Matyuu 27:43 - Gooti Toolluro Yogalokwono

⁴³ Aki toro tool Gooti toollu kuudo kuubweyajuko tovino tov Gooti tool a'mwo su toolluno ilaiyo kwino'ji tov aga toga nokwo wiyo'mwojonekono. Su tov aro tovinokwono. A'mwo su tool aro me'no ajajukekono. Oo nuu Gooti toolluro Kwolaiyo toonyugono. Su toro ajajuko tovinokwono.” A'mwo mido mollomwalokwe tooro burolyogalo toro ajunoporogano.

Matyuu 27:43 ပူးပေါင်းရင်းမြစ်များ

Da'buukiyo 22:8

Aki toro ton mi biyekuu'yogalo aro danuu'mwojodupudekwonyugono. “Gumi gujo'mwojo'moneyokwe Gooti Yawellu kuudo uubweyodumdo kwekuji kuruv magujo'mwojadopiyo. Gooti su tool gumino ilaiyo mollogumarowo'jujukolno'juki gumi nokwo agujo'mwojowo'jujukekugono.” Danuu'mwojodupudonyugono.

Matyuu 27:40

Toro ton aro ajuwoleyajupogano. “Aiyoo, Gooti toollu ilomoropiyo'moneyokwe ago tovi mouropiyo'bi iruko pullapullu guuwolo'nowo'ji toga aki aiko te mojokwe tookugono. Toro tookujuno tov guvnokwe tooku neya duuwiyo'mwoju'nono! Aki guu Gooti toolluro Kwolaiyo tookuno'juki i'noguropte tovida'ai doolabono!” Ajuwoleyajupogano.

Matyuu 27:54

Toruda'ai Jisasol nyaboloduke toollu mollurogudo pworogai'aro kemi mollubworomokwanyokwe tooke'aro tooro wobo toru amuugonodaiyajuporogano. Toro tooro wunyu wunyu tokwe'aro yiuwi'nokai imo'nodopure togai'aro tonyu me'no kwonopo tovino tov luko morumoukuropiyo'mno aro adoporogano. “Oo a'mwo akal Gooti toolluro Kwolaiyo kuunodo tookono.” Adoporogano.

Luuk 23:35

Aki a'mwo abolo ton wobo toru bodavo'mno amuugonallajupogano. Toro kuvi kuruv Juu tooravuro mido mollomwalokwe toorono'gwowi Jisasolluno burolpakuto mollovakuro'mno aro kuudoporogano. “A'mwo akal a'mwo abolo punyuno'gwowi kwiyo'mwojajukekono. Toro tool Gooti toolluro wiyo'mwojo'moneyokwe ajesoka Krais kuunodo toolno'juki gavnokwe tekwo neya wiyo'mwoju'nono.” Adomuugonallajuporogano.

Luuk 23:37

Aki toro tooro burolpakuto aro amollovakuroporogano. “Guu Juu tooravuro a'mwo aguto kig kuunodo tookuno'juki guvnokwe tooku duuwiyo'mwoju'nono.” Amollovakuroporogano.

Joon 10:30

Moro Nyunumiyago su tooke'aro nuvnokwe toonyuge'aro toonal yiuno pwolnodonakono.” Kuudokaikono.

Joon 10:36

Aki moro Nyunumiyago su tool gavnokwelluro womdo tovi yo'moneyokwe mi janubweno sumaiyokwe kwako akavi kwolomonuwopiyabokanyugono. Toro tovino tov nuu, “Gooti toolluro Kwolaiyonyugono,” aikudumi toga kevu mi aro nonyudumwalpiyo. “Guu Gooti toolluno kaiya'no yogalo abwolomorumwogapimwolano,” nonyudumwalpiyo.

Joon 19:7

Toro kuudoka tovi Juu tooro aro kuudoporogano. “Nemoro loowo puruv nooso. Nevu loowo su tovi kuumjuna'ji tov a'mwo su tool neya bolonekono. Su tov aro tovinokwono. A'mwo su tool gavnokweyolluno aro me'no dodowodekono. “Nuu Gooti toolluro Kwolaiyo toonyugono.” Su toro dodowodo tovino tov neya bolonekono.”