Matyuu 5:12 - Gooti Toolluro Yogalokwono

¹² Kevu ilaiyo yopi aki kemoro sumwoluko kun kuruv ilaiyo to'no nokwo imwalpinogaikikono. Su tov aro tovinokwono. Kevu Gooti toolluro ago toru sulomwalpi toga kemi yiuwi'nokai mubiyo bwotonyo ton nomapinogaikikono. Kevu kuudo neya jaullulo. A'mwo kemi kaiyako yaikullugolodupudo su tooro sumdomguda'ai kemi proofet kworai kuruv kaiyako aval'nodo tomgu'aro sugollajuporogano.”

Matyuu 5:12 ပူးပေါင်းရင်းမြစ်များ

Muuduko 15:1

Toruda'ai Gooti Yawel Eburamollu wojo tovibusuko wiyalo'no'no aro kuudokaikono. “Eburamoloo, luko mibinono. Gumi sabiyo tou'busuko gujumo'nodumdo toonyu yellukuromollogumwalodumdonyugono. Toro toonyu mubiyo sugudo pun nogujamonyugono. Toro agujami su ton sugudo kuunodogano.” Kuudokaikono.

Matyuu 16:27

Nuu A'mwo Kwolaiyo Kuunodo toonyu moro ensel toorogai mi Nyunumiyago toolluro jurogudo tokwe noolamonyugono. Su toro kwolami toga yiuwi'nokai a'mwo abolo tonyuro pasudo tonyu gallainyubworo'mi kemi pasudo mujumovla'mdupudo tonyuro mubiyo tov nuuwimonyugono.

Matyuu 6:16

Aki Jisasol aro kuudokaikono. “A'mwo kuunanokwe su tooro aro kuudo yau'dupudorogano. Oo nevu wosamujuko tonyuno kumako mwalodowa'jure toonollu a'mwo abolo pun neya anekwonpuro. Su toro kuudo yau'dupudo tooro kemoro sumdomago ton kumjuju kulako moropiyodupudorogano. Nebal'no ikudumo'mokwono. A'mwo su tooraino a'mwo abolo ton yovo aguto wiyodupudo tov kemi mubiyo to'busuko wimo'nodowodo su tovi me'no ma'dupudorogano. Toro kuvi kuruv kevno'gwowi wosamujuko tonyuno kumako amwalpi togaikul a'mwo kuunanokwe toorobusuko kumjuju kulako nomoropinmwalpiyo.

Luuk 13:34

Oo Jeruusalemda'aiyoravoo, Jeruusalemda'aiyoravoo. Kevu wagwolago akavi mwalodupudo toorekul proofet toorai romiyosumelabodupudorekikono. Aki kevu Gooti toolluro a'mwo kuurotokwe toorai sulo togai luvoromiyosumelabodupudorekikono. Nuu kemino tov aro kuudo yau'dumdonyugono. Kuukuuro puruv gami taiyo tobuurai puviyo te dolago tomuu mollomwalodowodo to'busuko kubalno nuu wagwolago akavi mwalodupudo togaikulluro kwoloraiyo tobuurai miyomno mollu'bworoso'mo nyunodowodonyugono. Toro te kevu nuwonyapino sopujuko'mno'juki nuu kuvinono nokwo amollu'bworo'mujukonyugono.

Luuk 6:23

Lukomgu kemi kaiyako saikullugolpi toga kevu ilaiyo yopi aki kemi poowokalago tokwe ilaiyo bwolato to'no jogaulo. Su tov aro tovinokwono. Kevu Gooti toolluro ago toru sulomwalpi toga yiuwi'nokai nyulomapino su ton aguto kuunodogano. Aki kevu kuudo neya jaullulo. A'mwo kaiyako saikullugolpi su tooravuro kwikweyago tooro aiyoga kemi sumdomguda'ai proofet kworai kuruv aval'nodo tomgu'aro kaiyako me'no sugollajuporogano.

