Matyuu 4:23 - Gooti Toolluro Yogalokwono

²³ Jisasol yiuwi'nokai distrik Galili tomuu somollokaikono. Toro tomuu yomolluno yomolluno sumaiyokwe Juu tooravuro i'bwo'nyago tonyu kuulodawo kuuguudo sugudo tokwe amoruujajukekono. Kuuguudo sugudo su tov Gooti toolluro kig mido mollomwalo tovi dolago tomuu neya aulomwalpureyokwe tovino amoruujajukekono. Toro moruudomolluno sumaiyokwe a'mwo abolo tonyuro yiuwi'nokai judo'no judo'no nobollokweyodeyo oo suvlato nomuullugollokweyodeyo tonyu sukullajukekono.

Matyuu 4:23 ပူးပေါင်းရင်းမြစ်များ

Matyuu 11:5

A'mwo abolo sumnowojokwe ton aki aiko te sumdo kinodupudogano. Aki a'mwo abolo suvlato amuullugolopingikokwe ton kado pla'mdupudogano. Aki a'mwo abolo wonawiyo nobollokwe ton ikulnodupudogano. Aki a'mwo abolo kadu'nollukullokwe ton aki aiko te kaduko wuu'nodupudogano. Aki a'mwo abolo me'no abollungopo ton aiyo aiko te duka'mdupudogano. Aki kuuguudo sugudo tov a'mwo abolo apoo'nyaiyo tobuurai moruudomollodupudokwono.

Matyuu 12:9

Toruda'ai Jisasol su toru wuugollu'movo'no uuwino sumaiyokwe Juu tooravuro i'bwo'nyago puvi aulomwalokaikono.

Matyuu 13:19

A'mwo pworo wit sulo ton puuto tovi muunyu toru abwolorapo to'busukorogano. A'mwo su tooro aguto kig Gooti toolluro mido mollomwalo tovino kuuguudo tov me'no wuu'nodupudorogano. Toro kworo kuruv kavlo tovino kuudo miyouroma'dupudorogano. Wit sulo to'busuko kuuguudo su tov kemoro poowokalago tovi pulollosodowodokwono. Toro kuvi kuruv kirovanyuvanyu Satanyol yere bowo'ji wit sulo novlollosodowo'jure su tonyu bomodukwopiyodowodekono.

Matyuu 13:54

Toro wuugollu'mo'mno sumaiyokwe gami wagwolago kuunodo Nasaret'no avlavokaikono. Toro plaino sumaiyokwe wagwolago su tovi ai'movokaikono. Toro ki'mo'mno sumaiyokwe Juu tooravuro i'bwo'nyago tovi kuula'no kuuguudo sodubwasajukekono. Toro yodubwasoduke tovi a'mwo abolo ton wuu'nyuno sumaveyokwe mollolokurosi sopogano. Toro ton aro sajunopogano. “A'mwo akalluro pi'mwo kuudo tokwe'aro duuwallo jurogudo wuuduuwallo'moneyokwe jurogudo tokwe'aro su toval gadomuuda'ai ma'dowodoldeyo?” Sajunopogano.

Matyuu 14:14

Toro uumjunyuno sumaveyokwe Jisasol boot tovida'ai bwolodukwopiya'no kwolallo bwotonyo ton i'bwo'nodopure kwonokaikono. Toro tonyu wonyuno sumaiyokwe kalo kwinokaikono. Toro tool kemoro a'mwo abolo nobollokwe tobuurai sukulokaikono.

Matyuu 24:14

Aki aguto kig Gooti toolluro mido mollomwalo tovi dolago tomuu kuulomwallo'moneyokwe tovino kuuguudo sugudo tov yiuwi'nokai kwako akavi aiyowomno nomodomollumwalpinokwono. Toro modomollodopure tovi yiuwi'nokai kantri tonyuda'ai a'mwo abolo ton nuu'nupinokwono. Me'no wuu'nopiyopi aiyowo'mo kuunodo toga bai'mowonokwono.” Jisasol toro kuudokaikono.

Matyuu 3:2

“Kevu Gooti toollomno kuudo jouragunyumo'nyulo. Muunyu kai'muuda'ai aguto kig toolluro mido mollomwalo tov wobo toga nobai'meyo'mo sadopiyo.” Amoruujajukekono.

