Matyuu 27:4 - Gooti Toolluro Yogalokwono

⁴ Toro mokavla'mno sumaiyokwe aro kuudokaikono. “Oo nuu ma'no ma'no me'no sugono. Nuu a'mwo ma'no ma'nodo maiyokwe toollu kemoro ato tovi amaikubwemonyugono.” Kuudokaikono. Toro kuudoka kuvi kuruv a'mwo mido mollomwalokwe su tooro burolyogalo aro kuudoporogano. “Gumoro anekudumodo su tov nemi manekwoso. Guvnokwe tookuji aguuwoso.” Kuudoporogano.

Matyuu 27:4 ပူးပေါင်းရင်းမြစ်များ

Mollurolovomato 12:31

Aki surakuuto avalo su tollugwoji Feroo tool Mooseseke Erooneke todorallu doma'no sumaiyokwe kuudokaikono. “Kevu yiuwi'nokai Isuraiyolda'ai a'mwo abolo tonyu wuudukuuro'bullu nemi nekugollu'movopi dovlaiyulo. Kevu kemi Gooti Yawellu ilomoropiyo'moneyokwe nyudoganodubulo tovi kuvinono duumjunyulo.

Mollurolovomato 9:27

Toruda'ai Feroo tool Mooseseke Erooneke todorallu doma'no sumaiyokwe aro kuudokaikono. “Aga toga nuu ma'no ma'nodo tov me'no sugono. Gooti Yawel yiuno sugudo to'no yoduke kuvi kuruv nuuge'aro moro a'mwo abolo togai'aro tonolno'gwowi ma'no ma'no sumwakuuwonogano.

Joona 1:14

Toro tekwojo Gooti Yawellu deko aro kuudoporogano. “Oo Gooti Yaweloo, nevu a'mwo akallu soolwaravi wolomoropiyowa'ji aromiyosa'ji tov guu nemi mido pun nonekuma'biyo. Aki toro tekwojonollu noromiyanekubwebiyo. Nevu gumino tov aro kuudo souroguma'mawono. Akaro sumo'nadopiko akav yiuno guvnokwekujuro gujunoduke tovida'ai jumo'nadopiyo. Kuudo saguu'mawono.” Kuudoporogano.

Matyuu 27:19

Toro te Pailatol kooti yogalo duuwiyo'mo sia aguto puvi ilomwaloduke toga gamoro abolo tov yogalo aro adopiyabokakwono. “Guu a'mwo ma'no ma'nodo maiyokwe su toollu kaiya'no migolbinono. Su tov aro tovinokwono. Nuu surakuuto toga a'mwo su toolluno wojo kaiya'nodo puruv me'no suwo'nyugo'migono.” Adopiyabokakwono.

Matyuu 27:54

Toruda'ai Jisasol nyaboloduke toollu mollurogudo pworogai'aro kemi mollubworomokwanyokwe tooke'aro tooro wobo toru amuugonodaiyajuporogano. Toro tooro wunyu wunyu tokwe'aro yiuwi'nokai imo'nodopure togai'aro tonyu me'no kwonopo tovino tov luko morumoukuropiyo'mno aro adoporogano. “Oo a'mwo akal Gooti toolluro Kwolaiyo kuunodo tookono.” Adoporogano.

Luuk 23:22

Toro delowo'na'dopure toga Pailatol aki aiko te pugasalpuga aro kuudokaikono. “A'mwo akal burowo'nyo ma'no ma'no pasudo tov sokaldeyo? Aki a'mwo akal neya bolono'moneyokwe pasudo puru'monodo kuruv miyodowodo toollu so'mgonoma'mwakono. Toro tovino tov nuvu a'mwo su toollu movagu'mwojo'mi nomollurolowapimekono.” Kuudokaikono.

Luuk 23:41

Namoro kirumwallo ama'mwakuuwolo to'gwowi nami ma'no ma'nodo tovida'ai kuvi kuuno ama'mwakuuwolo. Toro kuvi kuruv a'mwo akalno'gwowi ma'no ma'no puru'monodo kuruv miyodowodekono.” Kuudokaikono.

Luuk 23:47

Yiuwi'nokai su toro wimo'noduke tonyu a'mwo mollurogudo toorai mollubworomokwanyokwe pwol wobo toru amuugonodaiyajukekono. Toro tool Gooti toollu ilomodomoropiya'no aro adokaikono. “Oo a'mwo akal ma'no ma'no puru'monodo kuruv miyodowodekono.” Adokaikono.

Joon 19:7

Toro kuudoka tovi Juu tooro aro kuudoporogano. “Nemoro loowo puruv nooso. Nevu loowo su tovi kuumjuna'ji tov a'mwo su tool neya bolonekono. Su tov aro tovinokwono. A'mwo su tool gavnokweyolluno aro me'no dodowodekono. “Nuu Gooti toolluro Kwolaiyo toonyugono.” Su toro dodowodo tovino tov neya bolonekono.”