Luuk 6:35

Toro kuvi kuruv kev togaikulno'gwowi kemi ikomago ikullumo'nodupudo tonyuno kalo buuropino neya domollogaulo. Aki toro tonyu ilaiyo to'no neya jugologaulo. Aki kemi dinau aikullupi toga kevu aki aiko te neya anekullabupureyokwe kuudo nyau'mwalpiyo. Kevu su toro tomgu'aro supi tovino Gooti toolluro mubiyo sugudo bwotonyo pun nomapinogaikikono. Kuudo neya jaullulo. Gooti Yiuwi'nokai Tonyu Uuwolo'mdowodo tool a'mwo abolo, Nenoloo, muudodupudo togai'aro a'mwo abolo kirovanyuvanyu kirounomollodupudo togai'aro yiuwi'nokai a'mwo abolo su tonyu ilaiyo aval'no igolodowodekono. Toro te kev kugaikul kuruv Gooti su toolluro pasudo tovi aval'no kuumjungovlapi tov aro kuudo yaikuupinogano. Oo su ton Gooti Yiuwi'nokai Tonyu Uuwolo'mdowodo toolluro kwoloraiyo wimo'nodupudodeyo. Kuudo yaikuupinogano.

Kuurotokwe 16:25

Toro merosuno sumaiyokwe surakuuto akuusuduko toga Pooleke Sailaseke tooral Gooti toollu subusu'nyogalo wuudolno ilomoropiyo'moneyokwe dato pun adolorakono. Toro dodole toga wuulo killo'mo ago su tovida'ai a'mwo ai'nallajupo gabovo tooro au'naroporogano.

Kuurotokwe 5:41

Toro surolowapiyopo tekwojo bolokwino sumaveyokwe aro adoporogano. “Oo ilaiyo bwotonyokwono. Nemi danyu'nyuwuulo anekubwemapo su toorai Gooti tool nokwo kuumjukurowo'jujukekono. Toro kuvi kuruv Gooti tool nemino ilaiyo bwotonyo winoduke tool nokwo wonyapino to'no sumokaikono. Toro te nevu Jisasolluno yovo tovida'ai danyu'nyuwuulo ama'mawo tov ilaiyo bwotonyokwono.” Kuurotokwe tooro toro amjodumovlavoporogano.

Room 5:3

Aki nemoro tagunyo ma'dowado kunyuno kuruv ilaiyo ibwosunowa'ji ilomodomoropiyokwenogano. Tagunyo ton marowa'ji toga aro kuudo yau'dowadonogano. Buro'nyo buro'nyo tagunyodeyo su ton nemoro poowokalago tovi jurogudo adanekullumwojadokwovo. Aki tagunyo su ton amara'ji toga nobwolorowa'jokwe yiuno Gooti toolluno gudupola'mwalanonogano.

1 Koorin 3:8

Toro te a'mwo Gooti toolluro yogalo tokwe sumdomgu moruudodowodo tooke'aro lukomgu ibwasodowodo tooke'aro tooral womdokwe aval'no imo'nodubulorakono. Aki lukomgu yiuwi'nokai tooral kemi womdo yodubulo tovino mubiyo tov noma'bullunorakono.

2 Koorin 4:17

Nevu kwako akavi manyu toga mamwalanonogano. Aki nemoro agasuro jul'nyo baneki'mo'mdupudo su tobuuro kula'nyobuurogano. Toro kuvi kuruv jul'nyo baneki'mo'mupudo su tobuuro aro tov yovrovanekubweyodupudogano. Lukomgu nevu aiyo yiunokuudo mujomwekovlaiyo'moneyokwe tovi amara'ji toga Gooti tool noonyumwonyu sugumaluko tollovo nyoullanekubweyonekono. Aki Gooti toolluro sugumaluko youllanekubweyodowo'jure su tollovai nevu ku'nono majagilanonogano.

