Matyuu 4:10 - Gooti Toolluro Yogalokwono

¹⁰ Toro kuudoka kuvi kuruv Jisasol aro kuudokaikono. “Gooti toolluro yogalo tov aro sakwollungikokwono. “Yiuno gumi Aguto Gooti toolluno to'no neya ilomoropiyabinekugono. Aki yiuno kwolluno to'no neya uumjunmwalbinekugono.” Sakwollungikokwono. Toro tovino tov, Satanyol guu dovlavono.” Kuudokaikono.

Matyuu 4:10 ပူးပေါင်းရင်းမြစ်များ

Matyuu 16:23

Toro mojurugoloduke toga Jisasol yadu'mwonyuno sumaiyokwe Pitallu moroono'no aro kuudokaikono. “Satanyoloo, guu moro buulo tomgu'aro dovlavono! Gumoro kuudo sau'mwakudo su tov Gooti toolluro kuudo yau'dowodo tomgu'aro'maiyo. Toro kuvi kuruv kwako akavida'ai a'mwo pworavuro kuudo yau'dupudo tomgu'aro sau'mwakuno.” Jisasol Pitallu yogalo su toro amojurugolokaikono.

Kuuguudo Sugudo akav Makolluro sakwollokakwono Mak 1:13

Jisasol kwako a'mwomaiyo toru iruko 40-pela tobuullu mwaloduke toollu Satanyol yamju abuuwiyoganyajukekono. Toro tomuu ibesa'aiyo kuulludaiyo tooro mwalodopure su tomuu Gooti toolluro ensel tooro amollovi'mwojomwallajupekono.

Luuk 10:18

Toro kuudopo tovi Jisasol aro kuudokaikono. “Aiyoga Satanyol Gooti toolluro ago muunyu kai'muuda'ai me'no kuugollu'movokaikono. Toro wuugollu'mo'mno sumaiyokwe toga molamopto to'busuko abwolarokaikono. Toro bwola'duke toollu nuvnokwe toonyu me'no amuugonaronyugono.

Luuk 11:18

Aki Satanyeke tooro imgu amgu jopolosunopi molo sunpi tov manyu toga guureji mamjomwekovlapinorogano. Yere younopipinorogano. Toro te kuudo neya jaullulo. Kevu mino aro dodupudorekikono. “Su tool kuullo ma'no ma'nodo tooravuro aguto kuunodo mollomwalo Belsebuulolluro jurogudo tokwe kuullo ma'no ma'nodo toorai modovomjapiyokwekono.” Dodupudorekikono.

Luuk 13:16

Su toro to'busuko kubalno abolo akabuul Eburaiyamolluro kwoloraiyo su tobuullu Satanyol 18-pela kworomo tonyu anakuuto tomuu wuulo galerosodowodekono. Toro galerosodowodo tobuullu iruko Sabat akaga birolo'nugolokwiyo'mo tov ilaiyo'mdukono? Tade, ilaiyokwono.” Kuudokaikono.

Luuk 22:3

Toruda'ai Satanyol Juudasollu aulomwalokaikono. A'mwo su tool 12-pela uumjunyokwe tooraida'ai pwekono. Aki toro toolluno yovo puruv Iskeriyootolekono.

Luuk 22:31

Toruda'ai Jisasol Pitallu aro kuudokaikono. “Saimoonoloo, Saimoonoloo neya duu'nono. A'mwo pwol wit tovuro no kuunodo tonyu momuudeyomallo'moneyokwe yamju wiyoganodowodekono. Su toro to'busuko kubalno Satanyol gumino tov kuunodoldukoneyokwe tovino yamju gujoganyo'mo winodowodekono. Aki Satanyol su toro gujoganyo'mo tovino Gooti toollu me'no kuudoganokaikono.

Luuk 4:8

Toro kuudoka tovi Jisasol aro kuudokaikono. “Gooti toolluro yogalo puruv aro sakwollungikokwono. Yiuno gumi Gooti Aguto toolluno to'no neya julomoropiyawono. Aki yiuno kwolluno to'no uumjunbinekugono, sakwollungikokwono.” Kuudokaikono.

Joon 13:27

Toro te Juudasol bret nobuudeyo su tovi malluno sumaiyokwe Satanyol Juudasolluro poowokalago tovi aulomwalokaikono. Toro kuulomwalno sumaiyokwe Jisasol Juudasollu aro kuudokaikono. “Guu buro'nyo buro'nyo yo'mo agujunadopiko tov yere neya jono.” Kuudokaikono.

Kuurotokwe 26:18

Toro te nuu a'mwo abolo su tonyomno amogwapimo tov aro tovinokwono. A'mwo abolo su ton dugumdo tomuu kuulomwalodupudogano. Toro tonyu gumoro kuuguudo yodubwasodo'bure tovida'ai kemoro sumdo ton delukuulludapiyo'bi bako tovi nokwo wonmwalpinogano. Toro ton Satanyolluro jurogudo tovi dolago tomuuda'ai birolo'nugolokwopi Gooti toolluro jurogudo tovi dolago tomuu nokwo kuulomwalpinogano. Aki toro ton mino kuudo anubwepi tovino tov nuu kemoro ma'no ma'nodo tovuro kirumwallo tovi modukwopiyo'mi Gooti toolluro a'mwo abolo kuunodo me'no ajesungiko nyumo'numwalpinogano.” Yogaimaguurai tov su toro anyudokakwono.” Kuudokaikono.

