'mdukono? Awiyo. Bakokwe gworeko tov noluuleyo te muunyu toru'no wosodupudokwono.

Luuk 11:33

“A'mwo pwol gworeko tov amuugutowo'ji toga bu'duvoloso'moneyokwe puvi dolago tomuu maluudapiyonekono. Ago tovi dolago tomuudeyo oo soospen tovi dolago tomuudeyo tomuu maluudapiyonekono. Toro kuvi kuruv gworeko gudupolallo'moneyokwe tovi muunyu toru'no'gwowi noluudapiyonekono. Toro aluudapiyo'ji su tovuro bako tov ago tovi kuulowopiyawonokwono. Toro kuulowopiyodowo'jure tovi a'mwo abolo aulomwalpi ton nokwo wonmwalpinokwono.

Luuk 11:36

Bako su tov kemi yiuwi'nokai tomuu aullo'mowopiyo'ji tov dugumdo pwekwonodo kuruv nonaguto woronokwono. Aki kemoro yiuwi'nokai kulako tovuro nomwallo tov yiuno gworeko tovuro bako to'busuko pwopimwalonokwono. Toro te kemoro yiuwi'nokai kulako tovi bako pwopiyodowodo to'busuko kubalno kemoro poowokalago tovi anakuuto tomuu bako tov aiyowomno kuullo'movaikwopimwalonokwono.” Kuudokaikono.

Luuk 8:16

“A'mwo pwol gworeko amuugutowo'ji toga nobwososo'moneyokwe puvi dolago tomuu maluudapiyonekono. Kwa'bootoollo'mdeyo oo noluuleyo'mdeyo tovi dolago tomuu maluudapiyonekono. Toro kwol kuruv gworeko me'no amuugutowo'ji su tov gworeko gudupolallo'moneyokwe tovi muunyu toru'no'gwowi noluudapiyonekono. Toro aluudapiyo'ji toga a'mwo abolo ago tovi aulomwalodupi ton bako su tovi nokwo wonmwalpinogano.

Filipai 2:15

Su tov aro tovinokwono. Kevu Gooti toolluro kwoloraiyo togaikul pasudo pworogai kaiyako nomollugolamo'numwalpiyo. Toro kugaikul kuruv kaiya'no nonagutokwe to'no neya jumo'nogaulo. Toro togaikul kwako akavida'ai a'mwo abolo kaiya'nodokwe togai'aro kirovanyuvanyokwe togai'aro tonyu akuuto toru bako pwopiyodowodo to'busuko nokwo wimo'numwalpinogaikikono.

Hibruu 9:2

Kuudo neya jaullulo. Nemi nellukweyago tooro sel ago su tov sovrowosajupokwono. Sel ago su tovi anakuuto tomuu muudu'no adovarojungiko toru gworeko gudupolallo'moneyokwe tokwe'aro noluuleyo purukwe'aro toval kwollajulorukono. Noluuleyo su tovi muunyu toru bret pun Gooti toollu me'no kwingiko ton sulosajupokwono. Toro te muudu'no adovarojungiko su towai'no yovo tov, Gooti Toolluro Pwekwaptovo, dodupudorukono.

Adodolukuu'nosungiko 2:5

Toro tooku aro kuudo neya jaurono. Gumi muudu'nodo togasuro kalo buuropino ilaiyo agujunyajuko su tovi me'no bwolo'dam aga pasudo su tovi manyu tomuu'aro amwakuno. Su toro tovino kuudo yauro'bi miyomno aki aiko te neya jodu'mwonyugobono. Su toro sodu'mwonyugobubi tov gumi sumdomguda'ai sugupasudo sajudo su tovi aki aiko te neya domolludovogawono. Guu su toro mibi to'gwowi moro mollu'bwoto tovida'ai gumoro gworeko gudupolallo'moneyokwe tovi nuu nobomagudukwopimonyugono.