Filipai 1:29

Neya duu'nyulo. Gooti tool yasuwa'wino to'busuko aro tov ikubweyodowodekono. Kevu Krais toollu kuudo uubweyo'moneyokwe tovino to'no ajaikubweyokalmaiyo. Toro kuvi kuruv kevu gamino kuudo uubweyopi aki tagunyo ton noma'mwalpino'moneyokwe ajaikubweyokaikono. Tagunyo amo'movlapi su tovi'aro Krais tool yovo aguto noma'mwalonekono.

Filipai 2:17

Toro te kemoro Gooti toollu kuudo uubweyodupudo tov pris tooravuro Gooti toollu kwiroudapiyajupo to'busuko imo'nodowodokwono. Aiyoga pris su tooro Gooti toollu wiyo'moneyokwe wain wonyo pun aimowosajuporogano. Su toro to'busuko kubalno nuu Gooti toollu womdo wiyodo'mure toga romiyanubweyopi moro mujako tov nokwo kimowosonokwono. Aki su toro aimowoso'ji tovino ilaiyo imonyugono. Aki nuu kevu kuudo me'no uubweyodupudo togaikike ilaiyo aval'no yanonyugono.

Kooloosi 1:24

Aga nuu kemi ikullo'mwojo'moneyokwe tagunyo banyumo'nodopure tovida'ai danyu'nyuwuulo subwosunmwakonyugono. Danyu'nyuwuulo ibwosunodumdo su tonyuno moro poowokalago tokwe ilaiyo sadokwono. Moro ilaiyo yodumdo su tov aro tovinokwono. Krais tool gamoro a'mwo abolo tonyu wiyo'mwojo'moneyokwe danyu'nyuwuulo subwosunokaikono. Su toro subwosunoka toolbusuko kubalno aga nuu kwonyu kuruv gamoro aiko toru ma'dum kevu gamoro kulako to'busuko mollu'bwoto togaikullu ikullo'mwojo'moneyokwe danyu'nyuwuulo subwosunmwakono.

Kooloosi 3:24

Kevu Krais toolluro womdo yodupudo togaikul aro tovino kuudo nyau'mwakovo. Aguto tool gamoro kwoloraiyo tobuurekullu ikullabiyo'moneyokwe me'no sovrowosungiko tollovo mubiyo to'busuko kuvinono nekullabwonekono. Aki kevu womdo wiyodupudo togaikulluro mido mollomwalokwe kuunodo su tool Krais tool kwekono.

1 Tesaloonaika 2:15

Juu su tooro Aguto Krais Jisaseke'aro a'mwo kuurokado mollajokwe proofet toorogai'aro toorai aromiyosajuporogano. Aki a'mwo Juu kuudo muubweyodupudo pworo ne kwonollu kuruv kaiyako sanekullugollajuporogano. Su toro yanekullugolodupudo tooro Gooti toollu ilaiyo puru'monodo kuruv migolodupudorogano. Aki yiuwi'nokai kwako akavida'ai a'mwo abolo kunyu kuruv yiuno ikomago to'no wimo'nodupudorogano.

Hibruu 10:34

Aki kevu aro sajupogaikikono. Kemida'ai a'mwo abolo pubuuro wuulo killo'mo ago tovi kuule'na'dopure su tobuuraino kalo aikullunyajukogaikikono. Aki a'mwo pworo kevu Jisasolluro a'mwo abolo togaikulluro kuto ivito tonyu ipolekuma'dopure kuga kuruv kevu ilaiyo to'no amwallajupogaikikono. Kemoro ilaiyo amwallajupo su tovino kavlo tov arokwono. Gooti toolluro noonyumwonyu kemi ikullabwono ton kwako akavida'ai tonyuno'gwowi uuwolo'mdupudogano. Aki Gooti toolluro ikullabwono su ton yiuwi'nokai toga kevuge yiunokuudo mujo'movla'mwalpinogano. Kevu su toro tonyuno sogwollo to'no kingovla'mdupudogaikikono. Su toro kuudo me'no youroma'dupudo tovino tov kemoro noonyumwonyu ton ipolekuma'dopure kuga kuruv kevu ilaiyo to'no amwallajupogaikikono.

