Matyuu 26:39 - Gooti Toolluro Yogalokwono

³⁹ Toro wuujuno sumaiyokwe kuru'gwo uuwo'no gamoro sumdomago tov kwako tovi wolomuulo'na'no sumaiyokwe subusu'nyogalo tov aro adokaikono. “Mi Nyunumiyagoloo, nuu dado su tovi mama'miyokwe puuto puruv nokwo youlanubwebinekudukono? Toro kuvi kuruv moro anyunadopiko su tovi muumjunbinono. Yiuno guvnokwekujuro yo'mo agujunadopiko tovino duumjunono.” Kuudokaikono.

Matyuu 26:39 ပူးပေါင်းရင်းမြစ်များ

Muuduko 17:3

Toro kuudoka tovi Eburamol kwako tovi wolomuulo'na'duke toga Gooti tool aro kuudokaikono.

Aisaiya 53:12

Aki toro tekwojuno Gooti Yawel aro adokaikono. “A'mwo ma'no ma'nodokwe pworai kaiyako igolodupudo to'busuko kubalno moro a'mwo womdokwe su tekwoji kaiyako igolo'mno aromiyosopekono. Toro romiyosodopure toga a'mwo womdokwe su tekwo aromiyanubwepureyokwe nokwo wonyapino sokaikono. Toro tekwo a'mwo abolo ma'no ma'nodokwe bwotonyago tonyuro aiko toru maro'no a'mwo abolo su tonyu wiyo'mwojo'moneyokwe subusu'nyogalo adokaikono. Toro soka tekwojuno tov yovo agutokwe imo'nyo'mo uubweyo'mi a'mwo jurogudokwe toorogai uumwallumekono. Toro kuumwallumi tool molo uuwolo'mdupudo tooravuro kuto ivito ipoloma'dopure tonyuda'ai pun nomo'movla'mwalonekono.” Adokaikono.

Jagillo 14:5

Toro sajunopo tovino tov Mooseseke Erooneke todoral Isuraiyolda'ai a'mwo abolo tonyuro sumdollu toru kwako tovi kwolomuulo'narolorakono.

Matyuu 20:22

Toro kuudoganoka kuvi kuruv Jisasol abolo tovuro muugunyo toorallu aro kuudokaikono. “Kemoro anyudoganmapo su tovino kevu kuudomaiyogaikikono. A'mwo toorakul nuvu dado subwosunmi to'busuko kubalno kev kworakul kuruv puga nokwo ibwosunbullunorakuldukono?” Kuudoganokaikono. Toro kuudoganoka todoral kuudolorakono. “Tade, navu nokwo'monakono.” Kuudolorakono.

Matyuu 24:24

Su tov aro tovinokwono. A'mwo kuunano yogalo youkuu'najokwe pworo bopi ikudupinorogano. “Nuu Krais toonyugono.” Aki pworo ikudupinorogano. “Nuu proofet toonyugono.” Toro tooro kemi kaiya'nodo tomuuno mollubworomokavlaiyo'mo tooro duuwallo jurogudo pun ikuduuwallupinorogano. Aki Gooti toolluro a'mwo abolo me'no ajesungiko kunyu ki'nomallo'mo puuto puruv kurukweyo'mno'juki nokwo ki'nomapinorogano. Toro kworo kuruv ku'nono mai'nomapinorogano.

Matyuu 26:42

Jisasol toro wuujuno sumaiyokwe aikomgu uuwo'no sumdomguda'ai subusu'nyogalo kuudoka to'busuko kubalno aki aiko te aro kuudokaikono. “Mi Nyunumiyagoloo, moro dado mallo'mo sadokwo tovi amanyudukwopiyoneyokwe anyunadopiyo. Toro kuvi kuruv moro anyunadopiko su tovi muumjunbinono. Yiuno guvnokwekujuro yo'mo agujunadopiko tovino duumjunono.”

Kuuguudo Sugudo akav Makolluro sakwollokakwono Mak 13:22

Su tov aro tovinokwono. A'mwo kuunano yogalo youkuu'najokwe pworo bopi aro dupinorogano. “Nuu Krais toonyugono.” Aki pworo aro dupinorogano. “Nuu proofet toonyugono.” Toro tooro kaiya'nodo tomuuno mollubworomokavlaiyo'mo tooro duuwallo jurogudo pun wuuduuwallupinorogano. Toro tooro Gooti toolluro a'mwo abolo me'no ajesungiko tonyu ki'nomallo'mo winodopure kworo kuruv ku'nono mai'nomapinorogano.

Luuk 17:16

Aki toro tool Jisasolluro suvlo dolago tomuu bomuulo'naro'no Jisasollu, “Nenyoo,” kuudokaikono. A'mwo su tool Samariyada'ai pwekono.

Joon 11:41

Toro wuujuno sumaiyokwe a'mwo buuso noullo tovida'ai sulo bwotonyo toollu amousogunyugolowosopokwono. Toro mousogunyugolowosuno sumaveyokwe Jisasol muunyu kai'muuno iloonyopino sumaiyokwe aro adokaikono. “Mi Nyunumiyagoloo, mi nuu'nodumdo tovino, “Nenyoo,” agudumono.