Matyuu 9:35

Toruda'ai Jisasol yiuwi'nokai wagwolago togai'aro ajumiyo togai'aro tonyuda'ai Juu tooravuro i'bwo'nyago tonyu kuuguudo sodubwosumovlaiyajukekono. Toro tool aguto kig Gooti toolluro mido mollomwalo tovino kuuguudo sugudo tokwe amoruudomollajukekono. Aki toro moruudomollodowo a'mwo abolo tobuuravuro nobolluwuulo judo'no judo'nodo tonyu sukulmovlaiyajukekono.

Kuuguudo Sugudo akav Makolluro sakwollokakwono Mak 1:14

Toruda'ai Joonollu wuulo killo'mo ago tovi amerosopekono. Me'no merosuno sumaveyokwe toga Jisasol Galili'no aikomgu bo'no Gooti toolluro kuuguudo sugudo tokwe amodomollajukekono.

Kuuguudo Sugudo akav Makolluro sakwollokakwono Mak 1:21

Toro tooro plaino sumaveyokwe wagwolago Kapurniyam'no avlavoporogano. Toro plaino sumaveyokwe Sabat abai'movoka tollugwoji Jisasol Juu tooravuro i'bwo'nyago tovi kuula'no a'mwo abolo tonyu sodubwasajukekono.

Kuuguudo Sugudo akav Makolluro sakwollokakwono Mak 1:39

Toro ino sumaveyokwe Galili towai Juu tooravuro yiuwi'nokai i'bwo'nyago go'no go'nodo tonyuno avlavoporogano. Toro plaino sumaveyokwe Jisasol yodubwasodowo kuullo ma'no ma'nodo tooro a'mwo pworai kuulomwalodopure toorai amodovomjapiyajukekono.

Kuuguudo Sugudo akav Makolluro sakwollokakwono Mak 3:10

Jisasol a'mwo abolo noonyumwonyu nobollokwe bwotonyago tonyu sukulokaikono. Toro tovino tov a'mwo abolo nobollokwe bwotonyago pun uubogai'nyo'mo ton setowapiyopogano.

Kuuguudo Sugudo akav Makolluro sakwollokakwono Mak 6:2

Toro plaino sumaveyokwe wagwolago toru ai'movoporogano. Toro ki'mo'mno sumaveyokwe Jisasol Sabat tollugwoji Juu tooravuro i'bwo'nyago tovi kuula'no muudu'no sodubwasokaikono. Toro yodubwasoduke tovi wuu'no'mno bwotonyago tooro mollolokurosi soporogano. Yo'mno aro sajunoporogano. “A'mwo akalluro sadopiko su ton gadomuuda'ai ma'dowododeyo? Aki gami pi'mwo kuudo ma'dowodo su tov adadomgu'aro'mdukono? Aki gamoro duuwallo jurogudo yodowodo ton gami ato tokwe adado yodowodoldeyo?

Kuuguudo Sugudo akav Makolluro sakwollokakwono Mak 6:6

Jisasol toro ikulno sumaiyokwe a'mwo abolo gamino kuudo muubweyodopure su tonyuno kuudo kwolallo sourukwapiyokaikono. Toro yourukwapino sumaiyokwe ajumiyo go'no go'nodo pumuu sodubwosomollajukekono.

Luuk 10:9

Wagwolago su tovi kuulomwalopi a'mwo abolo nobollokwe tonyu neya jukulogaulo. Aki aro neya wuudumwalpinorekikono. “Oo aguto kig Gooti toolluro mido mollomwalo tov aga nobaiki'mowono'mokwono.” Wuudumwalpinorekikono.

Luuk 13:10

To'no'gwowi iruko Sabat pullugwoji Jisasol Juu tooravuro i'bwo'nyago puvi kuulno sumaiyokwe kuuguudo sodubwasokaikono.

Luuk 16:16

Moosesolluro loowo tokwe'aro Proofet yogalo tokwe'aro su toval mujo'melabino mujo'melabino sumaleyokwe yiuno Joonol abillumo'noka toga'no sumwogapiyolovakono. Su toro sumwogapiyolo togada'ai aguto kig Gooti toolluro mido mollomwalo tovino kuuguudo sugudo tov moruudomollodupudokwono. Aki yiuwi'nokai tomuuda'ai a'mwo abolo ton aguto kig Gooti toolluro mido mollomwalo su tovi kuullo'moneyokwe guureji pwo'dolomokaullo'mo winodupudogano.

