Matyuu 27:14 - Gooti Toolluro Yogalokwono

¹⁴ Toro kuudoganoka kuvi kuruv Jisasolno'gwowi kemoro yiuwi'nokai mojokuu'noso'moneyokwe yogalo dodopure su tooraino gamoro puruv muudokaikono. Toro yoduke toolluno Pailatol kuudo bwotonyo sourukwapiyokaikono.

Matyuu 27:14 ပူးပေါင်းရင်းမြစ်များ

Matyuu 26:63

Toro samuugojoka kwol kuruv Jisasolluro wuujo'mo tov mwinoduke tool yogalo puru'monodo kuruv maravokaikono. Toro toollu pris aguto tool aki aiko te guureji aro adumuurolovokaikono. “Gooti aiyo mujomwekovla'mdowodo toolluno yovo tovida'ai donyudono. Guu Gooti toolluro nekullo'mwojo'moneyokwe Krais ajesoka tool kwekudukono? Aki Gooti toolluro Kwolaiyo su tool guu kwekudukono?” Guureji toro adumuurolovokaikono.

Matyuu 27:12

Toro wuujuno sumaiyokwe pris mido mollomwalokwe toorogai'aro Juu tooravuro mido mollomwalokwe toorogai'aro tooro Jisasollu mojokuu'noso'moneyokwe yogalo dodopure kuvi kuruv Jisasolno'gwowi yogalo puru'monodo kuruv madokaikono.

Matyuu 27:13

Aki Pailatol Jisasollu guureji aro kuudoganokaikono. “Gumino tov, ma'no ma'no tono tono yokwekono, anyudadokwopo tovi nuu'nadokuuno. Toro tovino guu yogalo puru'monodo kuruv madubinekudeyo?” Kuudoganokaikono.

Kuuguudo Sugudo akav Makolluro sakwollokakwono Mak 15:5

Pailatolluro toro kuudoganoka tovi Jisasol yogalo puruv muudokaikono. Aki lukomgu kuga kuruv yogalo pugai'aro muudumovlavokaikono. Toro toolluno Pailatol kuudo kwolallo sourukwapiyokaikono.

Luuk 23:9

Toro tool Jisasollu yamuugojo bwotonyago ton kuudoganoka kuvi kuruv Jisasolno'gwowi yogalo puru'monodo kuruv muudokaikono.

Joon 19:9

Pailatol luko yo'no gami gavman womdokwe ago tovino aikomgu kuulno sumaiyokwe Jisasollu aro kuudoganokaikono. “Guu gadomuuda'aiyekudeyo?” Toro kuudoganoka kuvi kuruv Jisasol yogalo puruv muudokaikono.

1 Koorin 4:9

Toro kuvi kuruv Gooti tool nevu kuurotokwe tekwojonollu a'mwo aguto kig imo'nyo'moneyokwe majanekubweyokanogano. Toro tovino tov yiuno a'mwo yasuwa'nodo toorobusuko imo'nodowadonogano. Toro tekwojonolluno nekudodupudorogano. “Su toorai noromiyoso'morogano.” Su toro nekudodupudo tekwojonollu a'mwo abolo kwako akavi mwalodupudo ton muugonanekwo'dupudogano. A'mwo abolo togai'aro aki ensel kworogai'aro yiuwi'nokai ton muugonanekwo'dupudonogano.