Joon 14:31

Toro tool jurogudo nonaguto kwol kuruv nuu wonyapino yodo'mure toonyu kaiyako nyanyugolonekono. Toro yanyugolodowo'jure kuga kuruv nuu mi Nyunumiyago toolluro adanyoka tovino'gwowi nuumjunmonyugono. Mi Nyunumiyago toollu uumjunodo'mure su tovi'aro a'mwo abolo kwako akavi mwalodupudo ton wonopi kuudo yanuupinogano. Oo gami Ganumiyago toolluno kalo buuropino winodowodoldeyo. Kuudo yanuupinogano.” Jisasol toro kuudokaikono. Me'no wuujuno sumaiyokwe gami uumjunyokwe toorai kuudokaikono. “Kevu julodaiyulo. Nevu kado avlawanoo.” Kuudokaikono.

Joon 18:11

Toro te Jisasol Pitallu aro kuudokaikono. “Guu kwallu'mopto su toul gami wo'dowodo aiko tomuu neya domullosono. Nuu dado ibwosunyo'moneyokwe tov mi Nyunumiyago toolluro anyamoka tovi kuvinono neya uumjunmonyugono.” Kuudokaikono.

Joon 5:19

Toro te Jisasol Juu su toorai aro kuudokaikono. “Nuu nebal'no kuunodo ikudumo'mokwono. Gooti toolluro Kwolaiyo toonyu nuvnokwenyuro kuudo tovida'ai womdo miyokwenyugono. Toro kwonyu kuruv yiuno mi Nyunumiyago toolluro womdo yodowo'jure tovi wonoma'dumdo tovida'ai to'no womdo aval'no yokwenyugono. Kuudo neya jaullulo. Nyunumiyago su tool burowo'nyo burowo'nyo womdo ton so'ji tov gamoro Kwolaiyo kwonyu kuruv womdo su tonyu aval'no yokwenyugono.

Joon 5:30

Nuvu nuvnokwenyuro kuudo tovida'ai womdo miyodumdonyugono. Toro kuvi kuruv mi Nyunumiyago toolluro yogalo nyudodowo'jure tovi kuumjunmi tovi'aro to'no kooti yogalo wuu'no'mi jainyubwo'dumdonyugono. Aki neya duu'nyulo. Nuvnokwe toonyuro kuudo tovi uumjunyo'mo manyunodowodonyugono. Toro kwonyu kuruv yiuno mi amonuwopiyaboka toolluro ilaiyo winodowo'jure tovino'gwowi kuvinono uumjunyokwenyugono. Toro tovino tov nuu kooti yogalo tovi pi'mwono to'no jainyubwo'dumdonyugono.”

Joon 6:38

Neya duu'nyulo. Nuvu muunyu kai'muuda'ai kwolabo tov nuvnokwenyuro kuudo tovi uumjunyo'moneyokwe kwolabonyumaiyo. Toro kwonyu kuruv mi Nyunumiyago amonuwopiyaboka toolluro ilaiyo winodowodo tonyuno'gwowi kuvinono uumjunyo'moneyokwe kwolabonyugono.

Kuurotokwe 10:25

Toro winodopure toga Pital ki'movo'no ago tovi kuullo'mo yoduke toga Kooniliyosol ilaiyo mollomallo'moneyokwe lokabo'no Pitallu abilluru'marokaikono. Toro billuru'ma'no sumaiyokwe Pitalluro suvlo dolago tovi bwolomuulo'naro'no kwolluno sulomoropiyokaikono.

Filipai 2:8

Aki Jisasol kwako akavida'ai a'mwo pwolbusuko kula'noka imo'nyuno sumaiyokwe gavnokweyol abwolomoropinyajukekono. Toro tool Gooti toollu uumjunyuno uumjunyuno sumaiyokwe noromiyoso'mo yodopure kuga kuruv kuuno kuumjunokaikono. Toro uumjunyuno sumaiyokwe i'noguropte tovi yiuno'no sulabolokaikono.

Hibruu 5:7

Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.

Adodolukuu'nosungiko 19:10

Ensel toro anyudoka toollu ilomoropiyo'moneyokwe nuu gamoro suvlo dolago tomuu kwolomuulo'naronyugono. Toro wolomuulo'na'dore kuvi kuruv ensel su tool aro anyudokaikono. “Guu mino milomonuwopiyabinono. Nuu kwonyu kuruv guvuge'aro gumoro avaiwomdokwe tekwojogai'aro toorekulbusuko Gooti toolluro womdo tovi aval'no wiyodumdekwonyugono. Gumoro avaiwomdokwe su tooro Jisasolluro yogalo kuu'maiyo toru'no me'no adodoluwosajuko su tovi gudupola'dupudorogano. Toro te kevu yiuwi'nokai toorekul yiuno Gooti toolluno to'no neya julomoropiyogaulo.” Su tov aro tovinokwono. Proofet yogalo tonyuro womdo aguto tov Jisasolluno kuu'maiyo neya adodoluwosopureyokwe tovinokwono.