Luuk 20:1

Iruko pullugwoji Jisasol Jeruusalemda'ai Gooti toollu ilomoropiyo'moneyokwe ago tovi kuula'no a'mwo abolo tonyu kuuguudo sugudo tovino sodubwasokaikono. Toro yodubwasoduke toga pris mido mollomwalokwe toorogai'aro loowo tovino pi'mwo kuudokwe toorogai'aro Juu tooravuro mido mollomwalokwe pworogai'aro tooro Jisasollomno bino sumaveyokwe

Luuk 4:14

Toruda'ai Jisasol Gooti Toolluro Kuullo toolluro jurogudo uubweyoduke tokwe Galili tomuuno aikomgu avlavokaikono. Toro toolluno kuuguudo tov yiuwi'nokai su towaida'ai a'mwo abolo ton adolomo'naropogano.

Luuk 5:17

Toruda'ai Jisasol iruko pullugwoji kuuguudo yodubwasoduke toga a'mwo Farasi pworogai'aro Moosesolluro loowo tovino ibwasokwe pworogai'aro tooro abomwaloporogano. A'mwo su tooro kwako Galilike'aro Juudiyake'aro tovalluda'ai yiuwi'nokai wagwolago tonyuda'ai aboporogano. Aki pworo wagwolago Jeruusalemda'ai kworo kuruv bo'mno abomwaloporogano. Toro bomwalodopure toru Jisasol kuuguudo sodubwasajukekono. Aki toro yodubwasodowo Aguto toolluro jurogudo tokwe Jisasol a'mwo abolo nobollokwe tonyu sukullajukekono.

Luuk 6:17

Toruda'ai Jisaseke'aro gami uumjunyokwe toorogai'aro tooro muumuudo toolluda'ai wolabino sumaveyokwe kwako worato toru abwolodavoporogano. Worato su toru Jisasolluro uumjunyokwe bwotonyago toorogai'aro yiuwi'nokai kwako Juudiyada'ai a'mwo abolo bwotonyago togai'aro wagwolago Jeruusalemda'ai togai'aro aki soolwaravuro wolo tomuuda'ai wagwolago Tairuke Saidoonke tovalluda'ai a'mwo abolo togai'aro su ton Jisasollomno abopogano. Kwolallo bwotonyo kuunodo su ton bino sumaveyokwe abi'bwo'nopogano.

Luuk 6:6

Toruda'ai iruko Sabat pullugwoji Jisasol Juu tooravuro i'bwo'nyago puvi aulomwalokaikono. Toro kuulomwalno sumaiyokwe sodubwasokaikono. Toro sodubwasoka su towai a'mwo pwekwo gami anato tov amuullugolopingikokwe tekwo aulomwalokaikono.

Luuk 7:21

Su toro kuudoganolo toga Jisasol a'mwo abolo nobolluwuulo go'no go'nodokwe togai'aro kuullo ma'no ma'no kuulomwalodupudo togai'aro bwotonyago tonyu sukullajukekono. Aki sumnowojokwe bwotonyago kunyu kuruv ato tokwe uubogai'noduke tovida'ai sumdo ainyajupogano.

Luuk 7:22

Su toro ikulno sumaiyokwe Jisasol Joonolluro uumjunyokwe su toorallu aro kuudokaikono. “Kevu Joonollomno aikomgu plavo'bullu yiuwi'nokai me'no kwonmalo togai'aro aki kaduko me'no kuu'numwakulo togai'aro su tonyuno neya duujulo. “A'mwo abolo sumnowojokwe ton sumdo kinodupudogano. Aki a'mwo abolo suvlato abolopingikokwe ton kado yomollodupudogano. Aki a'mwo abolo wonawiyo nobollokwe ton me'no ikulnodupudogano. Aki a'mwo abolo kadu'nollukullokwe ton aki aiko te kaduko wuu'nodupudogano. Aki me'no abollungopo ton aiyo aiko te duka'mdupudogano. Aki kuuguudo sugudo moruudodopure tovi a'mwo abolo apoo'nyaiyo tobuuro me'no wuu'nodupudogano.

Luuk 8:1

Toruda'ai Jisasol yiuwi'nokai wagwolago togai'aro ajumiyo togai'aro tonyu aguto kig Gooti toolluro mido mollomwalo tovino kuuguudo sugudo tokwe mokaulodawo amoruudomollajukekono. Aki toro amoruudomollajuko toga gamoro 12-pela uumjunyokwe tooro kweke somollajuporogano.