Hibruu 11:26

Moosesol aro kuudo saullajukekono. Nuu Gooti toolluro ajesoka Krais toolluro yovo tovida'ai danyu'nyuwuulo ama'mi tov nokwo'mokwono. Krais su toolluro yovo tovida'ai danyu'nyuwuulo ama'mi su tov yiuwi'nokai kwako Ijupda'ai tovuro kuto ivito nuugwiyo tollovo amaro'mujuko su tonyu nuuwolowonokwono. Su toro kuudo sauroka tov aro tovinokwono. Moosesol Gooti toolluro mubiyo sugudo su tollovo lukomgu wiyodowo'jure tonyu kuvinono mallo'mo tovino sogwollo to'no ainyajukekono.

Hibruu 11:33

A'mwo su tooro Gooti toollu kuudo kuubweyajupo tovi'aro aguto kig pworavuro a'mwo mollurogudo toorai molo wiyodupu kuuwoleyajuporogano. Aki toro tooro pasudo idopto'nodo tonyu molludo'movla'mdupu Gooti toolluro subuu'yamju kwiyajuko tonyu kuvinono amallajuporogano. Aki a'mwo su tooro laiyon tooravuro mago tonyu kuubuteyajuporogano.

Hibruu 11:6

Aki a'mwo pwol Gooti toolluno kuudo muubweyo'ji tov Gooti tool a'mwo su toolluro pasudo tovino ilaiyo mwinonekono. Toro tovino tov a'mwo pwol Gooti toollu wobo toru biyo'mo kwino'ji su tool Gooti toolluno aro kuudo neya yau'mwalonekono. Oo Gooti tool aiyo mujomwekovlaiyokweyoldeyo. Aki Gooti su tool a'mwo abolo gamiyomno biyo'mo winodopure tonyu muunyu kai'muuda'ai mubiyo sugudo pun uubiyodowodoldeyo. Su toro kuudo neya yau'mwalonekono.

Jems 1:2

Nuuge avalobuuravoo, jul'nyo judo'no judo'nodo pun kemi yamju ikulloganyo'mo abaikullumo'nupi toga kemi poowokalago togai ilaiyo to'no neya jogaulo.

Jems 5:10

Mi avalobuuravoo, kevu aiyogasuro proofet aikuduuwallajupo toorobusuko kubalno aval'no neya jomjomwekovlavogaulo. Aiyoga proofet su tooro Aguto toolluro yovo tovida'ai gamoro yogalo tokwe amoruujajuporogano. Toro tooro jul'nyo bwi'mo'mdopure tonyu nokwo amokavlaiyajuporogano. Aki Aguto toolluro lukomgu wiyo'mwojono tovino sogwollo to'no aingovlaiyajuporogano. Toro te kevu su toorobusuko aval'no neya jomjomwekovlavogaulo.

1 Pita 4:13

Kevu Krais toollu me'no uuguro'mwonyodupudo togaikul gamoro tabunyuwuulo amaroka to'busuko kubalno aga tabunyuwuulo pun ama'mwakopogaikikono. Toro ama'mwakopo tovino ilaiyo to'no jubwosunogaulo. Kevu ilaiyo ibwosunmwalpino su tov kavlo aro tovinokwono. Lukomgu Krais tool gamoro bako bwotonyo tokwe kuu'maiyo toru abiyalo'no'ji toga kevu kwollu me'no uuguro'mwonyodupudo togaikul bako su tovi anakuuto tomuu nouloonomollupinogaikikono. Su toro toga kemoro ilaiyo ibwosunpino tov maluko'nyo'maiyo. Ilaiyo bwotonyo nyubwosunpinogaikikono.