Matyuu 27:22 - Gooti Toolluro Yogalokwono

²² Toro delowo'na'dopure tonyu Pailatol aro kuudoganokaikono. “Gooti toolluro wiyo'mwojo'moneyokwe ajesoka Kraisolo dodupudo Jisasollu adado wimonyudeyo?” Kuudoganokaikono. Toro kuudoganoka toga yiuwi'nokai kwolallo ton aro kuudopogano. “A'mwo su to kwollu i'noguropte tovi domovoromiyoguroptowosono!” Kuudopogano.

Matyuu 27:22 ပူးပေါင်းရင်းမြစ်များ

Matyuu 1:16

Toruda'ai Jekoopol Joosepollu sawosunokaikono. Joosepol Mariyavi kwolo tookono. Mariyav Jisasollu somarokakwono. Jisasolluno a'mwo tooro aro dodupudekono, “Oo Krais tookono,” dodupudekono.

Matyuu 27:17

Toro te lomwo toga kwolallo ton Pailatolluro ago toru abi'bwo'nopogano. Toro bi'bwo'nodopure tonyu Pailatol aro kuudoganokaikono. “Juu toorekul, a'mwo Barabasollu mollurolowapiyo'mo dukekullunadopiyo oo Gooti toolluro wiyo'mwojo'moneyokwe ajesoka Kraisolo, dodupudo Jisasollu mollurolowapiyo'mo dukekullunadopiyo?” Kuudoganokaikono.

Matyuu 27:21

Toro te a'mwo aguto gavona Pailatol kwolallo tonyu aki aiko te aro kuudoganokaikono. “Nuu a'mwo su tooralluda'ai gadoollu kemi ato tovi irolowapiyo'mo dekullunadopiyo?” Kuudoganokaikono. Toro kuudoganoka toollu a'mwo abolo kwolallo ton deko aro adelowo'naropogano. “Guu Barabasollu jullurolowopiyabono.” Adelowo'naropogano.

Matyuu 27:23

Toro kuudopo tonyu Pailatol aro samuugojokaikono. “Burowo'nyo ma'no ma'nodo tov soka toolluno romiyosumonyudeyo?” Samuugojokaikono. Toro samuugojoka kuvi kuruv kwolallo su ton aki aiko te deko muunyu toru'aro guureji aro adelowo'nugoulapogano. “A'mwo su to kwollu i'noguropte tovi domovoromiyoguroptowosono!” Adelowo'nugoulapogano.

Kuuguudo Sugudo akav Makolluro sakwollokakwono Mak 14:55

Toruda'ai pris mido mollomwalokwe toorogai'aro Juu tooravuro yiuwi'nokai kaunsel toorogai'aro tooro Jisasollu romiyoso'moneyokwe kooti yogalo aduuwiyoporogano. Toro duuwino sumaveyokwe a'mwo yogalo arokwe pwolluno sa'mgonoporogano. “Oo Jisasol ma'no ma'no yoduke toollu kwononyugono,” A'mwo su toro adodoluvanekubweyoneyokwe toolluno a'mgono soporogano. Toro sa'mgonopo kworo kuruv a'mwo pwolnodo kwollu kuruv miyo'mgonomaroporogano.

Joon 4:25

Jisasol toro wuujuno sumaiyokwe abolo tov kuudokakwono. “Nuu aro kuudo nyau'mwakono. Gooti tool gamoro Mesaiya ajesoka pwollu nomonekwopiyabwonekono. Su toolluno Kraisolo dodupudekono. Toro tool abwo'ji toga yiuwi'nokai kavlo tonyuno kuu'maiyo nobomollolupto'nanekubweyonekono.” Kuudokakwono.

Kuurotokwe 13:28

Aki Jisasollu kooti yogalo aduuwiyopo toga ma'no ma'no puru'monodo kuruv miyoka toollu so'mgonomaropekono. Toro kworo kuruv, Neya abolono, kuudo yau'no sumaveyokwe Jisasollu romiyoso'moneyokwe Pailatolluro ato tovi amorubweyopekono.

Kuurotokwe 13:38

Nuugeravoo, kevu su toro tovino kuudo neya jouromarogaulo. Kemoro ma'no ma'nodo tovuro kirumwallo tovi modukwopiyo'moneyokwe tool yiuno Jisasekono. Kuuguudo su toro tovino sodekubwasadokwono.