Matyuu 27:18 - Gooti Toolluro Yogalokwono

¹⁸ Toro wuudoganyuno sumaiyokwe Pailatol kwolallo abi'bwo'nopo su tonyuno aro kuudo me'no souromarokaikono. Oo a'mwo kwolallo ton Jisasolluno ilaiyo kuudo yau'dopure kuvi kuruv pris mido mollomwalokwe toorono'gwowi Jisasolluno kwekuullu kuudo yau'dupu mi dobomanubwemavo. Kuudo me'no souromarokaikono.

Matyuu 27:18 ပူးပေါင်းရင်းမြစ်များ

Muuduko 37:11

Toro tovino gami gadai'yago tooro kwekuullu kuudo yau'dupu Joosepolluno ilaiyo mwinyajuporogano. Toro kuvi kuruv gami ganumiyago toolno'gwowi Joosepolluro wojo kuudoka tovino kuudo kwolallo sourukwapiyajukekono.

Matyuu 27:17

Toro te lomwo toga kwolallo ton Pailatolluro ago toru abi'bwo'nopogano. Toro bi'bwo'nodopure tonyu Pailatol aro kuudoganokaikono. “Juu toorekul, a'mwo Barabasollu mollurolowapiyo'mo dukekullunadopiyo oo Gooti toolluro wiyo'mwojo'moneyokwe ajesoka Kraisolo, dodupudo Jisasollu mollurolowapiyo'mo dukekullunadopiyo?” Kuudoganokaikono.

Matyuu 27:19

Toro te Pailatol kooti yogalo duuwiyo'mo sia aguto puvi ilomwaloduke toga gamoro abolo tov yogalo aro adopiyabokakwono. “Guu a'mwo ma'no ma'nodo maiyokwe su toollu kaiya'no migolbinono. Su tov aro tovinokwono. Nuu surakuuto toga a'mwo su toolluno wojo kaiya'nodo puruv me'no suwo'nyugo'migono.” Adopiyabokakwono.

Kuurotokwe 13:45

Toro i'bwo'nodopure tonyu Juu pworo wonyuno sumaveyokwe Banabaseke Pooleke tooralluno kwekuullu kuudo sauroporogano. Toro yau'no sumaveyokwe a'mwo abolo ton Poololluro yogalo tovi kaduko nuuwipiyokweyo'mo kuunano yogalo aro soukuu'nuudoporogano. “Poololluro yogalo aikudadopiko tov nebalo'maiyo.” Soukuu'nuudoporogano. Toro youkuu'nuujuno sumaveyokwe aki Poololluno bwolomorumwogapiyo'moneyokwe kuuguudo pun kuudoporogano.

Kuurotokwe 5:17

Toruda'ai pris aguto tooke'aro gami uumjunodupudo toorogai'aro tooro a'mwo kuurotokwe tooraino kwekuullu kuudo bwotonyo sauroporogano. Pris aguto toollu uumjunodupudo su tooro Sajuusiyorogano.

Kuurotokwe 7:9

Nemi nellukweyago su tooro aiyoga Joosepolluno kwekuullu kuudo yau'no sumaveyokwe Ijup'no pla'mdopure a'mwo pworai morapiyo'mno Joosepollu nuugwiyo abiyomaropekono. Toro te Joosepollu ki'nato womdo imwalono'moneyokwe Ijup'no amokavlavopekono. Toro amokavlavopo kuvi kuruv Gooti tool amollomwallajukekono.

Jems 4:5

Gooti toolluro yogalo sakwollungiko puruv aro nekudodowodokwono. “Gooti toolluro Kuullo kuulonekumwalodowodo tool buro'nyo buro'nyorodeyo pworo nemi amollubworonekumokavlapi tovino ilaiyo mwinyokwekono. Gooti toolluro Kuullo gavnokwe su toolno nemi mollubworonekumokavlaiyo'mo to'no winyokwekono.” Gooti toolluro yogalo sakwollungiko su tov yasuwa'nodo'maiyo. Toro tovino kevu kuudo neya jaurogaulo.