Luuk 9:11

Toro tomuuno pla'mdopure toga a'mwo abolo kwolallo ton wuu'nyuno sumaveyokwe kumuuno kuumjunopogano. Toro uumjunyuno sumaveyokwe Jisasollu abuuru'maropogano. Toro buuru'ma'dopure tonyu Jisasol ilaiyo amollomarokaikono. Ilaiyo molloma'no sumaiyokwe aguto kig Gooti toolluro mido mollomwalo tovino sodubwasajukekono. Aki yiuwi'nokai a'mwo abolo nobollokwe mokabodopure tonyu sukullajukekono.

Luuk 9:60

Toro kuudoka kuvi kuruv Jisasol kuudokaikono. “A'mwo abollungopo toorobusuko imo'nodupudo tooro kevnokwero nobolodopure toorai neya amolsosunogapuro. Guvno'gwowi neya plavo'bi aguto kig Gooti toolluro mido mollomwalo tovino domoruudomollogawono.” Kuudokaikono.

Joon 18:20

Toro kuudoganoka toollu Jisasol aro kuudokaikono. “Nuu yiuwi'nokai a'mwo abolo tonyu yiuno kuu'maiyo toru'no moruudomollodumdonyugono. Aki yiuwi'nokai toga Juu tooravuro i'bwo'nyago togai'aro Jeruusalemda'ai Gooti toollu ilomoropiyo'moneyokwe ago tokwe'aro Juu a'mwo abolo ton i'bwo'nodupudo toru yodubwasodumdonyugono. Aki yiulo tomuu miyodubwasodumdonyugono.

Joon 6:59

Jisasolluro yogalo kuujajuko su ton wagwolago Kapurniyamda'ai Juu tooravuro i'bwo'nyago puvi kuula'no sodubwasajukogano.

Joon 7:1

Toruda'ai lukomgu Jisasol kwako Galili tomuuno to'no somollajukekono. Su tov aro tovinokwono. Kwako Juudiya tomuuda'ai Juu tooro Jisasollu romiyoso'moneyokwe puuto tovino a'mgono yodupudo tovino tov Jisasol kwako Juudiya tomuuno yomollo'mo mwinokaikono.

Kuurotokwe 10:38

Gooti tool Nasaretda'ai Jisasollu jeso'moneyokwe gamoro Kuullo tool uubweyo'no gamoro jurogudo tokwe'aro kuubweyokaikono. Toro kuubweyoka tokwe Jisasol a'mwo abolo tonyu ilaiyo to'no sugollajukekono. Aki Gooti tool kweke yomollodowo a'mwo abolo Satanyolluro kaiyako igolodowodo tobuurai sukullajukekono.

Kuurotokwe 18:4

Aki Poolol yiuwi'nokai Sabat toga Juu tooravuro i'bwo'nyago tovi aullajukekono. Toro kuulodawo a'mwo abolo Juu togai'aro Grikda'ai togai'aro tonyu kuuguudo sugudo tovino kuudo neya uubwepino'moneyokwe sodubwasajukekono. Toro yodubwasoduke tovino ajainyubwollajuporogano.

Kuurotokwe 20:25

Nuugeravoo, nuu aguto kig Gooti toolluro mido mollomwalo tovino kemi me'no sodekubwosumelabiyajonyugono. Toro sodekubwosumelabiyajo toorekullu aga me'no aikugollu'mo'mi toga'no'gwowi kevu moro sumdomago tovi aki aiko te manuwonpinorekikono.

Kuurotokwe 28:31

Toro molloma'dowo a'mwo abolo su ton aguto kig Gooti toolluro mido mollomwalo tovino kuuguudo tov sodubwasajukekono. Aki Aguto Jisas Kraisolluno kuuguudo kurukwe'aro sodubwasajukekono. Poolol toro yodubwasodowodo toga luko miyajukekono. Toro kwol kuruv yiuno kuu'maiyo toru'no amoruujajukekono. Aki toro moruudoduke toollu a'mwo pwolnodo kwol kuruv muumjukullajukekono.

Room 10:15

Aki yere mamoruudodowo'jure toga sumdomgu Gooti tool a'mwo pwollu neya amorapiyono. Su toro tovino Gooti toolluro yogalo sakwollungiko puruv aro dodowodokwono. “A'mwo abolo pun ilaiyo bwotonyo yopi aro modomapinogano. “Oo a'mwo kuuguudo sugudo tokwe amoruudomolladokwopo su tooravuro suvlo ton sugumalukogano.” Modomapinogano.” Gooti toolluro yogalo sakwollungiko puruv su toro dodowodokwono.