Matyuu 27:31 - Gooti Toolluro Yogalokwono

³¹ Burolyogalo toro daromino sumaveyokwe a'mwo mollurogudo tooro Jisasolluro youro kumi'yago kwallujo tov mogallurulopiyo'mno gami youro tov aki aiko te amollubweyoporogano. Toro ibweno sumaveyokwe i'noguropte tovi movoromiyoguroptowoso'moneyokwe abomogaibworomokalokwoporogano.

Matyuu 27:31 ပူးပေါင်းရင်းမြစ်များ

Aisaiya 53:7

Toro tekwoji kaiyako igolodopure toga dado ibwosuno'no yogalo puru'monodo kuruv maravokaikono. Toro tool sipsip deko madodowodo pwolbusuko sumo'nokaikono. Sipsip pwol noromiyoso'moga'deyo oo ato kuurupiyomallo'moga'deyo toga deko madonekono. Toro toolbusuko kubalno a'mwo su tekwoji noromiyoso'mo yodopure toga yogalo puru'monodo kuruv maravokaikono.

Matyuu 20:19

Toro dopi a'mwo Juu tooravuro miyawosunodupudo pworai manubwepinonyugono. Toro manubweyopi toga Juu tooravuro miyawosunodupudo tooro burolyogalo nyudopi wuulo tokwe galogunyukuuronumollupinonyugono. Yopi i'noguropte tovi movoromiyoguroptovanubwepinonyugono. Toro amovoromiyoguroptovanubwepi kuvi kuruv iruko pullapullu me'no nuwolo'nowo'ji toga aki aiko te noduka'monyugono.” Kuudokaikono.

Matyuu 21:39

Toro yajunyuno sumaveyokwe kwolaiyo toollu galomworaro'mno wain womdo tovi kwa'mgu tomuuno bome'nomokalokwino sumaveyokwe aromiyosoporogano.

Matyuu 26:2

“Kevu lubullu doto puruvi yanyo'moneyokwe iruko tov wobo toga'deyo kuudo nyau'mwakovo. Lubullu doto su tov Muunyu Toru'aro Surukuruwolovoka tokwono. Toro tov iruko pullalno me'no uuwolo'nowo'ji toga bai'mowonokwono. Su toro toga A'mwo Kwolaiyo Kuunodo toonyu i'noguropte tovi movoromiyoguroptovanubweyo'moneyokwe ikomago pworavuro ato tovi nomanubwepinonyugono.” Kuudokaikono.

Kuuguudo Sugudo akav Makolluro sakwollokakwono Mak 15:20

Buroloyogalo toro wuujuno sumaveyokwe a'mwo mollurogudo tooro youro kwallujo tov mogallurulopiyo'mno gami youro tov aki aiko te amollubweyoporogano. Toro tooro i'noguropte tovi movoromiyoguroptowoso'moneyokwe abomogaibworomokalokwoporogano.

Joon 19:16

Toro wuujuno sumaveyokwe Pailatol Jisasollu i'noguropte tovi movoromiyoguroptowosupino'moneyokwe a'mwo mollurogudo tooravuro ato tovi amorubweyokaikono.

Joon 19:27

Toro wuujuno sumaiyokwe aki gami uumjunyokwe toonyu aro anyudokaikono. “Oo gumi juneyago agujumo'nadopiko tovi doonono!” Anyudokaikono. Su toro togada'ai nuvu Jisasolluro ganeyago tovi moro ago tomuuno mokavla'mno sumoneyokwe amollomwekelabiyajonyugono.

Kuurotokwe 7:58

Toro galomwora'no sumaveyokwe wagwolago tovi kwa'mgu tomuuno abome'nomokalokwopekono. Toro abome'nomokalokwopo tooraida'ai pwolluno yovo tov Soololekono. Aki a'mwo abome'nomokalokwopo su tooravuro pworo sumdomgu kaunsel toorai Stivenolluno kuunano yogalo soukuu'nuudopo toorogano. Toro tooro Stivenollu romiyoso'moneyokwe kemoro nobwaiyo ton Soololluro suvlo tovi wobo toru adosubweyoporogano. Toro me'no dosubweno sumaveyokwe a'mwo abome'nomokalokwopo su tooro Stivenollu sulo togai aluvaromiyoporogano.

Hibruu 13:12

Toro te Jisas kwol kuruv wagwolago tovi kwa'mgu tomuu danyu'nyuwuulo ibwosuno'no abolokaikono. Jisasolluro bolo'no mujako abwoloka su tov a'mwo abolo ton Gooti toolluro sumdo tovi sugudo wimo'nupino'moneyokweyokwono.