Kuurotokwe 13:28

Aki Jisasollu kooti yogalo aduuwiyopo toga ma'no ma'no puru'monodo kuruv miyoka toollu so'mgonomaropekono. Toro kworo kuruv, Neya abolono, kuudo yau'no sumaveyokwe Jisasollu romiyoso'moneyokwe Pailatolluro ato tovi amorubweyopekono.

Room 3:19

Kevu kuudo neya jaullulo. Moosesolluro loowo sakwollungiko ton yiuwi'nokai loowo su tovi dolago tomuu mwalodowado Juu tonollu danekullodowodokwono. Toro tovino tov yiuwi'nokai a'mwo abolo, “Oo nevu sugudonogano,” dodopure tonyuro mago tovi Gooti toolluro loowo tov uubuto'mdowodogano. Aki toro tovida'ai yiuwi'nokai a'mwo abolo kwako akavi mwalodupudo ton Gooti toolluro sumdo tovi jul'nyo kurukwe wimo'nodupudogano.

1 Timooti 4:2

A'mwo ibwasodupudo su tooro kuunano yojolukuulovoma'dupudorogano. Toro kworo kuruv kevnokwe tooro kuuguudo su tovi ku'nono muumjunpinorogano. Toro tooravuro kuudo ton yiuno dogaipo'nyo kuumwiyorogano. Aki a'mwo su tooro yiuwi'nokai ma'no ma'no pasudo supi tonyuno kemi poowokalago tonyu jul'nyo mibwosunodupudorogano. A'mwo su tooro kwolabolo yoma'nyo'moneyokwe

Taitos 1:16

A'mwo abolo su ton yiuno kemi mago tokwe to'no aro dodupudogano. “Nevu Gooti toolluno kuudo me'no youroma'dowadonogano.” Su toro dodupudo kuvi kuruv kemoro yomjomwekovla'mdupudo to'gwowi kemi yogalo su tovi muumjunodupudo tovino kuu'maiyo toru'no aro wuuduuwallunodupudogano. Gooti toollu ku'nono muumjunmwakuuwono. Kuu'maiyo toru'no su toro wuuduuwallunodupudogano. Toro te a'mwo abolo su ton kisuvolo yodupudogano. Aki toro ton sugupasudo yo'moneyokwe kuruv ku'nono mipinogano. Gooti tool a'mwo abolo su toro yodopure tonyuno kwoda'molo sumdo to'no yodowodekono.

Hibruu 7:26

Pris Aguto su tool nemi nekullo'mwojo'moneyokwe pi'mwono kuvinono nekullumo'nyokwekono. Toro tool Gooti gavnokwe toolluro kuunodo wimo'nyokwekono. Aki toro tool ma'no ma'nodomaiyekono. Aki kaiya'no puru'monodo kuruv mamollugolamo'nodowodekono. Aki a'mwo abolo ma'no ma'no yodupudo tonyu manyu tomuu'aro yomwallokwekono. Aki Gooti tool Pris Aguto su toollu gamoro ago muunyu kai'muu me'no sulomorumwallokaikono.

1 Pita 1:19

Toro kuvi kuruv mubiyo bwotonyo tokwe to'gwowi kemi abiyekumarokaikono. Mubiyo bwotonyo su tov Krais toolluro mujako abwoloka tokwe abiyekumarokaikono. Krais su tool Gooti toolluro sipsip muugunyo kaiya'no puru'monodo kuruv migolamo'nyungiko toolbusukekono.

1 Joon 3:12

Nevu Kenolluro soka to'busuko kubalno nyumwala'jo. Kenol Satanyolluro a'mwo kuunodo kwimo'nyajukekono. Toro tool kirovanyuvanyu pasudo ton amjumovlaiyajukekono. Toro kuvi kuruv gami gagwai'yago toolluro pasudo tono'gwowi idopto'nodo amjumovlaiyajukekono. Toro tovino tov Kenol a'mwo pasudo idopto'nodo amjumovlaiyajuko su toollu aromiyosokaikono.

Adodolukuu'nosungiko 11:10

Kwako akavida'ai a'mwo abolo ton toro muugonaropi dupinogano. “Oo me'no abololoraldeyo,” dopi ilaiyo ipinogano. Aki ilaiyo kuuno mujomwekovlaiyo'moneyokwe tov kemi ibwoto'nyo togai yasuwa'wino pun imgu amgu yodalopto yonomwalpinogano. A'mwo abolo su tonyuro ilaiyo ipino tov aro tovinokwono. Sumdomgu proofet su tooral Gooti toolluro yogalo tokwe yodubwasodubulo toga nobolluwuulo togai kuubweyajulorakono. Toro uubweyodole tovida'ai a'mwo abolo ton danyu'nyuwuulo bwotonyo ton amallajupogano. Toro tovino tov proofet su tooral abolbullu toga a'mwo abolo ton ilaiyo ipinogano.