Kuurotokwe 5:3

Toro buuwino sumaiyokwe Pital Ananaiyasollu aro kuudokaikono. “Oo Ananaiyasoloo, guu Gooti toolluro Kuullo toollu kuunano youkuu'nuujo'moneyokwe Satanyolluro mollubworomokavla'mduke tovi kuumjunmado tov buro'nyo kavlo tovino'mdeyo? Guu gumi kwako tovida'ai nuugwiyo ton pun yiulo apuurosumadekugono. Toro tooku gumi poowokalago tovi ma'no ma'no yo'mo tekwogu nemi buro'nyo'mo kuunano joukuu'nanekudadokuuno?

1 Koorin 5:5

Kevu su toro su'bwo'nupi toga a'mwo ma'no ma'no pasudo sadopiko su toollu neya domodukwopilo. Toro amodukwopipi su toolluro kulako tovi Satanyol kaiyako igolmwalono'moneyokwe gamoro ato tovi neya domorubweyulo. Su tov a'mwo toolluro kuullo tool kaiyako yiunokuudo nomollounapiyo'jokwe tovino tov yiuno gamoro kulako to'no kaiyako i'numwalonekono. Su toro tovino kevu a'mwo toollu neya domodukwopilo. Lukomgu nemi Aguto tool kooti yogalo aduuwiyo'ji toga a'mwo su toolluro kuullo toolluno'gwowi ma'no ma'nodo tovuro kirumwallo tovida'ai nokwo bomollurolovomokalokwonekono.

1 Koorin 7:5

Toro tovino tov a'mwo kwolabolo su teyaul sumwonyo yo'moneyokwe tovino, “Awiyo,” maduumjuku'nomwalbulluneyaukono. Toro kuvi kuruv a'mwo kwolabolo su teyaul sumwoluko yiuno puru'mono wosuno'bullu subusu'nyogalo domwallo'moneyokwe toga aro nokwo domdukuurosubullunovakono. “Oo navu subusu'nyogalo adomwalosi toga sumwonyo mimwalosuno'makono.” Su toro me'no domdukuurosuno'bullu sumwonyo mibullu su toga'gwo subusu'nyogalo nokwo dumwalbullunovakono. Subusu'nyogalo me'no dopiyo'bullu toga sumwonyo aki aiko te nokwo ibullunovakono. Su tov aro tovinokwono. A'mwo kwolabolo su toval kevnokwe teyaulluro kulako tov pi'mwono mamollomwalnubullu tov Satanyolluro yamju pun wiyoganodowo'jure toga yere nobwolorabullukwe tovinokwono.

2 Koorin 11:14

Su toro yodupudo tooraino nevu mamorumoukuropiyokwenogano. Su tov aro tovinokwono. Satanyol gavnokwe tool Gooti toolluro bako tovi anakuuto tomuuda'ai ensel mwalodowodo pwolbusuko kuunano yalo'nowo'ji molloguuronekudapiyodowodekono.

2 Koorin 12:7

Gooti tool gamoro yiulo yogalo tonyu kuu'maiyo toru'no dodolukuu'noso'moneyokwe mi bwotonyago toga nyuduuwallodowodekono. Toro nyuduuwallodowodo tovino Gooti tool kuudo saurokaikono. Oo Poolol yiulo yogalo bwotonyago tonyuno kuudo youroma'dowodo tovino tov ilomoropunyu nyawo'jo. Ilomoropunyu nyawo'jokweyo'mo tov dado neya ibwosunmwalonekono. Gooti tool su toro kuudo yau'no sumaiyokwe dado puruv moro kulako tovi numa'duke toga nokwo wonyapino to'no sokaikono. Dado su tov Satanyolluro kuurokadokwe pwolbusuko bino sumaiyokwe moro kulako tovi abonumarokakwono. Toro te yiuwi'nokai toga nuu dado su tovida'ai kwaru'kwarupto ibwosungovla'mdumdo su tov nuvnokwe tekwonyu ilomoropunyu nyamiyokwe tovinokwono.

2 Koorin 2:11

Moro su toro yodumdo tov aro tovinokwono. Satanyol gamoro kuudo do'mopto tokwe nemi nekuuwolowo'ji nomolloguuronekudapiyo'jokwe tovinokwono. Nevu aro tovino kuudo nyau'mwakuuwono. Oo Satanyol gamoro kuudo do'mopto tokwe nemi kaiyako yanekullugollo'moneyokwe womdo yodowodoldeyo. Nevu su toro kuudo nyau'mwakuuwono.

Jems 4:7

Toro tovino tov kevu Gooti toollu kwako tomuu'aro neya duuwiyogaulo. Aki toro togaikul Satanyolluro yogalo tonyu kaduko nuuwimwalpiyo. Aki kevu Satanyolluro yogalo tonyu muu'nyubusuko to'no supi tov Satanyol kemi ikugollu'mowo'ji lukado novlawonekono.

1 Pita 5:9

Toro te Satanyolluro yogalo tovi kaduko mwipinono. Toro kworekul kuruv kemi Krais toolluno kuudo uubweyodupudo tovino'gwowi guureji gudupolaropi jurogudo dodavogaulo. Kevu aro tovino kuudo me'no youroma'dupudorekikono. Kevu tabunyuwuulo ma'dupudo to'busuko kubalno yiuwi'nokai Jisasolluro a'mwo abolo kwako akavi mwalodupudo kubuuro kuruv tabunyu aval'no ama'mwakopogano. Toro tobuuraino kevu kuudo neya jou'movlavogaulo.